اداسی ۔ اشعار

[شمشاد]

تمہیں جب کبھی ملیں فرصتیں ،مرے دل سے بوجھ اتار دو
میں بہت دنوں سے اداس ہوں مجھے کوئی شام ادھار دو
(اعتبار ساجد)

 

[راجہ صاحب]

لگ رہا ہے غم ، اداسی کھل رہی ہے شاخ شاخ
باغِ ہجراں کو نہ اتنا آبِ چشمِ تر لگا

منصور آفاق

 

[عرفان سرور]

آج اتنا اداس ہوں میں
جیسے زلفیں جوان بیوہ کی۔۔۔!

 

[صائمہ شاہ]

اداسی تھک چکی ھے روتے روتے
ذرا سی دیر۔۔۔۔۔۔۔۔۔۔ سونا چاھتی ھے

 

[مغزل]

شعر برائے نفسِ دھاگہ شریف:

خوشی ملی تو کئی درد مجھ سے روٹھ گئے
دعا کرو کہ میں پھر سے اداس ہوجاؤں
(شاعر کا نام محو ہوگیا ہے ۔۔)

 

[غ۔ن۔غ]

شعر برائے نفسِ دھاگہ شریف:

خوشی ملی تو کئی درد مجھ سے روٹھ گئے
دعا کرو کہ میں پھر سے اداس ہوجاؤں
(شاعر کا نام محو ہوگیا ہے ۔۔)

 

[مغزل]

پگلی ۔۔۔ لڑی کی ضرورت ہے ناں شعر۔۔لو یہ سنو۔۔

اداسی روح کے اندر کہیں
تمھارا نام لکھ کر سو گئی ہے

 

[شمشاد]

اُداسی کی ہوائیں آج پھر چلنے لگیں؟ اچھا
تو بس آج اور پی لوں، کل سے قطعا چھوڑ دوں گا میں
(انور شعور)

 

[عمر سیف]

ترے بغیر کسی چیز کی کمی تو نہیں
ترے بغیر طبعیت اُداس رہتی ہے

 

[مغزل]

اداسی روح کے اندر کہیں
تمھارا نام لکھ کر سوگئی ہے

 

[راجہ صاحب]

خزاؤں کی اداسی ہے، جو اب تک دل پہ چھائی ہے
بہاروں کا حسیں موسم کہیں سے ساتھ لانا تم

 

[عمر سیف]

جو سب کا حال ہوا تھا وہ میرا حال ہوا
بنی نہ بات کوئی بات بھی سُنا کے اُسے
مجھے یقین ہے وہ لوٹ کر بھی آئے گا
مگر اُداس ہوں اب راستہ دیکھا کے اُسے

 

[محمداحمد]

جہاں سے ملنا بھی ہے مسکرا کے​

اُداسی کا بھی کوئی حل نہیں ہے​

​

خاکسار​

 

[مغزل]

جہاں سے ملنا بھی ہے مسکرا کے​

اُداسی کا بھی کوئی حل نہیں ہے​

​

خاکسار​

سبحان اللہ سبحان اللہ ۔۔ واہ سلامت رہو یار

 

[محمداحمد]

سبحان اللہ سبحان اللہ ۔۔ واہ سلامت رہو یار

بھائی محبت ہے آپ کی۔

 

[راجہ صاحب]

اداسی بھی عدم احساسِ غم کی ایک دولت ہے
بِسا اوقات ویرانے بھی حسیں معلوم ہوتے ہیں

 

[عمر سیف]

عجیب طرح کے وسوسوں میں گِر گئی ہے زندگی
اُمید ہے نہ آس ہے، یہ دل بہت اُداس ہے ۔۔

 

[راجہ صاحب]

تنگ آ چکا ہوں زیست کے تنہا سفر سے میں
راہیں اداس ہیں تو کبھی منزل اداس ہے

 

[عمر سیف]

چپ چپ رہنا کچھ نہ کہنا یہ بھی ایک اداسی ہے
ہنس کے سارے صدمے سہنا یہ بھی ایک اداسی ہے

 

[عمر سیف]

دل کی باتیں سن کر ہنسنا تو سب کی عادت ہے
ان باتوں پر ہنستے رہنا یہ بھی ایک اداسی ہے
مار کے کنکر لہریں گننا، بیٹھ کے جھیل کنارے پر
کچھ لوگوں کا ہے یہ کہنا یہ بھی ایک اداسی ہے