اشعار - حروف تہجی کے لحاظ سے

[شمشاد]

حرم ہو، مدرسہ ہو، دیر ہو، مسجد کہ میخانہ
یہاں تو صرف جلوے کی تمنا ہے، کہیں آ جا
(جوش ملیح آبادی)

 

[مہ جبین]

خواب ہی خواب نہ دیکھا کرو پیارے لوگو
ان جزیروں سے نکلنے کا نہ رستہ ہوگا

 

[شمشاد]

دل ہوا ہے طرف محبت کا
خون کے قطرے کا جگر دیکھو
(میر تقی میر)

 

[مہ جبین]

وہ جو ابھی اس راہگزر سے چاک گریباں گزرا ہے
اس آوارہ دیوانے کو جالب جالب کہتے ہیں۔۔۔!

 

[مہ جبین]

مجھے "ڈ " سے شعر دینا تھا ۔۔۔۔غلطی ہوگئی ۔۔۔۔۔۔۔۔۔معذرت

 

[شمشاد]

ہاہاہاہا، آپ اس دھاگے کو غالباً بیت بازی کا دھاگہ سمجھیں۔
----------------------------------------------------

ڈر تو مجھے کس کا ہے کہ میں کچھ نہیں کہتا
پر حال یہ افشاں ہے کہ میں کچھ نہیں کہتا
(مومن خان مومن)

 

[مہ جبین]

ذرے آنکھیں دکھائیں سورج کو
اک نہ اک روز یہ تو ہونا تھا
حزیں صدیقی

 

[شمشاد]

رُوح کے بے سر و سامانی سے باہر آ کر
شاعری اپنے لیے ایک بدن چاہتی ہے
(نوشی گیلانی)

 

[امیداورمحبت]

زندہ دلان شہر کو کیا ہوگیا فراز
آنکھیں بجھی بجھی ہیں تو چہرے مرے مرے

 

[شمشاد]

اُسی غزل کا ایک اور شعر


سانس لینے کو بس اِک تازہ ہَوا کا جھونکا
زندگی وہ کہاں سرو و سمن چاہتی ہے
(نوشی گیلانی)

 

[مہ جبین]

شوق بے پایاں کا انداز سفر تو دیکھئے
موت کی وادی سے مثل موجہء دریا گیا
حزیں صدیقی

 

[شمشاد]

صاف ظاہر ہے نگاہوں سے کہ ہم مرتے ہیں
منہ سے کہتے ہوئے یہ بات مگر ڈرتے ہیں
(اختر انصاری)

 

[مہ جبین]

ضبط غم کچھ تو حوصلہ دینا
انکے آگے بھی مسکرادینا

 

[شمشاد]

طبیعت ان دنوں بیگانہِ غم ہوتی جاتی ہے
میرے حصے کی گویا ہر خوشی کم ہوتی جاتی ہے
(جگر مراد آبادی)

 

[مہ جبین]

ظلمتوں کے مہیب جنگل میں ۔۔!
روشنی کے بھی ہیں شجر کچھ لوگ
حزیں صدیقی

 

[شمشاد]

لاکھ چھپاؤ چُھپ نہ سکے گا راز ہو کتنا گہرا
دل کی بات بتا دیتا ہے اصلی نقلی چہرہ

 

[مہ جبین]

ہم کشمکش دیر و حرم سے ہیں بہت دور
انسان کی عظمت پہ نظر اپنی رہی ہے
حبیب جالب

 

[مہ جبین]

اوہ۔۔۔۔۔۔ پھر غلطی ہو گئی مجھ سے۔۔۔۔
بیت بازی ۔۔۔۔۔۔نہیں ہے یہ ۔۔۔

 

[شمشاد]

ظلمتوں کے مہیب جنگل میں ۔۔!
روشنی کے بھی ہیں شجر کچھ لوگ
حزیں صدیقی

عزیز اتنا ہی رکھو کہ جی سنبھل جائے
اب اس قدر بھی نہ چاہو کہ دم نکل جائے
(عبید اللہ علیم)

 

[امیداورمحبت]

غزال اشک سر صبح دوب مژگان پر
کب اپنی آنکھ کھلی اور لہو لہو نہ ہوا ۔۔
ظفر اقبال