اشعار - حروف تہجی کے لحاظ سے

[شمشاد]

ڈھونڈ اجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں
(احمد فراز)

 

[ماہی احمد]

ذرے آنکھیں دکھائیں سورج کو
اک نہ اک روز یہ تو ہونا تھا
حزیں صدیقی
( )

 

[شمشاد]

رکے تو گردشیں اس کا طواف کرتی ہیں
چلے تو اس کو زمانے ٹھہر کے دیکھتے ہیں(فراز)

 

[عبد الرحمن]

زمانہ کی یہ گردش جاودانہ
حقیقت ایک باقی فسانہ
کسی نے دوش دیکھا ہے نہ فردا
فقط امروز ہے تیرا زمانہ

 

[شمشاد]

سنا ہے اس کے شبستاں سے متصل ہے بہشت
مکیں‌ ادھر کے بھی جلوے اِدھر کے دیکھتے ہیں(فراز)

 

[عبد الرحمن]

شہر سے ایسے نکلے دوانے
لوگ سمجھے نکالے ہوئے ہیں

 

[شمشاد]

صحن میں اک شور سا، ہر آنکھ ہے حیرت زدہ
چوڑیاں سب توڑ دیں دلہن نے پہلی رات کو
(سبط علی صبا)

 

[ماہی احمد]

ضرورت توڑ دیتی ہے غرور و بے نیازی
نہ ہوتی کوئی مجبوری تو ہر بندہ خدا ہوتا

 

[شمشاد]

طرزِ ادائیگی کہیں معنی نہ بدل دے
آنکھیں ملا کے بات کرو، کان میں نہیں

 

[ماہی احمد]

ظلم کہ پاؤں سے جو پھول مسلے جاتے ہیں
قہر بن کر وہی پتھر پہ نکل آتے ہیں

 

[شمشاد]

عذاب جن کا تبسّم ثواب جن کی نگاہ
کھنچی ہوئی ہیں پس ِ جاں یہ صورتیں کیسی
(عبید اللہ علیم)

(کیسا اتفاق ہے کہ شعر بھی حرف ع سے اور شاعر کا نام اور تخلص بھی حرف ع سے)

 

[ماہی احمد]

غمِ زندگی غمِ بندگی، غمِ دوجہاں غمِ جاوداں
میری ہر نظر تیری منتظر، تیری ہر نظر میرا امتحاں

 

[شمشاد]

فردا محض فسوں کا پردا، ہم تو آج کے بندے ہیں
ہجر و وصل وفا اور دھوکا سب کچھ آج پہ رکھتا ہے
(ابن انشاء)

 

[غ۔ن۔غ]

قاصد پیام شوق کو اتنا نہ کر طویل
کہنا فقط یہ ان سے کہ آنکھیں ترس گئیں

 

[شمشاد]

قاصد پیام شوق کو اتنا نہ کر تاویل
کہنا فقط یہ ان سے کہ آنکھیں ترس گئیں

غ۔ن۔غ پہلے مصرعے کے آخر میں تاویل یا طویل ہونا چاہیے؟
----------------------------------------------------------------

کہانیاں ہی سہی ، سب مبالغے ہی سہی
اگر وہ خواب ہے تعبیر کرکے دیکھتے ہیں(احمد فراز)

 

[ماہی احمد]

گاہے گاہے بس اب یہی ھو کیا؟
تم سے مل کر بہت خوشی ھو کیا

جون ایلیاء

 

[شمشاد]

لائی ہے اب اُڑا کے گئے موسموں کی باس
برکھا کی رُت کا قہر ہے اور ہم ہیں دوستو
(منیر نیازی)

 

[ماہی احمد]

میرے آنسو نہ پونچھنا دیکھو
کہیں دامان تر نہ ہو جائے

مومن

 

[غ۔ن۔غ]

غ۔ن۔غ پہلے مصرعے کے آخر میں تاویل یا طویل ہونا چاہیے؟

جی شمشاد بھائی مجھے بہت افسوس ہے اس پر
"طویل " ہونا چاہیے "تاویل" غلطی سے لکھا گیا تھا جب نظر پڑی تو تدوین کی مہلت ختم ہو چکی تھی
اب سعود بھیا سے درستگی کرنے کا کہا ہے لیکن اگر ان کو مصروفیت کی وجہ سے دیر لگی تو آپ درستگی کر دیجیئے گا پلیز

 

[غ۔ن۔غ]

نا امیدی ہے بری چیز مگر
ایک تسکین سی ہو جاتی ہے

بسمل سعیدی