اشعار - حروف تہجی کے لحاظ سے

[ماہی احمد]

وہ تو کل دیر تلک دیکھتا ایدھر کو رہا
ہم سے ہی حال تباہ اپنا دکھایا نہ گیا

میر

 

[شمشاد]

وہ مجھ کو پھول تو تازہ ہی بھیجتا ہے ندیمؔ
مگر کتاب ہمیشہ پرانی دیتا ہے
(ندیم بھابھہ)

 

[غ۔ن۔غ]

ہمارے شہر کے لوگوں کا اب احوال اتنا ہے
کبھی اخبار پڑھ لینا کبھی اخبار ہو جانا
( ادا جعفری)

 

[شمشاد]

یہ پیڑ بھی عجیب ہیں ہنستے نہیں کبھی
پھولوں کو ضبط کرتے ہیں جذبات کی طرح
(عباس تابش)

 

[محمداحمد]

یہ تو خیر اچھا ہوا کچھ لوگ پہچانے گئے
وہ ذرا سی بات کیا تھی جس پہ یارانے گئے

(شاعر : نا معلوم)

 

[شمشاد]

اے وحشت خیال نتیجہ تیرے سپرد
ساغر کو کائنات سے ٹکرا رہا ہوں میں
(عبد الحمید عدم)

 

[محمداحمد]

بہت مشکل زمانوں میں بھی ہم اہلِ محبت
وفا پر عشق کی بنیاد رکھنا چاہتے ہیں

افتخار عارف

 

[شمشاد]

پھول جھڑنے کی شام آ پہنچی
نو بہارِ چمن! چمن میں آ
(ناصر کاظمی)

 

[محمداحمد]

تا پھر نہ انتظار میں نیند آئے عمر بھر
آنے کا عہد کرگئے آئے جو خواب میں

(غالب)

 

[غ۔ن۔غ]

ٹوٹی ہے میری نیند مگر تم کو اس سے کیا
بجتے رہے ہواؤں سے دَر تم کو اس سے کیا

پروین شاکر

 

[شمشاد]

ث سے شعر نہیں ملا۔ جو بھی ملا، وہ پہلے ہی لکھے جا چکے ہیں۔
-------------------------------------------------------------

جینے میں یوں تو کونسی جینے کی بات ہے
پھر بھی عجیب چیز، فریبِ حیات ہے
(عبد الحمید عدم)

 

[غ۔ن۔غ]

چاہی تھی دل نے تجھ سے وفا کم بہت ہی کم
شاید اسی لیے ہے گلہ کم بہت ہی کم

محبوب خزاں ( محمد محبوب صدیقی )

 

[شمشاد]

حاوی اگر ہو کوئی تو رہتی ہے یہ دبی
اور جو دبے تو اُس کو دباتی ہے زندگی
(جلیل مانکپوری)

 

[اوشو]

خوں رلاتا ہے یہ تقسیم کا انداز مجھے
کوئی دھنوان یہاں پر کوئی نردھن دیکھوں
دن کے ہاتھوں میں فقط ایک سلگتا سورج
رات کی مانگ ستاروں سے مزین دیکھوں

 

[شمشاد]

دل یہ کہتا ہے شاید ہو فسردہ تو بھی
دل کی کیا بات کریں دل تو ہے ناداں جاناں
(احمد فراز)

 

[ماہی احمد]

ڈھونڈو گے اگر ملکوں ملکوں، ملنے کے نہیں نایاب ہیں ہم
تعبیر ہے جس کی حسرت و غم، اے ہم نفسو وہ خواب ہیں ہم

 

[شمشاد]

ذکر اس پری وش کا، اور پھر بیاں اپنا
بن گیا رقیب آخر، تھا جو رازداں اپنا
(چچا)

 

[نوید رزاق بٹ]

رہا نہ دل میں وہ بے درد، اور درد رہا
مقیم کون ہوا ہے، مقام کس کا تھا
(داغ)

 

[حاتم راجپوت]

زعمِ عقل و فہم اِک نادانئ معصوم ہے
اے گرفتارِ فریبِ ہوش، اے دل! دیکھ کر

 

[شمشاد]

سنا ہے لوگ اُسے آنكھ بھر كے دیكھتے ہیں
تو اس کے شہر میں‌کچھ دن ٹھہر کے دیکھتےہیں
(احمد فراز)