اس سال کہاں کی سیر کا ارادہ ہے؟

[عبداللہ محمد]

بیک پیکنگ؟ یہ تو کئی دنوں کی ہائکنگ ہے تو ٹینٹ اور سلیپنگ بیگ سمیت؟

بھائی یہ مسلسل نہیں ہو گی۔
مہانڈری سے آنسو جھیل اور وہاں سے جھیل سیف الملوک ایک دن تقریباً 5-6 گھنٹے کی ہائیکنگ ہوگی۔ یعنی پہاڑ کہ ایک طرف سے چڑھ کر دوسری طرف اتر جائینگے۔
پھر لولوسر ٹاپ غالباً جیب کے آسرے اور ایسے ہی چلاس پہنچا جائے گا۔اور جہاں تلک بات ٹینٹ و سلیپنگ بیگ کی تو میں اسی کو ترجیح دینا چاہوں گا بہرکیف ساتھیوں کا اس پر راضی ہونا مشکل ہے۔ ویسے بھی اس سلسلے میں زیادہ تجربہ نہیں ،دوسرا حالات بھی زیادہ موافق نہیں ہوتے شائد۔۔
مزید روشنی یاز بھائی ڈالتے ہیں۔

نیک ارادہ ہے جناب۔ ضرور کوشش کریں اس کو عملی جامہ پہنانے کی۔
ان سب میں سے شڑاں خوبصورت ترین جگہ ہے۔ اس کو مس نہ کریئے گا۔

لازم ہے کہ ہم دیکھیں گے وغیرہ وغیرہ

 

[یاز]

یہاں بارش بھی شاور کی طرح ہوتی ہے:

یہ تو شوگران یا قرب و جوار ہے شاید۔ یا شاید شڑاں کے راستے کا ٹریک ہے کہ بیک گراؤنڈ میں مکڑا پیک دکھائی دے رہی ہے۔
شڑاں وادی نما جگہ ہے، جو چہار سو پہاڑوں سے گھری ہوئی ہے اور انتہائی سر سبز ہے۔ میں نے زندگی میں اس سے زیادہ متنوع سبزہ کہیں نہیں دیکھا۔ ذیلی تصاویر شڑاں کی ہیں۔

 

[عبداللہ محمد]

یاز بھائی جھیل سیف الملوک جو کہ ملکہ پربت کے دامن میں ہے۔
اس پہاڑ کے متعلق سنا کہ آج تلک سر نہیں ہوا۔ اسکے متعلق تو بتائیے گا ؟ کہ کتنی سچائی ہے اور اگر ہے تو کیا وجوہات ہیں؟؟

 

[یاز]

یاز بھائی جھیل سیف الملوک جو کہ ملکہ پربت کے دامن میں ہے۔
اس پہاڑ کے متعلق سنا کہ آج تلک سر نہیں ہوا۔ اسکے متعلق تو بتائیے گا ؟ کہ کتنی سچائی ہے اور اگر ہے تو کیا وجوہات ہیں؟؟

اس بارے میں مقامی روایات اور قصے کہانیاں زیادہ مشہور ہیں۔ اسی طرح سیف الملوک کے بارے میں بھی مشہور ہے کہ اس کی گہرائی آج تک کوئی نہیں ناپ سکا۔ چند ایک نے کوشش کی، لیکن وہ جان سے گئے۔ آپ بخوبی سمجھتے ہیں کہ ہمارے معاشرے میں (اور دیگر زیادہ تر معاشروں میں بھی) جگہوں، شخصیات یا چیزوں کو دیومالائی اور ڈرامائی کہانیوں سے نتھی کرنے کا رواج عام ہے۔
ویسے ملکہ پربت ایک مشکل پہاڑ ہے اور اتنی کم اونچائی (فقط 5300 میٹر سے بھی کم) والے پہاڑوں میں یکے از مشکل ترین ہے کہ اس کی ڈھلوانوں پہ کافی بڑے گلیشیئر موجود ہیں۔
تاہم ایسا نہیں ہے کہ اس کو کبھی سر نہیں کیا جا سکا۔ وکی پیڈیا اس بابت بتاتا ہے کہ اس کو سب سے پہلے 1920 میں سر کیا گیا۔ چند پاکستانیوں نے اس کو 2012 میں سر کیا۔

