آج کا شعر

[مون]

میری ساری زندگی کو بےثمر اُس نے کیا
عُمر میری تھی مگر اُس کو بسر اُس نے کیا

(منیر نیازی)

 

[شعیب خالق]

یہ اجنبی سی منزلیں اور یہ رفتگاں کی یاد
تہنائیوں کا زہر ہے اور ہم ہیں دوستو
منیر نیازی​

 

[یونس رضا]

آ عندلیب مل کے کریں آہ و زاریاں
تو ہائے گل پکار میں چلاؤں ہائے دل!

 

[شعیب خالق]

جھوٹ کو جھوٹ بھی کہتے نہیں بنتی ہے ، کبھی
سچ کو سچ بھی ، بسا اوقات نہیں کہہ سکتے
رئیس باغی​

 

[شمشاد]

دونوں جہان تیری محبت میں ہار کے
وہ جا رہا ہے کوئی شبِ غم گزار کے

ویراں ہے میکدہ، خم و ساغر اداس ہیں
تم کیا گئے کہ روٹھ گئے دن بہار کے

 

[پاکستانی]

میڈے محتاج لہجے وچ نہ سختی ہئی نہ گرمی ہئی
پتہ نئیں یار کیوں رُس گیئیں کیویں آئی خار گالھیں تے

 

[شمشاد]

جو موتیوں کی طلب نے کبھی اداس کیا
تو ہم بھی راہ سے کنکر سمیٹ لائے بہت

 

[زینب]

مجھے دیکھ کر جو اک نظر،میرے سارے درد سمجھ سکے
جو ہو اس قدر چارہ گر،مجھے اس نگاہ کی تلاش ہے

 

[شمشاد]

صرف آنسو ہی اگر دستِ کرم دیتا ہے
میری اُجڑی ہوئی آنکھوں کو سمندر کر دے

 

[یونس رضا]

پردیسی نال نہ لایئے یاری، توڑی لکھ سونے دا ہووے
پر اک گلوں پردیسی چنگا، جد یاد کرے تاں رووے

 

[زینب]

واہ واہ کیا کہنے جی۔۔۔۔۔۔۔۔۔۔۔۔۔۔
عرض کیا ہے۔۔۔

بہت سی باتیں ایسی ہیں جنہیں ہم فرض کرتے ہیں۔۔

چلو یہ فرض کرتے ہیں اسے مجھ سے محبت ہے

 

[شمشاد]

بو جھل نظر آتی ہیں بظاہر مجھے لیکن
کھلتی ہیں اترکر دل میں تیری آنکھیں

 

[زونی]

شکوہء ظلمتِ شب سے تو کہیں بہتر تھا
اپنے حصے کی کوئی شمع جلاتے جاتے

 

[فرخ منظور]

جی ہاں یہ علامہ اقبال کا ہے

بہت شکریہ شعیب صاحب لیکن کیا آپ بتا سکتے ہیں کہ یہ شعر کونسی کتاب اور کونسی نظم سے لیا گیا ہے؟

 

[محمد وارث]

بہت شکریہ شعیب صاحب لیکن کیا آپ بتا سکتے ہیں کہ یہ شعر کونسی کتاب اور کونسی نظم سے لیا گیا ہے؟

فرخ صاحب یہ شعر بانگِ درا کے حصہ "ظریفانہ" میں سے ہے، مکمل قطعہ کچھ یوں ہے


ہم مشرق کے مسکینوں کا دل مغرب میں جا اٹکا ہے
واں کنڑ سب بلوری ہیں یاں ایک پرانا مٹکا ہے

اس دور میں سب مٹ جائیں گے، ہاں باقی وہ رہ جائے گا
جو قائم اپنی راہ پہ ہے اور پکا اپنی ہٹ کا ہے

اے شیخ و برہمن، سنتے ہو کیا اہل بصیرت کہتے ہیں
گردوں نے کتنی بلندی سے ان قوموں کو دے پٹکا ہے

یا باہم پیار کے جلسے تھے ، دستور محبت قائم تھا
یا بحث میں اردو ہندی ہے یا قربانی یا جھٹکا ہے

 

[فرخ منظور]

بہت شکریہ وارث صاحب آپ نے میری مشکل آسان کردی - اور بہت شکریہ شعیب صاحب

 

[فرخ منظور]

تنگ آچکے ہیں کشمکشِ زندگی سے ہم
ٹھکرا نہ دیں جہاں کو کہیں بے دلی سے ہم

مایوسئ مآلِ محبت نہ پوچھیے
اپنوں سے پیش آئے ہیں بیگانگی سے ہم

(ساحر لدھیانوی)

 

[شمشاد]

دلچسپ واقعہ ہے کل اک عزیز دوست
اپنے مفاد پر مجھے قربان کر گیا

خالد میں بات بات پہ کہتا تھا جسکو جان
وہ شخص آخرش مجھے بےجان کر گیا

 

[محمد وارث]

آپ کیا نقدِ دو عالم سے خریدیں گے اسے
یہ تو دیوانے کا سر ہے، سرِ پندار پہ خاک

(عرفان صدیقی)

 

[شمشاد]

پھر آگ بھڑکنے لگی ہر سازِ طرب میں
پھر شعلے لپکنے لگے ہر دیدۂ تر سے

پھر نکلا ہے دیوانہ کوئی پھونک کے گھر کو
کچھ کہتی ہے ہر راہ ہر اک راہگزر سے