آج کا شعر

[شمشاد]

کیا حسین یادیں تھیں ، کیا حسین باتیں تھیں
کیا عجیب سپنے تھے کیا عجیب راتیں تھیں

کیسا اک تماشا تھا آنکھ نے جو دیکھا تھا
جیت کس طرف کی تھی کس طرف کی ماتیں تھیں

 

[زونی]

پھولوں کے ساتھ دل کا ہر اک زخم کھل اٹھا
میں بھی کبھی بہار سے غافل نہیں رہا

 

[شعیب خالق]

اڑتی ہے ہر اک شور کے سینے سے خموشی
صحراؤں پر شور دیاروں سے گلہ ہے
جون ایلیا

 

[شمشاد]

حکایتیں نہ داستاں ، بچا نہیں کوئی نشاں
انا کے کھیل میں دلوں کا ہو گیا بہت زیاں

نہ جانے بات کیا ہوئی جو آ گئی یوں درمیاں
کہ پھر کبھی نہ چُھٹ سکا غبارِ دل غبارِ جاں

 

[شعیب خالق]

اک پل کسی درخت کے سائے میں سانس لے
سارے نگر میں جاننے والا کوئی تو ہو

 

[شمشاد]

ہمارے واسطے گھر میں کہیں اماں بھی نہیں
کہ آستاں بھی نہیں کوئی آشیاں بھی نہیں

 

[فرخ منظور]

شورِ دریا سے یہ کہتا تھا سمندر کا سکوت
جس کا جتنا ظرف ہے اتنا ہی وہ خاموش ہے
(نامعلوم)

 

[شمشاد]

یہ دل یہ پاگل دل مرا کیوں بجھ گیا آوارگی
اِس دشت میں اِک شہر تھا، وہ کیا ہُوا آوارگی

 

[محمد وارث]

نالہ جاتا تھا پرے عرش سے میرا اور اب
لب تک آتا ہے، جو ایسا ہی رسا ہوتا ہے

(غالب)

 

[فرخ منظور]

غلطی ہائے مضامین مت پوچھ
لوگ نالے کو رسا باندھتے ہیں
(غالب)

 

[زونی]

ہم جہاں بھی گئے ذوقِ سجدہ لئے
ہر جگہ آپ کا آستانہ ہوا


(ساغر صدیقی)

 

[یونس رضا]

بچھڑنے والے اتنے ہو گئے ہیں شہر در شہر
کہ باقی اب کسی گھر میں عزاداری نہیں ہے

 

[شعیب خالق]

واعظ ہے کوئی ، شیخ کوئی، محتسب کوئی
کیا کیا نہ آج بھیس بنا ئے ہوئے ہیں لوگ
جمیل عظیم آبادی

 

[شمشاد]

کسی آگ نے وہ دھواں دیا ، مجھے دیکھنے بھی کہاں دیا
وہ مسافتوں کا جہاں دیا ، کہیں راستہ ہے کہیں نہیں

 

[یونس رضا]

مدت ہوئ بچھڑے ہوئے اک شخص کو لیکن
اب تک درودیوار پر خوشبو یا اثر ہے

 

[شعیب خالق]

اُتر بھی آؤ کبھی آسمان کے زینے سے
تمہیں خدا نے ہمارے لیے بنا یا ہے
بشیر بدر

 

[یونس رضا]

تمام عمر کی نا معتبر رفاقت سے
کہیں ملا ہے کہ پل بھر ملیں‌یقین سے ملیں

 

[شمشاد]

بنا گلاب تو کانٹے چبُھا گیا اِک شخص
ہُوا چراغ تو گھر ہی جلا گیا اِک شخص
(عبید اللہ علیم)

 

[شمشاد]

مدت ہوئ بچھڑے ہوئے اک شخص کو لیکن
اب تک درودیوار پر خوشبو یا اثر ہے

ڈاکٹر صاحب اس شعر کے دوسرے مصرعے کی طبیعت ناساز لگتی ہے۔

 

[شعیب خالق]

وہ جو اک رفاقت تھی اب کہاں رہی باقی
عمر بھر کا رشتہ بھی دو گھڑی سا لگتا ہے​