آپ کے پسندیدہ اشعار!

[لاريب اخلاص]

میں روز روز تبسم میں چھپتا پھرتا ہوں

اداسی ہے کہ مجھے روز ڈھونڈ لیتی ہے
آلوک شریواستو

 

[لاريب اخلاص]

جو کھو گیا ہے کہیں زندگی کے میلے میں

کبھی کبھی اسے آنسو نکل کے دیکھتے ہیں
احمد کمال پروازی

 

[سحر کائنات]

یہ زیست کچھ ایسے ہے کہ الجھے ہوئے دھاگے

ٹوٹے ہوئے نکلیں جنہیں سمجھیں کہ سرے ہیں

ہر روز کوئی ٹانکا ادھڑ جاتا ہے پھر سے

ہم وقت کی سوزن سے کئی بار سلے ہیں
فخر زمان

کمال

 

[ام عبدالوھاب]

پیاسا پلٹ گیا ہے تِرے دَر سے ایک شخص
تُو نے خدا کو کتنی سہولت سے کھو دیا۔۔!!

 

[ام عبدالوھاب]

اِک شہرِ آرزو سے کسی دشتِ غم تلک
دِل جا چکا تھا اور یہ ہجرت عجیب تھی

 

[ام عبدالوھاب]

 

[اے خان]

یہ الگ بات کہ تعبیر نہ دے ساتھ مرا
خواب تو جتنے بھی آئے وہ سہانے آئے
قتیل شفائی

 

[مومن فرحین]

عشق مجھ کو نہیں وحشت ہی سہی
میری وحشت تری شہرت ہی سہی

قطع کیجے نہ تعلق ہم سے
کچھ نہیں ہے تو عداوت ہی سہی

ہم بھی تسلیم کی خو ڈالیں گے
بے نیازی تری عادت ہی سہی

یار سے چھیڑ چلی جائے اسدؔ
گر نہیں وصل تو حسرت ہی سہی

 

[زوجہ اظہر]

کسی نے دھول کیا آنکھوں میں ڈالی
میں اب پہلے سے بہتر دیکھتا ہوں

 

[سیما علی]

ہمارا حشر ہووے مر گئے پر ساتھ حیدر کے
یہی کہہ میرؔ تو بھی حق میں اپنے یہ دعا بس ہے

میر تقی میر

 

[سیما علی]

تھا وہ تو رشک حور بہشتی ہمیں میں میرؔ
سمجھے نہ ہم تو فہم کا اپنے قصور تھا
میر تقی میر

 

[سیما علی]

کون کہتا ہے محبت کی زباں ہوتی ہے
یہ حقیقت تو نگاہوں سے بیاں ہوتی ہے

 

[زوجہ اظہر]

کیا کہا ! ہجرگزاراہے ، چلو بتلاو
ایک لمحے میں بھلا کتنے برس ہوتے ہیں

 

[مومن فرحین]

حقیقت کھل گئی حسرت ترے ترک محبت کی
تجھے تو اب وہ پہلے سے بھی زیادہ یاد آتے ہیں

 

[عمر سیف]

کس قدر یادیں ابھر آئی ہیں تیرے نام سے
ایک پتھر پھینکنے سے پڑ گئے کتنے بھنور

امجد اسلام امجد

 

[لاريب اخلاص]

کوزہ گر نے ہمیں مٹی سے کیا تھا تخلیق
کیا تعجب ہے اگر خاک ہوئے جاتے ہیں
فراست رضوی

 

[لاريب اخلاص]

ہمیں پھنسا کے یہاں فاصلوں کی الجھن میں
زمیں ضرور کہیں آسماں سے ملتی ہے
جون ايليا

 

[رومی]

واہ واہ واہ لاریب

 

[عمر سیف]

اکیلا چاند کہیں دشت میں اداس نہ ہو
ہم اپنے گھر سے یہی سوچ کر نکلتے ہیں

عبدالرحمن واصف

 

[سیما علی]

عاشق کا بانکپن نہ گیا بعد مرگ بھی
تختے پہ غسل کے جو لٹایا اکڑ گیا

امیر مینائی