اشعار - حروف تہجی کے لحاظ سے

[شمشاد]

رات کو جب یاد آئے تیری خوشبوئے قبا
تیرے قصے چھیڑتے ہیں رات کی رانی سے ہم
عباس تابش

 

[سیما علی]

زعمِ عقل و فہم اِک نادانئ معصوم ہے
اے گرفتارِ فریبِ ہوش، اے دل! دیکھ کر
(عبد الحمید عدم)

 

[محمد عدنان اکبری نقیبی]

سارے جہاں سے اچھا،ہندوستاں ہمارا
ہم بلبلیں ہیں اس کی،یہ گلستاں ہمارا

 

[سیما علی]

شبِ ہجراں بسر نہیں ہوتی
نہیں ہوتی، سحر نہیں ہوتی

ذوق

 

[سیما علی]

صدیاں تیری سمیٹ کے جو لے گیا قتیل
اب تیرے پاس لوٹ کے وہ پل نہ آئے گا

قتیل شفائی

 

[سیما علی]

ضبط تھا جب تئیں چاہت نہ ہوئی تھی ظاہر
اشک نے بہ کے مرے چہرے پہ طوفان کیا
.
میر تقی میر

 

[سیما علی]

ضبط کا عہد بھی ہے شوق کا پیمان بھی ہے
عہد و پیماں سے گزر جانے کو جی چاہتا ہے
درد اتنا ہے کہ ہر رگ میں ہے محشر برپا
اور سکوں ایسا کہ مر جانے کو جی چاہتا ہے

فیض احمد فیض

 

[محمد عدنان اکبری نقیبی]

طولِ غمِ حیات سے گھبرا نہ اے جگر
ایسی بھی کوئی رات ہے جس کی سحر نہ ہو

 

[سیما علی]

ظلم کے اندھیروں سے تم نہ ہارنا منظر
جب چراغ بجھ جائے، انگلیاں جلا دینا

.
منظر بھوپالی

 

[سیما علی]

ظرفِ آئینہ کہاں اور ترا حسن کہاں
ہم ترے چہرے سے آئینہ سنوارا کرتے


عبید اللہ علیم

 

[سیما علی]

عجیب لوگ ہیں کیا خوب منصفی کی ہے
ہمارے قتل کو کہتے ہیں، خودکشی کی ہے

حفیظ میرٹھی

 

[سیما علی]

عقائد وہم ہیں، مذہب خیال خام ہے ساقی
ازل سے ذہنِ انساں بستہ اوہام ہے ساقی
(ساحر لدھیانوی)

 

[سیما علی]

عجیب ہوتی ہے راہ سخن بھی دیکھ نصیرؔ
وہاں بھی آ گئے آخر، جہاں رسائی نہ تھی

نصیر ترابی

 

[محمد عدنان اکبری نقیبی]

غضب کیا ترے وعدے پہ اعتبار کیا
تمام رات قیامت کا انتظار کیا

داغ

 

[مومن فرحین]

فراز عشق کی دنیا تو خوبصورت تھی
یہ کس نے فتنہ ہجر و وصال رکھا ہے

 

[محمد عدنان اکبری نقیبی]

قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو
میاں داد خان سیاح

 

[سیما علی]

کوئی نام و نشاں پوچھے تو اے قاصد بتا دینا
تخلص داغؔ ہے وہ عاشقوں کے دل میں رہتے ہیں

 

[سیما علی]

گلاب چہروں سے دل لگانا وہ چپکے چپکے نظر ملانا
وہ آرزوؤں کے خواب بُننا وہ قصہء ناتمام لکھنا

 

[سیما علی]

لگا رہا ہوں لبوں کی ہنسی سے اندازہ
کہ میرے غم کی طلب میں کوئی کمی تو نہیں

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے

 

[سیما علی]

معصوم عجب ہے حال چمن ہر شعلے کا یہاں بدلا ہے چلن
شاخوں کو جلایا جاتا ہے ، طائر کو ستایا جاتا ہے