اشعار - حروف تہجی کے لحاظ سے

[شمشاد]

مقدر میں نہیں ہے کامرانِ آرزو ہونا​

سزاوارِ اجابت ہو نہیں سکتی دُعا میری​

(نذیر)​

 

[عمر سیف]

نہ اب وہ یادوں کا چڑھتا دریا، نہ فرصتوں کی اداس برکھا
یوں ہی ذرا سی کسک ہے دل میں، جو زخم گہرا تھا بھر گیا وہ

 

[شمشاد]

وہ لوگ میرے بہت پیار کرنے والے تھے​

گزر گئے ہیں جو موسم گزرنے والے تھے​

(جمال احسانی)​

 

[عمر سیف]

یونہی ہم منیر پڑے رہے کسی اک مکاں کی پناہ میں
کہ نکل کے ایک پناہ سے کہیں اور جانے کا دم نہ تھا

 

[شمشاد]

ضبط آپ کو حرف ہ سے شعر دینا تھا۔
-------------------------------------------------

​

ہزار مجھ سے وہ پیمانِ وصل کرتا رہا​

پر اُس کے طور طریقے مُکرنے والے تھے​

(جمال احسانی)​

 

[فرحت کیانی]

اک بار سچ کہا تھا مگر اس کی آگ سے
اب تک مری زبان پہ ہیں چھالے پڑے ہوئے

 

[شمشاد]

بانبی ناگن، چھایا آنگن، گنگھرو چھن چھن، آشا من​

آنکھیں کاجل، پربت بادل، وہ زلفیں اور یہ بازو​

(جاوید اختر)​

 

[غ۔ن۔غ]

پی جا ایام کی تلخی کو بھی ہنس کر ناصر​

غم کے سہنے میں بھی قدرت نے مزہ رکھا ہے​

 

[عمر سیف]

ضبط آپ کو حرف ہ سے شعر دینا تھا۔
-------------------------------------------------

​

​

معذرت خواہ ہوں ۔۔

 

[عمر سیف]

تیز ہوا نے مجھ سے پوچھا
ریت پہ کیا لکھتے رہتے ہو؟

 

[غ۔ن۔غ]

ٹھوکر سے میرا پاؤں تو زخمی ہوا ضرور
رستے میں جو کھڑا تھا وہ کہسار ہٹ گیا

 

[شمشاد]

جمع کرتے ہو کیوں رقیبوں کو
اک تماشا ہوا، گلا نہ ہوا
(چچا)

 

[عمر سیف]

چاند کیا شے ہے ترا دھندلا سا اک نقشِ قدم
چاندنی کیا ہے تری گرد خرام ناز ہے

 

[شمشاد]

حیلہ جُو ویسے بھی ہوتے ہیں زمانے والے​

اس پہ آئی نہ ہمیں بات چھپانی لوگو​

(فراز)​

 

[عمر سیف]

خط میں مجھے اُوّل تو سُنائی ہیں ہزاروں
آخر میں یہ لکھا ہے کہ میں کچھ نہیں کہتا

 

[فرحت کیانی]

اے خدا لوگ بنائے تھے اگر پتھر کے
میرے احساس کو شیشہ نہ بنایا ہوتا

 

[شمشاد]

فرحت دوسرے مصرعے میں لفظ "تو" نہیں ہے۔

صحیح مصرعہ ایسے ہے :

میرے احساس کو شیشہ نہ بنایا ہوتا

 

[شمشاد]

فرحت یہ تو حروف تہجی کی مناسبت سے شعر لکھنے کا دھاگہ ہے۔
آپ غالباً اسے بیت بازی کا دھاگہ سمجھی ہیں۔

 

[شمشاد]

دھوکا کریں، فریب کریں یا دغا کریں
ہم کاش دوسروں پہ نہ تہمت دھرا کریں
(انور شعور)

 

[فرحت کیانی]

فرحت دوسرے مصرعے میں لفظ "تو" نہیں ہے۔

صحیح مصرعہ ایسے ہے :

میرے احساس کو شیشہ نہ بنایا ہوتا

شکریہ شمشاد بھائی۔ مجھے بھی شک ہو رہا تھا کہ کچھ گڑبڑ ہے۔ بہت دنوں بعد شاعری کی طرف آنا ہوا ہے۔ شعر بھولنا شروع ہو گئی ہوں۔
اور یاد دہانی کا بھی شکریہ۔ میں نے تو اپنی طرف سے بیت بازی والے دھاگے میں پوسٹ کی تھی۔