 

[زیک]

کس کس نے سیر کے لئے کاؤنٹ ڈاؤن شروع کر دیا ہے؟

 

[حمیرا عدنان]

میری سیر تو تقریباً 20 دنوں سے جاری ہے

 

[زیک]

میری سیر تو تقریباً 20 دنوں سے جاری ہے

کچھ احوال بھی لکھیں۔

مزید کتنے دن جاری رہے گی؟

 

[حمیرا عدنان]

کچھ احوال بھی لکھیں۔

مزید کتنے دن جاری رہے گی؟

زیک بھائی احوال کچھ یوں ہے گرمی میں باہر جانے کو دل نہیں کرتا لیکن پھر بھی چھوٹے دیور کی شادی کی تیاریاں زور و شور سے جاری ہیں 20 دن کیسے نکل گئے پتا بھی نہیں لگا
ویسے کویت واپسی تو بیس جولائی کو ہے لیکن ہو سکتا ہے اگر گرمی کی وجہ سے میری نندوں کی فیملیز نے پاکستان آنے سے انکار کر دیا تو شادی نیویارک میں کی جائے گئی اور یکم جولائی کو ہم نیویارک کا سفر کریں گے بشمول دلہن

 

[زیک]

گرمی میں باہر جانے کو دل نہیں کرتا لیکن پھر بھی چھوٹے دیور کی شادی کی تیاریاں زور و شور سے جاری ہیں

لاہور میں جولائی میں شادی تو ظلم ہے۔

کویت واپسی تو بیس جولائی کو ہے

یعنی پورے تین ماہ کا ارادہ ہے۔

گرمی کی وجہ سے میری نندوں کی فیملیز نے پاکستان آنے سے انکار کر دیا

ایسا بھی ہوتا ہے؟

شادی نیویارک میں کی جائے گئی اور یکم جولائی کو ہم نیویارک کا سفر کریں گے

نیویارک لاہور سے بہت بہتر رہے گا۔

 

[یاز]

کس کس نے سیر کے لئے کاؤنٹ ڈاؤن شروع کر دیا ہے؟

کاؤنٹ ڈاؤن حتمی تو نہیں کہہ سکتے، تاہم جون شروع ہونے کا انتظار ہے۔ انشاءاللہ سیر کے منصوبے پہ ضرور عملدرآمد ہو گا۔

 

[زیک]

پاکستان تو نہیں جا رہے ہوں گے اس سخت گرمی میں

جہاں اتنے شاٹس لگوا رہے تھے تو پولیو بوسٹر بھی لگوا لیا کہ پاکستان سے پولیو تو کبھی ختم ہونا نہیں۔

 

[زیک]

مہانڈری سے آنسو جھیل اور وہاں سے جھیل سیف الملوک ایک دن تقریباً 5-6 گھنٹے کی ہائیکنگ ہوگی۔ یعنی پہاڑ کہ ایک طرف سے چڑھ کر دوسری طرف اتر جائینگے۔

پاکستان میں ہائکنگ کی معلومات اتنی مشکل سے ملتی ہیں کہ ٹرپ پلان کرنا مشکل ہوتا ہے۔ اب یہاں دیکھیں۔ مہانڈری سے آنسو جھیل تو پورے دن کی ہائک لکھی ہے اور وہاں سے سیف الملوک مزید تین چار گھنٹے۔

 

[یاز]

پاکستان میں ہائکنگ کی معلومات اتنی مشکل سے ملتی ہیں کہ ٹرپ پلان کرنا مشکل ہوتا ہے۔ اب یہاں دیکھیں۔ مہانڈری سے آنسو جھیل تو پورے دن کی ہائک لکھی ہے اور وہاں سے سیف الملوک مزید تین چار گھنٹے۔

