اشعار - حروف تہجی کے لحاظ سے

[شمشاد]

مگر کبھی کوئی دیکھے کوئی پڑھے تو سہی
دل آئینہ ہے تو چہرہ کتاب جیسا ہے
(احمد فراز)

 

[عمر سیف]

وہ بھی شاید رو پڑے ویران کاغذ دیکھ کر
میں نے اس کو آخری خط میں لکھا کچھ بھی نہیں

 

[امیداورمحبت]

ہوئی ہے شام تو آنکھوں میں بس گیا پھر تو
کہاں گیا ہے مرے شہر کے مسافر تو
(فراز)​

 

[شمشاد]

یوں روئے پھوٹ پھوٹ کے پاؤں کے آبلے
نالہ سا اک سوئے بیاباں بہہ گیا
(ابراھیم ذوق)

 

[الف عین]

پھر الف سے میں ہیہ شروع کروں

ایسا بربط کہ جو شکستہ نہیں
لئے بیٹھے ہیں اور نغمہ نہیں
ا ع

 

[شمشاد]

بھولے سے مسکرا تو دیے تھے وہ آج فیض
مت پوچھ ولولے دلِ ناکردہ کار کے
(فیض)

 

[الف عین]

پہلے اس نے مُس کہا۔۔۔ پھر تَق کہا۔۔۔ پھر بِل کہا
اس طرح ظالم نے ’مستقبل‘ کے ٹکڑے کر دئے
نامعلوم

 

[عمر سیف]

تجھے تو میں نے بڑی آرزو سے چاہا تھا
یہ کیا کہ چھوڑ چلا تُو بھی اور سب کی طرح

 

[شمشاد]

ٹکراؤ یا اب کے پیار کرو میں نشے میں ہوں
جو چاہو میرے یار کرو میں نشے میں ہوں
(شاہد کبیر)

 

[عمر سیف]

ثبوتِ عشق کی یہ بھی تو ایک صورت ہے
کہ جس سے پیار کریں اس پہ تہمتیں بھی دھریں

 

[شمشاد]

جانِ افسانہ یہی کچھ بھی ہو افسانے کا نام
زندگی ہے دل کی دھڑکن تیز ہو جانے کا نام
(آنند نرائن ملا)

 

[نوید صادق]

چوری میں دل کی وہ ہنر کر گیا
دیکھتے ہی آنکھوں میں گھر کر گیا

شاعر: میر تقی میر

 

[شمشاد]

خود وہ آغوش کشادہ ہے جزیرے کی طرح
پھیلے دریاؤں کی مانند محبت اس کی
(شہزاد احمد)

 

[نوید صادق]

دشتِ بے آب سے پوچھو کہ وہاں‌کے اشجار
کن مراحل سے گزرتے ہیں‌ نمو پانے تک


شاعر: مقبول عامر

 

[شمشاد]

ڈھل چکی رات، بکھرنے لگا تاروں کا غبار
لڑکھڑانے لگے ایوانوں میں خوابیدہ چراغ
(فیض)

 

[نوید صادق]

ذرا بڑھا تو سہی واقعات کو آگے
طلسم کارئ آغازِ داستاں سے نکل


شاعر: بانی

 

[شمشاد]

روشنیوں کے سارے منظر جُھوٹے لگتے ہیں
لیکن اُس کی آنکھ کے آنسو سچے لگتے ہیں
(نوشی گیلانی)

 

[نوید صادق]

زندگانی رہروِ راہِ فنا ہے اے اسد
ہر نفس ہستی سے تا ملکِ عدم اک جادہ ہے


شاعر: غالب

 

[شمشاد]

سوچ رہے ہیں صبح تلک اِک بار بھی آنکھ نہیں جھپکی
اب توتیرے ہجر میں ہم نے پہلی رات گزاری ہے
(نوشی گیلانی)

 

[نوید صادق]

شکوے کے نام سے بے مہر خفا ہوتا ہے
یہ بھی مت کہہ کہ جو کہیے تو گِلہ ہوتا ہے

شاعر: غالب