آنکھ، چشم، نین، دیدہ، نگاہ، نظر پر اشعار

[لئیق احمد]

جدا جدا ہیں تیرے رنگ تیری باتیں ہیں
کہ ایسے جاتی ہے تجھ پہ نظر جدائی میں
لئیق

 

[اکمل زیدی]

آنکھ چشم نین دیدہ نگاہ نظر
مانوس مل سکی نہ اسکی بحر

 

[محمد تابش صدیقی]

یہ ہوتے ہیں بہ فیضِ سوزشِ قلب و جگر پیدا
کہ آنکھیں خود نہیں کر سکتیں اشکوں سے گہر پیدا
نظرؔ لکھنوی

 

[محمد تابش صدیقی]

دل نے اٹھائے رنج تو آنکھوں میں اشک ہیں
محنت کسی کی اور صلہ کون لے گیا
نظرؔ لکھنوی

 

[محمد تابش صدیقی]

عرصہ تھا جوانی کا ، اک عرصۂ خواب آخر
جب آنکھ کھلی اپنی، تھا دورِ شباب آخر
نظرؔ لکھنوی

 

[محمد تابش صدیقی]

وہ حسن سراپا ہے، وہ مصدرِ رعنائی
میں عشقِ مجسم ہوں، میں چشمِ تماشائی
نظرؔ لکھنوی

 

[محمد تابش صدیقی]

نگاہ و دل کی لغزش پر سزاوارِ سزا ہوں میں
مگر یہ فتنۂ حسنِ بتاں تیرا ہے یا میرا؟
نظرؔ لکھنوی

 

[محمد تابش صدیقی]

اس کے جلووں کی بارشِ پیہم
ہائے محرومیِ نگاہِ علیل
نظرؔ لکھنوی

 

[محمد تابش صدیقی]

کرے سامنا پھر اس ابرو کماں کا
یہ دیدہ تو دیکھیں دلِ نیم جاں کا
نظرؔ لکھنوی

 

[محمد تابش صدیقی]

سب بوالہوس ہیں حسن رہے اب حجاب میں
سوءِ نظر تو عام ہے، حسنِ نظر کہاں
نظرؔ لکھنوی

 

[عرفان سعید]

آنکھ وقفِ دید تھی، لب مائلِ گفتار تھا
دل نہ تھا میرا، سراپا ذوقِ استفسار تھا
(اقبال)

 

[عرفان سعید]

تھا خواب میں خیال کو تجھ سے معاملہ
جب آنکھ کھل گئی نہ زیاں تھا نہ سود تھا
(غالب)

 

[جاسمن]

میری بیدار نگاہوں‌ میں اگر بھولے سے
نیند آئے بھی تو اب خواب کہاں آتے ہیں

میں‌ تو یکمشت اسے سونپ دوں سب کچھ لیکن
ایک مٹھی میں‌ میرے خواب کہاں آتے ہیں

سعید خان

خوب!

 

[جاسمن]

آنکھوں سے دور صبح کے تارے چلے گئے
نیند آ گئی تو غم کے نظارے چلے گئے

دل تھا کسی کی یاد میں مصروف اور ہم
شیشے میں زندگی کو اتارے چلے گئے

بہت خوب!
واہ!

 

[جاسمن]

آغاز میں کیے دیتا ہوں۔

عبدالحمید عدم صاحب کا شعر:

وہ پرندے جو آنکھ رکھتے ہیں
سب سے پہلے اسیر ہوتے ہیں​

خوبصورت شعر

 

[جاسمن]

نین کُھلتے نہ تھے، نیند آتی نہ تھی، رات آہستہ آہستہ ڈھلتی رہی
سارے اوراقِ غم منتشر ہوگئے، دیر تک دل میں آندھی سی چلتی رہی

احمد مشتاق​

واہ!

 

[جاسمن]

کبھی حیات کی ضامن، کبھی وسیلہء مرگ
نگاہِ دوست ترا کوئی اعتبار نہیں​

خوب

 

[جاسمن]

آنکھ پہ ہاتھ دھرے پھرتے تھے لیکن شہر کے لوگوں نے
اُس کی باتیں چھیڑ کے ہم کو لہجے سے پہچان لیا​

جواب نہیں۔

 

[جاسمن]

آنکھ کا اعتبار کیا کرتے!!!!!!!
جو بھی دیکھا وہ خواب میں دیکھا
عدم

 

[جاسمن]

آنکھوں سے پلاتے رہو، ساغر میں نہ ڈالو
اب ہم سے کوئی جام اٹھایا نہیں جاتا