اشعار - حروف تہجی کے لحاظ سے

[غ۔ن۔غ]

محترمہ آپ نے " پ " سے شعر لکھنا تھا
خیر کوئی بات نہیں میں لکھتا ہوں

پھر نئے سال کی سرحد پہ کھڑے ہیں ہم لوگ
راکھ ہو جائے گا یہ سال بھی، حیرت کیسی
عزیر نبیل

اب اگلا شعر " ت " سے

اوہ اچھا معذرت۔۔۔۔
مکس ہو گیا بیت بازی اور حروفِ تہجی کا سلسلہ آپس میں
شعر حاضر ہے

تم زمانے کی راہ سے آئے
ورنہ سیدھا تھا راستہ دل کا

 

[راجہ صاحب]

جو سامنے ہے، سب ہے یہ،اپنے کیئے کا پھل
تقدیر کی تو چھوڑئیے تقدیر جو بھی تھی
امجد اسلام امجد

 

[غ۔ن۔غ]

چلو اسی سے کہیں دل کا حال جو بھی ہو
وہ چارہ گر تو ہے اس کو خیال جو بھی ہو

 

[مغزل]

خیال آیا ہے دل میں یہ بارہا اپنے !!
قبائے ہوش کسی دن اتار دی جائے
اختر علی انجم، کراچی

 

[شمشاد]

محمود بھائی آپ کو تو حرف ح سے شعر دینا تھا۔
-------------------------------------------------
دل ڈھونڈتا ہے پھر وہی فرصت، کہ رات دن
بیٹھے رہیں تصورِ جاناں کیئے ہوئے
(چچا)

 

[عمر سیف]

ڈالے گئے اس واسطے پتھر میرے آگے
ٹھوکر سے اگر ہوش سنبھل جائے تو اچھا

 

[شمشاد]

اردو محفل میں بہت عرصے بعد خوش آمدید۔
---------------------------------------------------


ذکرِ حبیب، یادِ خُدا، فکرِ روزگار!
قصہ یہ ایک پل کا نہیں، عمر بھر کا ہے!
(سرور عالم راز)

 

[عمر سیف]

رہتا ہے روز اس کی ملاقات کا خیال
ہو جائے خواب کاش یہ دن رات کا خیال

 

[محمداحمد]

زندگی کے بھید کو میرے سوا جانے گا کون
زندگی کچھ بھی نہیں تیری تمنا کے سوا

 

[شمشاد]

زندگی زندہ دلی کا نام ہے
مردہ دل کیا خاک جیا کرتے ہیں

 

[عمر سیف]

سنگ دل جب بھی کوئی یاد آیا
لگ کے دیوار سے رویا کوئی

 

[شمشاد]

شیخ آنے کو میکدے میں آیا
پر ہو کے بہت خراب نکلا
(میر تقی میر)

 

[مغزل]

اس بار ہم دعا بھی نہ کرپائے دوستو !!!
اور اس نے مجھ خلوص کو ٹھکرادیا ہنوز
فی البدیہہ (م۔م۔مغل)

 

[عمر سیف]

بڑا ہے درد کا رشتہ کہ دل غریب سہی
تمھارے نام پہ آئیں گے غمگسار چلے

 

[شمشاد]

پتھر کے جگر والو غم میں وہ روانی ہے
خود راہ بنا لے گا بہتا ہوا پانی ہے
(بشیر بدر)

 

[مہ جبین]

تری نظر سے عبارت ہیں دل کے افسانے
یہ اور بات کہ تو جان کر نہ پہچانے۔۔۔!

 

[شمشاد]

ٹوٹے ہوئے دلوں کی دعا میرے ساتھ ہے
دنیا تیری طرف ہے خدا میرے ساتھ ہے
(نظام رامپوری)

 

[مہ جبین]

ثابت قدم ہے سیل حوادث میں بھی حزیں
بخشا ہوا یہ تیرا ہی عزم صمیم ہے۔۔۔۔۔!
حزیں صدیقی

 

[شمشاد]

جا کر تمام زندگی خدمت میں پیش کی
اک شخص ایک رات میں اتنا حسیں ہوا
(منصور آفاق)

 

[مہ جبین]

چپکے سے کوئی موج گزر جائے گی سر سے
تا چند دم رقص حبابوں میں رہے گا
حزیں صدیقی