اردو محفل سالانہ عالمی مشاعرہ ۲۰۲۱ء پر گپ شپ کی لڑی

[محمد خلیل الرحمٰن]

چشم ما روشن دل ماشاد
اب نہاری کی کچھ تیاری ہو

(بھئی اتنی جلدی وزن میں نہیں لا سکتے ہم )​

آئیں گے اور کچھ بھی کھالیں گے
کاش قسمت میں بس نہاری ہو​

 

[صابرہ امین]

آئیں گے اور کچھ بھی کھالیں گے
کاش قسمت میں بس نہاری ہو​

اللہ اللہ ۔ سلامت رہیں۔ مزا آگیا ۔ بنا نہاری کھائے ۔ آپ اور عاطف بھیا نے تو فصاحت و بلاغت کے دریا بہا دیئے۔ کاش ایسا ہی سماں اکثر باندھا جائے کہ محفل اسی کا نام ہے ۔

 

[صابرہ امین]

کیا ہی اچھا ہو کہ کوئی وقت مقرر کرکے ایسا ہی شعری مکالمہ ہو آپ جیسے اور ہم ایسے لوگوں کا ۔

 

[سید عاطف علی]

اب تو کم از کم کراچی میں نہاری کی محفل برپا کرنا واجب ہو گیا ۔
اللہ کرے جلد یہاں کی فلائٹیں کھلیں اور سفر سہل ہو ۔
دعا کرو پیارے دوستو بھائیو بہنو بٹیاؤ ۔

 

[صابرہ امین]

اب تو کم از کم کراچی میں نہاری کی محفل برپا کرنا واجب ہو گیا ۔
اللہ کرے جلد یہاں کی فلائٹیں کھلیں اور سفر سہل ہو ۔
دعا کرو پیارے دوستو بھائیو بہنو بٹیاؤ ۔

آمین
اور کراچی کی خواتین کو بھی بلایا جائے ورنہ پیٹ میں درد ہونے کے چانسز ہوں گے ۔
یعنی سیما علی آپا قرۃالعین اعوان وغیرہ

 

[قرۃالعین اعوان]

آمین
اور کراچی کی خواتین کو بھی بلایا جائے ورنہ پیٹ میں درد ہونے کے چانسز ہوں گے ۔
یعنی سیما علی آپا قرۃالعین اعوان وغیرہ

واقعی؟

 

[صابرہ امین]

واقعی؟

کیوں نہیں۔ نہاری کے لیے تو سب کچھ کیا جا سکتا ہے خاص طور پر جب خلیل بھائی کی جیب سے ہو ۔

 

[قرۃالعین اعوان]

کیوں نہیں۔ نہاری کے لیے تو سب کچھ کیا جا سکتا ہے خاص طور پر جب خلیل بھائی کی جیب سے ہو ۔

نہاری میں بھی آپ سب کو اپنی جیب سے کھلا سکتی ہوں بہنا مگر بس کھلانے کی بات ہو ۔۔۔کھانے کی نہیں

 

[صابرہ امین]

نہاری میں بھی آپ سب کو اپنی جیب سے کھلا سکتی ہوں بہنا مگر بس کھلانے کی بات ہو ۔۔۔کھانے کی نہیں

اللہ سب کے دسترخوان وسیع رکھے اور جیبیں بھری ہوئی ۔آمین
مذاق کی بات تھی بس ۔
آپ کو نہاری پسند نہیں ہے کیا؟ اس لیے یا کوئی اور بات ہے سس؟
آپ کو اس لیے انوائیٹ کیا کہ یاد تھا کہ آپ نے بتایا تھا کہ آپ کراچی میں ہیں اور ملاقات ہو سکتی ہے ۔

 

[قرۃالعین اعوان]

کیوں نہیں۔۔۔ ضرور مل سکتے ہیں ایک شہر میں رہنے کا کوئی فائدہ تو ہو

جی مجھے واقعی نہاری نہیں پسند

 

[صابرہ امین]

کیوں نہیں۔۔۔ ضرور مل سکتے ہیں ایک شہر میں رہنے کا کوئی فائدہ تو ہو

جی مجھے واقعی نہاری نہیں پسند

اف آپ کو بھی کیا دعوت دے ڈالی ۔ خیر زبانی کلامی دعوتوں میں تو سب چلتا ہے۔ ہے نا

 

[قرۃالعین اعوان]

