اشعار - حروف تہجی کے لحاظ سے

[سیما علی]

حادثہ رونما نہ ہو جائے
درد دل سے جدا نہ ہو جائے

 

[سیما علی]

خاک سے تابہ فلک، خواب کا پھیلا دامن
کوئی کوشش نہ کہیں ،اور تمنا ہر جا
مظفر علی سید

 

[سیما علی]

دل ہاتھ پہ رکھا ہے کوئی ہے جو خریدے؟
دیکھوں تو ذرا میں بھی خریدار کی صُورت

 

[سیما علی]

ڈالتے ا س پہ کمندیں ، وہ کوئی چاند نہ تھا
سو جتن سب نے کیے ، ہاتھ نہ آیا سورج
قتیل شفائی

 

[سیما علی]

ذرا ان کی شوخی تو دیکھیے لیے زلف زخم شدہ ہاتھ میں
میرے پیچھے آئے دبے دبے مجھے سانپ کہہ کے ڈرا دیا

 

[سیما علی]

رُوٹھے لوگوں کو منانے میں مزہ آتا ہے
جان کر آپ کو ناراض کیا ہے میں نے

 

[سیما علی]

زندگی پاؤں نہ دھر جانبِ انجام ابھی
میرے ذمے ہیں ادھورے سے کئی کام ابھی
ابھی تازہ ہے بہت گھاؤ بچھڑ جانے کا
گھیر لیتی ہے تیری یاد سر ِشام ابھی

 

[سیما علی]

سُلگ رہی ہیں نہ جانے کس آنچ سے آنکھیں
نہ آنسوؤں کی طلب ہے نہ رتجگوں کی جلن

 

[سیما علی]

شرط سلیقہ ہے ہر اک امر میں
عیب بھی کرنے کو ہنر چاہئیے
( میر تقی میر)

 

[سیما علی]

صدیاں تیری سمیٹ کے جو لے گیا قتیل
اب تیرے پاس لوٹ کے وہ پل نہ آئے گا

قتیل شفائی

 

[شمشاد]

ضروری تو نہیں اک فصل گل ہو
جنوں کے اور بھی موسم بہت ہیں
کرامت بخاری

 

[سیما علی]

طلوع شمس و قمر سے پہلے میں تجھ پہ آقا درود بھیجوں
ہر ایک شام و سحر سے پہلے میں تجھ پہ آقا درود بھیجوں

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے

 

[سیما علی]

ظلم رہے اور امن بھی ہو
کیا ممکن ہے تم ہی کہو

حبیب جالب

 

[سیما علی]

عمل سے زندگی بنتی ہے جنت بھی جہنم بھی
یہ خاکی اپنی فطرت میں نہ نوری ہے نہ ناری ہے

 

[سیما علی]

غیروں سے کہا تم نے غیروں سے سنا تم نے
کچھ ہم سے کہا ہوتا کچھ ہم سے سنا ہوتا

 

[سیما علی]

فلک، ستارے، زمیں، پھول اور میری آنکھیں
ہر ایک شے کو جہاں میں ہے احترامِ حسین ع

 

[سیما علی]

قصہ دارو رسن ہی سہی ، کچھ بات کرو
کسی عنوان سے تو ذکرِ قد و گیسو نکلے

 

[سیما علی]

کیسے کروں بیان میں رُتبہ حسین ع کا
ناناؐ کے دِیں کے واسطے صدقہ حسین ع کا
غلبہ ہے آج پھر سے، غاصب یزید کا
مقصود پھر ہے آج وہ جذبہ حسین ع کا

 

[سیما علی]

گونگے لبوں پہ حرفِ تمنا کیا مجھے
کس کور چشم شب میں ستارا کیا مجھے

 

[سیما علی]

لطف نہیں جفا سہی، زیست نہیں قضا سہی
غمزۂ ناروا سہی، عشق کا کچھ صِلہ تو دو