آج کا شعر

[شمشاد]

جوشِ جنوں میں چھوٹ گیا آستانِ یار
روتے ہیں منہ میں دامنِ سہارا لیئے ہوئے

 

[شعیب خالق]

وقت کرتا ہے ہر سوال کا حل
زیست مکتب ہے امتحان نہیں
امجد اسلام امجد​

 

[شمشاد]

تمہارے شہر کی ہر چھاؤں مہرباں تھی مگر
جہاں پہ دھوپ کڑی تھی وہاں شجر ہی نہ تھا
(پروین شاکر)

 

[شعیب خالق]

بھول بیٹھا کتاب ِ رُخ پڑھ کر
لکھ کے آؤں گا امتحان میں کیا
رئیس باغی

 

[شمشاد]

کوئے ستم کی خامشی آباد کچھ تو ہو
کچھ تو کہو ستم کشو، فریاد کچھ تو ہو
بیداد گرسے شکوۂ بیداد کچھ تو ہو
بولو، کہ شورِ حشر کی ایجاد کچھ تو ہو
(فیض)

 

[شعیب خالق]

پاس تھا رشتوں کا جس بستی میں عام
میں اس بستی میں بے رشتہ ہوا
جون ایلیا

 

[شمشاد]

عاشق بھی ہم ہوئے تو عجب شخص کے ہوئے
جو ایک دم میں خون کرے سو ندیم کا

 

[محمد وارث]

نہ پوچھ عالمِ برگشتہ طالعی آتش
برستی آگ جو باراں کی آرزو کرتے

 

[مون]

بتائے کون کہ کاغذ کی سطح ِ خالی پر
بغیرحرف بھی نقطہ وجود رکھتا ہے

 

[شعیب خالق]

اور کیا دیکھنے کو باقی ہے
آپ سے دل لگا کے دیکھ لیا
فیض احمد فیض

 

[شمشاد]

شاخ پر خونِ گل رواں ہے وہی
شوخیِ رنگِ گلستاں ہے وہی

سر وہی ہے تو آستاں ہے وہی
جاں وہی ہے تو جانِ جاں‌ہے وہی

 

[شعیب خالق]

ہر کوئی اپنی ہی آواز سے کانپ اٹھتا ہے
ہر کوئی اپنے ہی سائے سے ہراساں جاناں
احمد فراز

 

[شمشاد]

ناکامیوں کو میں نے کیا اپنی کامیاب
جینے کے راس آئے ہیں کیا ولولے مجھے

 

[محمد وارث]

چھوڑی اسد نہ ہم نے گدائی میں دل لگی
سائل ہوئے تو عاشقِ اہلِ کرم ہوئے

(غالب)

 

[شمشاد]

دشت ِ افسردہ میں اک پھول کھلا ہے سو کہاں
وہ کسی خواب ِگریزاں میں ملا ہے سو کہاں

 

[فرخ منظور]

باغ ِبہشت سے مجھے حکمِ سفر دیا تھا کیوں
کارِ جہاں دراز ہے، اب میرا انتظار کر
(اقبال)

 

[مون]

ہو اگر خود نگر و خودگر و خودگیر خودی
یہ بھی ممکن ہے کہ تو موت سے بھی مر نہ سکے
(اقبال)

 

[شمشاد]

تجھے میں مانگ رہا ہوں ، یہ کس بہانے سے
چھپا ہوا ہے مری ، خواہشِ سوال میں تُو

 

[فرخ منظور]

سکوں محال ہے قدرت کے کارخانے میں
ثبات اک تغیر کو ہے زمانے میں

(اقبال)
یعنی اقبال نے تغیّر کو ایک ثبات دے دیا -

 

[شمشاد]

پھر ایک خوابِ وفا بھر رہا ہے آنکھوں میں
یہ رنگ ہجر کی شب جاگ کر نہیں آیا