اف آپ کو بھی کیا دعوت دے ڈالی ۔ خیر زبانی کلامی دعوتوں میں تو سب چلتا ہے۔ ہے نا

 

[محمد عبدالرؤوف]

بات علمی ہو یا ادب کی ہو
ایک ڈونگا نلی نہاری ہو

​

یہ نہاری بھی ایسی ویسی نہ ہو
صرف زاہد کی یہ نہاری ہو​

بھائی عاطف بھی گر ہوں ساتھ اپنے
کیسی پر لطف یہ نہاری ہو
​

صابرہ آپ انگلیاں چاٹیں
پارسل گر یہی نہاری ہو​

ایران میں رہوں کہ رہوں میں عراق میں
رکھتا ہے ذائقہ یہ مجھے طمطراق میں
دیکھا مرا نوالہ نہاری کا ہاتھ میں
شرما کے چھپ گیا تھا قمر بھی محاق (conjunction moon) میں

آخری بات اک یہی ہے خلیل
ہاں نہاری ہو، بس نہاری ہو​

ہم بھی سب کو بلائیں گے گھر پر
قورمہ ، پائے یا نہاری ہو​

برکت ہے یہ سنا ہے سدا اتفاق میں
بے برکتی خدا نے رکھی افتراق میں
بریانی و پلاؤ کا حق بھی بطن پہ ہے
دل ہے مگر نہاری کے ہی اشتیاق میں

رہتے ہیں دو گلی سے دور ہی ہم
جہاں پر سہیل کی نہاری ہو​

چشم ما روشن دل ماشاد
اب نہاری کی کچھ تیاری ہو

(بھئی اتنی جلدی وزن میں نہیں لا سکتے ہم )​

آئیں گے اور کچھ بھی کھالیں گے
کاش قسمت میں بس نہاری ہو​

علی الصبح جب کہ میں ابھی نہار منہ ہی تھا آپ لوگوں کی "نہاریانہ تک بندی" کیا دیکھی کہ پیٹ میں چوہوں نے ریس لگا دی

 

[سیما علی]

اللہ سب کے دسترخوان وسیع رکھے اور جیبیں بھری ہوئی ۔آمین
مذاق کی بات تھی بس ۔
آپ کو نہاری پسند نہیں ہے کیا؟ اس لیے یا کوئی اور بات ہے سس؟
آپ کو اس لیے انوائیٹ کیا کہ یاد تھا کہ آپ نے بتایا تھا کہ آپ کراچی میں ہیں اور ملاقات ہو سکتی ہے ۔

واہ واہ نہاری کی بات ہو
اور ہم سب کا ساتھ ہو

نہاری ہماری آل ٹائم فیورٹ ہے جناب ہم نہاری بہت اچھی بناتے ہیں تو سب ہمارے یہاں آجائیں کیا ہی مزا آئے گا !!!
لیکن افسوس کے اب بعد محرم ہی ہوسکتی ہے ۔۔۔۔۔

 

[محمد خلیل الرحمٰن]

نہاری کا قصیدہ
(ایک متشاعر کی فی البدیہہ تُک بندی)

بات علمی ہو یا ادب کی ہو
ایک ڈونگا نلی نہاری ہو
ہو کچھ ایسا مشاعرہ شاعر
پہلے کام و دہن کی باری ہو
پہلے کھانا جو کھائے جی بھر کر
بعد میں شعر اس پہ طاری ہو
یہ نہاری بھی ایسی ویسی نہ ہو
صرف زاہد کی یہ نہاری ہو
پیٹ بھر کر جو ہم بھی شعر کہیں
شاعری اپنی سب پہ بھاری ہو
اور تو خاص کوئی شرط نہیں
دیگ سے بس ابھی اتاری ہو
بھائی عاطف بھی گر ہوں ساتھ اپنے
کیسی پر لطف یہ نہاری ہو
پہلے کھائیں گے دونوں جی بھر کے
بعد میں شعر کی بھی باری ہو
دعوتِ عام دے رہے ہیں ہم
ہاں میسر مگر سواری ہو
آئیے اور کھائیے صاحب
جیب اگر آپ کی بھی بھاری ہو
صابرہ آپ انگلیاں چاٹیں
پارسل گر یہی نہاری ہو
اپنے گھر کا پتا بتا دیجے
شاید اپنی وہاں یہ باری ہو
مان جاتے ہیں، ہم بھی آئیں گے
بیٹی آخر کو تم ہماری ہو
آئیں گے اور کچھ بھی کھالیں گے
کاش قسمت میں بس نہاری ہو
آخری بات اک یہی ہے خلیل
ہاں نہاری ہو، بس نہاری ہو​

