آج کا شعر

[شمشاد]

یہ تو لگتا ہے سوال جواب شروع ہو گئے۔

 

[شمشاد]

تو جب سے گیا ہو گیا ویران یہ گھر بھی
ہوتا ہے بہاروں میں ہی گر جائے شجر بھی

رہنے کو تو رہتے ہیں کہیں ایک ہی گھر میں
ہوتی ہے مگر اس کو کہاں میری خبر بھی

 

[فرحت کیانی]

باغباں نے آگ دی تھی آشیانے کو مرے
جن پہ تکیہ تھا وہی پتے ہوا دینے لگے

(ثاقب لکھنؤی

 

[شمشاد]

بزم خیال میں ترے حسن کی شمع جل گئی
درد کا چاند بجھ گیا، ہجر کی رات ڈھل گئی
(فیض)

 

[فرخ منظور]

باغباں نے آگ دی جب آشیانے کر مرے
جن پہ تکیہ تھا وہی پتے ہوا دینے لگے

(ثاقب لکھنؤی

میرا خیال ہے فرحت صاحبہ صحیح شعر یوں ہے

باغباں نے آگ دی تھی آشیانے کو مرے
جن پہ تکیہ تھا، وہی پتے ہوا دینے لگے

 

[فرحت کیانی]

میرا خیال ہے فرحت صاحبہ صحیح شعر یوں ہے

باغباں نے آگ دی تھی آشیانے کو مرے
جن پہ تکیہ تھا، وہی پتے ہوا دینے لگے

میں نے 'جب' کے ساتھ ہی پڑھا تھا سخنور۔۔جو کہ یقیناً غلط ہی ہو گا۔۔۔( اور کو کی 'کر' میں تبدیلی ٹائپو غلطی تھی۔۔۔)تصحیح کے لئے بہت شکریہ

 

[فرحت کیانی]

نئے سخن کی طلبگار ہے یہ نئی دنیا
وہ ایک بات پرانی کہیں تو کس سے کہیں

 

[شمشاد]

یہ کیسا درد کا سیلاب جی سے گزرا ہے
یہ کس نے آگ لگا دی ہے پیرہن میں مرے

نہیں کہ زیست ہی اپنی قبائے مفلس تھی
فراز سینکڑوں پیوند ہیں کفن میں مرے

 

[شعیب خالق]

دشمنوں نے مجھ کو سمجھا اپنی اپنی سوچ تک
دوستوں نے اپنے اپنے ظرف تک پایا مجھے
میں تر وتازہ ھوں شاخِ زندگی پر دیکھ لے
حادثوں کی دھوپ تو نے لاکھ سلگایا مجھے​

 

[شمشاد]

دل کو اشکوں کی روانی سے نکالا جائے
ڈوبتے شخص کو پانی سے نکالا جائے
دو ہی کردار کہانی میں ہیں دونوں متضاد
کیوں نہ دونوں کو کہانی سے نکالا جائے

 

[شعیب خالق]

مجھ سے مخلص اور نہ مرے جذبات سے تھا
اس کا رشتہ تو فقط اپنے مفادات سے تھا

 

[حسن علوی]

سوچتے ہی رھے کہ پوچھیں گے تری آنکھوں سے
کہ کس سے سیکھا ھے ہُنر دل میں اتر جانے کا

 

[حسن علوی]

ترے ہجر میں بھی کتنا آسان تھا مرنا جاناں
پھر بھی اک عمر لگی جان سے جاتے جاتے

 

[شمشاد]

زہر ملتا رہا ، زہر پیتے رہے ، روز مرتے رہے ، روز جیتے رہے
زندگی بھی ہمیں آزماتی رہی ، اور ہم بھی اسے آزماتے رہے

 

[فرخ منظور]

سلسلے توڑ گیا، وہ سبھی جاتے جاتے
ورنہ اتنے تو مراسم تھے، کہ آتے جاتے
(فراز)

 

[شمشاد]

چادر وفا کی اوڑھ لی تربت میں ہو کے خاک
دل تھا صحیفہ ، جسم کو جزدان کر گیا

 

[فرخ منظور]

بس کہ دشوار ہے ہرکام کا آساں ہونا
آدمی کو بھی میّسر نہیں‌انساں‌ہونا
(مرزا)

 

[محمد وارث]

کر رہا تھا غمِ جہاں کا حساب
آج تم یاد بے حساب آئے

(فیض)

 

[زونی]

ترے ہجر میں بھی کتنا آسان تھا مرنا جاناں
پھر بھی اک عمر لگی جان سے جاتے جاتے

میں کافی دیر سوچ بچار کے بعد اس نتیجے پہ پہنچی ہوں کہ یہ وہی شعر ھے جو میں نے اسطرح پڑھا ھے،

' کتنا آسان تھا تیرے ہجر میں مرنا جاناں
پھر بھی اک عمر لگی جان سے جاتے جاتے

 

[زونی]

نہ مرے زخم کھلے ہیں نہ تیرا رنگِ حنا
اب کے موسم ہی نہیں آئے گلابوں والے

(احمد فراز)