آپ کے پسندیدہ اشعار!

[سیما علی]

ہوں کہ جب تک ہے کسی نے معتبر رکھا ہو
ا ورنہ وہ ہے باندھ کر رختِ سفر رکھا ہوا

 

[سیما علی]

ایمان مجھے روکے تو کفر مجھے کھینچے ہے
کعبہ میرے پیچھے ہے کلیسا میرے آگے

 

[سیما علی]

وہ تو صدیوں کا سفر کر کے یہاں پہنچا تھا
تو نے جس شخص کو منہ پھیر کے دیکھا بھی نہیں!

 

[سیما علی]

کب تک، یقینِ عِشق ہَمَیں خود نہ آئے گا
کب تک، مکاں کا حال کہیں گے مکِیں سے ہم

اِک جبر لالہ زار کا، آنکھوں میں ہے صَباؔ
دیکھا کئے ہیں خُون اُبلتا زمِیں سے ہم

صباؔ اکبر آبادی

 

[سیما علی]

کچھ اور بڑھ گئے ہیں اندھیرے تو کیا ہوا
مایوس تو نہیں ہیں طلوعِ سحر سے ہم

ساحر لدھیانوی

 

[سیما علی]

نے جائے واں بنے ہے نے بن جائے چین ہے
کیا کیجیے ہمیں تو ہے مشکل سبھی طرح

مومن خان مومن

 

[سیما علی]

حیات لے کے چلو، کائینات لے کے چلو
چلو تو سارے زمانے کو ساتھ لے کے چلو

 

[سیما علی]

زندگی اتنی غنیمت تو نہیں جس کے لیے
عہدِ کم ظرف کی ہر بات گوارا کر لیں

 

[فہد اشرف]

کسی تنہا سے عجب گرمئ بازار رہی
ایک انبوہ تمنا تھا خریدار کے ساتھ
پیرزادہ قاسم

 

[سیما علی]

محسن کرم بھی ہو جس میں خلوص بھی!!!
مجھ کو غضب کا پیار ہے اُس دشمنی کے ساتھ!!!

 

[شمشاد]

سنبل کو پریشان کیا باد صبا نے
جب باغ میں باتیں تری زلفوں کی چلائیں
مصحفی غلام ہمدانی

 

[یاسر شاہ]

یقیں کرو کہ تمھاری جگہ جو ہم ہوتے
محبتوں کے خزانے لٹا دیا کرتے
جگر

 

[لاريب اخلاص]

میری ساری زندگی کو بے ثمر اس نے کیا​

عمر میری تھی مگر اس کو بسر اس نے کیا​

منیر نیازی

 

[لاريب اخلاص]

سب ستارے دلاسہ دیتے ہیں
چاند راتوں کو چیختا ہے بہت
آلوک مشرا

 

[شمشاد]

ایک ہی شہر میں رہنا ہے مگر ملنا نہیں
دیکھتے ہیں یہ اذیت بھی گوارہ کر کے
اعتبار ساجد

 

[نیرنگ خیال]

پیاس کہتی ہے کہ چلو ریت نچوڑی جائے
اپنے حصے میں سمندر نہیں آنے والا

معراج فیض آبادی

 

[شمشاد]

کسی کے ہاتھ تو لگتا نہیں ہے اک عیار
کہاں تلک ترے پیچھے کوئی خراب پھرے
مصحفی غلام ہمدانی

 

[عظیم]

بہت آرزو تھی گلی کی تری
سو یاں سے لہو میں نہا کر چلے
میر تقی میر

 

[علی وقار]

رفتہ رفتہ ہوئے ہم خانہء خالی کی طرح
اب جو روگ آئے گا رہنے کے لیے آئے گا
دل میں ابھریں گے خیالات نہ کہنے کے لیے
آنکھ میں اشک ۔۔۔ نہ بہنے کے لیے آئے گا

شاعر: خورشید رضوی

 

[شمشاد]

زندگی نے مرا پیچھا نہیں چھوڑا اب تک
عمر بھر سر سے نہ اتری یہ بلا کیسی تھی
قیصر الجعفری