 

[سیما علی]

صابرہ آپ انگلیاں چاٹیں
پارسل گر یہی نہاری ہو
اپنے گھر کا پتا بتا دیجے

خلیل بھیا بہت کمال خوبصورت شاعری کے ساتھ ساتھ اتنی مزے دار نہاری کیا ہی بات ہے
بہت خوب بہت خوب
صابرہ بٹیا کیا بات ہے دیکھے بھیا نے کتنے پیار سے پارسل کا انتظام کردیا ہے جلدی پتہ بھیجے

 

[محمد تابش صدیقی]

نہاری کا قصیدہ
(ایک متشاعر کی فی البدیہہ تُک بندی)

بات علمی ہو یا ادب کی ہو
ایک ڈونگا نلی نہاری ہو
ہو کچھ ایسا مشاعرہ شاعر
پہلے کام و دہن کی باری ہو
پہلے کھانا جو کھائے جی بھر کر
بعد میں شعر اس پہ طاری ہو
یہ نہاری بھی ایسی ویسی نہ ہو
صرف زاہد کی یہ نہاری ہو
پیٹ بھر کر جو ہم بھی شعر کہیں
شاعری اپنی سب پہ بھاری ہو
اور تو خاص کوئی شرط نہیں
دیگ سے بس ابھی اتاری ہو
بھائی عاطف بھی گر ہوں ساتھ اپنے
کیسی پر لطف یہ نہاری ہو
پہلے کھائیں گے دونوں جی بھر کے
بعد میں شعر کی بھی باری ہو
دعوتِ عام دے رہے ہیں ہم
ہاں میسر مگر سواری ہو
آئیے اور کھائیے صاحب
جیب اگر آپ کی بھی بھاری ہو
صابرہ آپ انگلیاں چاٹیں
پارسل گر یہی نہاری ہو
اپنے گھر کا پتا بتا دیجے
شاید اپنی وہاں یہ باری ہو
مان جاتے ہیں، ہم بھی آئیں گے
بیٹی آخر کو تم ہماری ہو
آئیں گے اور کچھ بھی کھالیں گے
کاش قسمت میں بس نہاری ہو
آخری بات اک یہی ہے خلیل
ہاں نہاری ہو، بس نہاری ہو​

ہاں مگر یہ ذرا خیال رہے
پھر کہیں پیٹ پر نہ بھاری ہو

 

[سیما علی]

بھائی عاطف بھی گر ہوں ساتھ اپنے
کیسی پر لطف یہ نہاری ہو

عاطف بھیا ان شاء اللّہ اس مرتبہ آپ کی آمد پر نہاری کی دعوت بہت ضروری ہے ۔۔۔۔۔۔

 

[محمد تابش صدیقی]

اک عجب بےخودی سی طاری ہو
سامنے جب دھری نہاری ہو
تیرتی ہو تَری نہاری پر
اور نلی اس میں ڈھیر ساری ہو

 

[اشرف علی]

جی بھائی
اس عزت افزائی کا شکریہ

غزل

یکایک دل کو دھڑکانے سے پہلے
ذرا ٹھہرو ! قریب آنے سے پہلے

تھی جس کی چاہ مجھ کو زندگی بھر
اُسی کو کھو دیا پانے سے پہلے

نظر رکھنا ذرا چادر پہ یارو !
تم اپنے پاؤں پھیلانے سے پہلے

یہی بس آخری خواہش ہے میری
ہو اس کی دید مر جانے سے پہلے

بلاتے تھے تجھے کس نام سے سب ؟
'زمیں کا چاند' کہلانے سے پہلے

نہیں تھی دلکشی موسم میں کوئی
تِرے آنچل کے لہرانے سے پہلے

تِرا کیا حال تھا سچ سچ بتا اب
مِرے جانے کے بعد آنے سے پہلے

بہت رویا تھا وہ مجھ سے لپٹ کر
تعلق توڑ کر جانے سے پہلے

ہزاروں بار اشرف سوچ لینا
کسی سے عشق فرمانے سے پہلے

غزل کی پسندیدگی کا اظہار فرما کر میری حوصلہ افزائی فرمانے کے لیے میں تہہِ دل سے آپ کا شکر گزار ہوں محترم ظہیراحمدظہیر صاحب
اللّٰہ آپ کو شاد و سلامت رکھے ، آمین _