اشعار - حروف تہجی کے لحاظ سے

[کاشفی]

صبح وصال دور تو اتنی نہیں مگر
راتیں ہیں بیچ میں تری زلفِ سیاہ کی
(مرزا ذاکر حسین صاحب ثاقب قزلباش لکھنوی)

 

[شمشاد]

ضعف یاں تک کھنچا کہ صورت گر
رہ گئے ہاتھ میں قلم لے کر
(میر تقی میر )

 

[غ۔ن۔غ]

طوفان ابر و باد میں سب گیت کھو گئے
جھونکا ہوا کا ہاتھ سے مضراب لے گیا
(پروین شاکر)

 

[شمشاد]

ظلمت کدے میں میرے شبِ غم کا جوش ہے
اک شمع ہے دلیلِ سحر، سو خاموش ہے
(چچا)

 

[غ۔ن۔غ]

عشق کی اک جست نے طے کر دیا قصہ تمام
اس جہان رنگ و بو کو بے کراں سمجھا تھا میں

 

[شمشاد]

غم رہا جب تک کہ دم میں دم رہا
دل کے جانے کا نہایت غم رہا
(میر تقی میر)

 

[غ۔ن۔غ]

فقیرانہ آئے صدا کر چلے
میاں خوش رہو ہم دعا کر چلے

 

[شمشاد]

قربتوں میں بھی جدائی کے زمانے مانگے
دل وہ بیمار کہ رونے کے بہانے مانگے
(احمد فراز)

 

[کاشفی]

کیفیت چشم اُس کی مجھے یاد ہے سودا
ساغر کو مرے ہاتھ سے لینا کہ چلا میں
(سودا)

 

[راجہ صاحب]

گئے جل حرِّ عشقی سے جگر دل
رہی تھی جان سو برسوں جلا کی
میر تقی میر

 

[نورمحمد]

لب پہ آتی ہے دعا بن کے تمنا میری
زندگی شمع کی صورت ہو خدایا میری

 

[راجہ صاحب]

مربھی جاؤں تو کہاں لوگ بھلاہی دیں گے
لفظ میرے، مرے ہونے کی گواہی دیں گے
پروین شاکر

 

[شمشاد]

نازکی اس کے لب کی کیا کہیے
پنکھڑی اک گلاب کی سی ہے

 

[راجہ صاحب]

وہ جو پتھر یونہی رستے میں پڑے رھتے ہیں
ان کے سینے میں بھی شاہکار ہوا کرتے ہیں
محسن نقوی

 

[شمشاد]

ہوتی نہیں قبول دعا ترکِ عشق کی
دل چاہتا نہ ہو تو زباں میں اثر کہاں
(الطاف حسین حالی)

 

[راجہ صاحب]

یا رب، زمانہ مجھ کو مٹاتا ہے کس لیے؟
لوحِ جہاں پہ حرفِ مکرّر نہیں ہُوں میں
مرزا اسد اللہ خان غالب

 

[شمشاد]

اک عمر چاہیے کہ گوارا ہو نیشِ عشق
رکھی ہے آج لذتِ زخمِ جگر کہاں
(الطاف حسین حالی)

(دوسرے مصرعے میں کہیں "آج ہی" اور کہیں صرف "آج" ہے۔
اگر کوئی بتا دے کہ صحیح مصرعہ کیا ہے؟

 

[راجہ صاحب]

بادلوں سے کوئی کہہ دے کہ گھڑی بھر کے لیے
دھوپ میں جلتے ہوئے دشت پہ سایہ کر لیں
مقبول عامر

 

[غ۔ن۔غ]

نجانے حشر کیا ہو راہرو راہِ محبت کا
ہے منزل دور،سر پر شام ہے،پاؤں میں چھالے ہیں

 

[راجہ صاحب]

نجانے حشر کیا ہو راہرو راہِ محبت کا
ہے منزل دور،سر پر شام ہے،پاؤں میں چھالے ہیں

محترمہ آپ نے " پ " سے شعر لکھنا تھا
خیر کوئی بات نہیں میں لکھتا ہوں

پھر نئے سال کی سرحد پہ کھڑے ہیں ہم لوگ
راکھ ہو جائے گا یہ سال بھی، حیرت کیسی
عزیر نبیل

اب اگلا شعر " ت " سے