اشعار - حروف تہجی کے لحاظ سے

[عطاء اللہ جیلانی]

سمندر سر پٹک کر مر رہا تھا
تو میں جینے کی کوشش کر رہا تھا

نامعلوم

 

[شمشاد]

ستا ستا کے پریشان ہو گیا ہے عدو
کئی دنوں سے ہمیں صبح و شام راحت ہے
(خواجہ علی حسین)

 

[سیما علی]

شرط سلیقہ ہے ہر اک امر میں
عیب بھی کرنے کو ہنر چاہئیے
( میر تقی میر)

 

[لاريب اخلاص]

طویل تر ہے سفر مختصر نہیں ہوتا
محبتوں کا شجر بے ثمر نہیں ہوتا
پھر اس کے بعد کئی لوگ مل کے بچھڑے ہیں
کسی جدائی کا دل پر اثر نہیں ہوتا
اختر امان

 

[شمشاد]

طویل تر ہے سفر مختصر نہیں ہوتا
محبتوں کا شجر بے ثمر نہیں ہوتا
پھر اس کے بعد کئی لوگ مل کے بچھڑے ہیں
کسی جدائی کا دل پر اثر نہیں ہوتا
اختر امان

لاریب آپ الف بے بھول گئی ہیں کیا؟ ش کے بعد ص سے شعر دینا تھا ناں۔
----------------------------------------------------------

شرط سلیقہ ہے ہر اک امر میں
عیب بھی کرنے کو ہنر چاہئیے
( میر تقی میر)

صبح کا افسانہ کہہ کر شام سے
کھیلتا ہوں گردش ایام سے
(شکیل بدایونی)

 

[عطاء اللہ جیلانی]

ضبط کرنا نہ کبھی ضبط میں وحشت کرنا
اتنا آساں بھی نہیں تجھ سے محبت کرنا

ایوب خاور

 

[شمشاد]

طاعت میں جواں ہوتے تو کرتے تقصیر
وہ سر میں نشہ نہیں ہوئے ہیں اب پیر
(میر تقی میر)

 

[لاريب اخلاص]

لاریب آپ الف بے بھول گئی ہیں کیا؟ ش کے بعد ص سے شعر دینا تھا نا

بھولی نہیں شعر ط سے یاد تھا اتنی سی غلطی تو بندہ جان بوجھ کے بھی کرجاتا ہے کون سا جرمانہ ہوگا

 

[لاريب اخلاص]

ظرف ٹوٹا تو وصل ہوتا ہے
دل کوئی ٹوٹا کس طرح جوڑے
شیخ ظہور الدین حاتم

 

[شمشاد]

بھولی نہیں شعر ط سے یاد تھا اتنی سی غلطی تو بندہ جان بوجھ کے بھی کرجاتا ہے کون سا جرمانہ ہوگا

یہ تو میری معلومات میں اضافے کا باعث ہے۔

 

[شمشاد]

عرصہ ہوا کسی نے پکارا نہیں مجھے
شاید کسی کو میری ضرورت نہیں رہی
(بشریٰ ہاشمی)

 

[مومن فرحین]

غیروں سے کہا تم نے غیروں سے سنا تم نے
کچھ ہم۔ سے کہا ہوتا کچھ ہم سے سنا ہوتا

چراغ حسن حسرت

 

[اوشو]

فاصلے ایسے بھی ہوں گے یہ کبھی سوچا نہ تھا
سامنے بیٹھا تھا میرے اور وہ میرا نہ تھا
عدیم ہاشمی

 

[مومن فرحین]

قبروں میں۔ نہیں ہم کو کتابوں میں اتارو
ہم لوگ محبت کی کہانی میں مرے ہیں

 

[عطاء اللہ جیلانی]

کچھ تجھ کو خبر ہے ہم کیا کیا اے شورش دوراں بھول گئے
وہ زلف پریشاں بھول گئے وہ دیدۂ گریاں بھول گئے

اسرار الحق مجاز

 

[سیما علی]

گرہ سے کچھ نہیں جاتا، پی بھی لے زاہد
ملے جو مفت تو قاضی کو بھی حرام نہیں
امیر مینائی

 

[سیما علی]

لب پہ آتی ہے دُعا بن کے تمنا میری
زندگی شمع کی صورت ہو خدایا میری
علامہ اقبالؒ

 

[سیما علی]

مجھ کو رُسوا سرِ محفل تو نہ کروایا کرے۔۔۔۔۔
کاش! آنسو میری آنکھوں میں ہی رہ جایا کرے
نوشی گیلانی

 

[مومن فرحین]

نگاہ شوخ کی بے باکیوں سے کیا حاصل
جو دل اداس ہو رنگینیوں سے کیا حاصل

ابن صفی

 

[سیما علی]

وہ میرے نام کی نسبت سے معتبر ٹھہرے
گلی گلی مری رسوائیوں کا ساتھی ہو۔۔۔۔۔

افتخار عارف