آج کا شعر

[زونی]

بوئے گل، نالہء دل، دودِچراغِ محفل
جو تیری بزم سے نکلا سو پریشاں نکلا

 

[شمشاد]

یوں تو اپنے قاصدانِ دل کے پاس
جانے کس کس کے لیے پیغام ہیں

جو لکھے جاتے رہے اوروں کے نام
میرے وہ خط بھی تمہارے نام ہیں
(جون ایلیا)

 

[محمد وارث]

ہم نغمہ سرا کچھ غزلوں کے، ہم صورت گر کچھ خوابوں کے
بے جذبۂ شوق سنائیں کیا، کوئی خواب نہ ہو تو بتائیں کیا

(اطہر نفیس)

 

[شمشاد]

تیرے پیار میں رُسوا ہو کر جائیں کہاں دیوانے لوگ
جانے کیا کیا پوچھ رہے ہیں یہ جانے پہچانے لوگ

ہر لمحہ احساس کی صہبا رُوح میں ڈھلتی جاتی ہے
زیست کا نشّہ کچھ کم ہو تو ہو آئیں میخانے لوگ
(عبید اللہ علیم)

 

[عیشل]

وہ ملا تو صدیوں کے بعد بھی میرے لب پہ کوئی گلہ نہ تھا
اُسے میری چپ نے رلا دیا جسے گفتگو میں کمال تھا

 

[شمشاد]

رات بھر ہم روشنی کی آس میں جاگے عدیم
اور دن آیا تو آنکھوں میں اندھیرا کر گیا
(عدیم ہاشمی)

 

[سارہ خان]

صرف تقدیر پہ انسان بھروسہ نہ کرے
حُسنِ نیت بھی ہو، کوشش بھی ہو، تدبیر بھی ہو

جب کہیں جا کہ کوئی تاج محل بنتا ہے
شوقِ تعمیر بھی ہو، قدرتِ تعمیر بھی ہو

 

[فرخ منظور]

تامّل تو تھا ان کو آنے میں قاصد
مگر یہ بتا طرز ِانکار کیا تھی؟

(علّامہ اقبال)

 

[شمشاد]

سامانِ طرب اور زمانے کے لئے ہیں
ہم جسم کا اسباب اُٹھانے کے لئے ہیں

اے کاریگرِ حسن کبھی تو نے یہ سوچا
یہ چاند بھی مٹی میں ملانے کے لئے ہیں
(رام ریاض)

 

[فرحت کیانی]

جہاں میں جن کے لہو سے تھی روشنی قائم
ترس رہے ہیں وہی لوگ روشنی کیلئے

 

[فرحت کیانی]

احباب کا اس دور میں بےکار ہے شکوہ
اخلاق تو اس دور میں آٹے میں نمک ہے

(سہیل اختر ہاشمی)

 

[فرحت کیانی]

اے وقت تیری عمرِ گزشتہ کی خیر ہو
یادوں کے حسنِ زار میں اتری ہوئی ہے دھوپ

عبدالرب نشتر

 

[شمشاد]

غمِ جہاں ہو، غمِ یار ہو کہ تیر ستم
جو آئے، آئے کہ ہم دل کشادہ رکھتے ہیں
(فیض)

 

[محمد وارث]

ہے یہ دنیا ایک ہی افسانۂ ناکامِ شوق
جس نے جو چاہا الگ تجویز عنواں کر دیا

(تلوک چند محروم)

 

[سیدہ شگفتہ]

سوچیں گہری دریاؤں سے
خدشے کالی راتوں سے
تنہاءی چُپ سے بھی گہری
لمحے گہرے سالوں سے
پر موسم موسم ملنے والے
زخم کئی پاتالوں سے


شاعر نامعلوم

 

[شمشاد]

تیری یاد میں آنسوؤں کا سمندر بنا لیا
تنہائی کے شہر میں اپنا گھر بنا لیا

سنا ہے لوگ پوجتے ہیں پتھر کو
اس لیے دل اپنا پتھر بنا لیا

 

[فرخ منظور]

پھر وہی ہم ہیں‌، وہی تیشہِ رسوائی ہے
دودھ کی نہر تو پرویز کے کام آئی ہے
(شاعر کا نام یاد نہیں‌آرہا)

 

[شمشاد]

مری سوچ میں تو نہ آسکیں ، تری نفرتوں کی وہ شدتیں
ترے دھیان میں نہ سما سکیں مری خواہشیں مری چاہتیں
(نزہت عباسی)

 

[فرحت کیانی]

بھر دیا خوش ہو کے بنیادوں میں نسلوں کا لہو
کس قدر مہنگی پڑی تعمیرِ کاشانہ مجھے

۔۔سراج الدین سراج

 

[سارا]

فصیلِ جسم پہ تانی ہے کرب کی چادر
ہم اہلِ درد سے پوچھو کہ زندگی کیا ہے۔۔۔