میرے خیال سے بہت زیادہ غلط بھی نہیں لکھا ہوا انہوں نے۔

 

[زیک]

فلُو شاٹ بھی لگوا ہی لینا چاہیئے

 

[یاز]

فلُو شاٹ بھی لگوا ہی لینا چاہیئے

جی بالکل لگوا ہی لینا چاہئے۔
تقریباً 220 کا کیفیت نامہ بنتا ہے شاید ۔

 

[زیک]

زیکا ٹریول الرٹ بھی دیکھ لینے چاہئیں کہ یہ اب درجنوں ممالک تک پھیل چکے ہیں۔

 

[یاز]

یاز آپ کا کہاں کا قصد ہے؟

جناب اپنا وہ حال ہے کہ "ملا کی دوڑ مسجد تک"۔
وقت ملنے پہ منحصر ہے۔ کم سے کم اردہ تو وادیء سوات کا ہے کہ بہت عرصہ (16 سال) ہو گئے سوات گئے ہوئے۔
کچھ زیادہ وقت ملا اور بدوائی پاس کھل چکا ہوا تو سوات کے ساتھ کمراٹ ویلی۔ اور شاید چترال وغیرہ بھی۔
مزید وقت ملا تو چترال سے گلگت براستہ شندور پاس بھی۔
تاہم یہ سب خیالی پلاؤ شلاؤ است۔ اللہ کرے کہ کچھ موقع شوقع ملا جائے۔

الحمدللہ۔ ہم تو آج سوات آن پہنچے۔ اتنی گرمی ہے کہ الامان الحفیظ۔ صلواتیں الگ سے سننے کو ملیں کہ ۔۔۔۔۔ یہ کیسا پرفضا مقام ہے؟ کونسی سیر، کہاں کی سیر؟ وغیرہ وغیرہ۔
کل انشاءاللہ کالام پہنچیں گے تو شاید موسم مہربان دکھائی دے۔

 

[arifkarim]

الحمدللہ۔ ہم تو آج سوات آن پہنچے۔ اتنی گرمی ہے کہ الامان الحفیظ۔ صلواتیں الگ سے سننے کو ملیں کہ ۔۔۔۔۔ یہ کیسا پرفضا مقام ہے؟ کونسی سیر، کہاں کی سیر؟ وغیرہ وغیرہ۔
کل انشاءاللہ کالام پہنچیں گے تو شاید موسم مہربان دکھائی دے۔

اگر سوات میں یہ حال ہے تو باقی ملک

 

[زیک]

الحمدللہ۔ ہم تو آج سوات آن پہنچے۔ اتنی گرمی ہے کہ الامان الحفیظ۔ صلواتیں الگ سے سننے کو ملیں کہ ۔۔۔۔۔ یہ کیسا پرفضا مقام ہے؟ کونسی سیر، کہاں کی سیر؟ وغیرہ وغیرہ۔
کل انشاءاللہ کالام پہنچیں گے تو شاید موسم مہربان دکھائی دے۔

منگورہ میں ہیں؟ وہاں کافی گرمی ہوتی ہے۔ کالام بہتر ہو گا

 

[یاز]

منگورہ میں ہیں؟ وہاں کافی گرمی ہوتی ہے۔ کالام بہتر ہو گا

مینگورہ اور مدین کے تقریباً درمیان میں مقیم ہوں آج کے لئے۔ میں اس سے پہلے ؁ 2000 میں سوات آیا تھا۔اس کے بعد چترال جاتے ہوئے بھی دو بار اس راستے سے گزر ہوا۔ اتفاق سے ہر بار جون میں ہی اس راستے سے گزرنا ہوا، لیکن جو قیامت خیز گرمی آج کے دن دیکھی، اس سے پہلے اس کا عشر عشیر بھی نہیں دیکھا تھا۔