اشعار - حروف تہجی کے لحاظ سے

[سیما علی]

عجب واعظ کی دینداری ہے یا رب
عداوت ہے اسے سارے جہاں سے

 

[سیما علی]

غم حیات سے فرصت ملی کبھی ، تو میں
تیری نظر کے سوال و جواب سمجھوں گا

 

[سیما علی]

فقط نگاہ سے ہوتا ہے فیصلہ دل کا
نہ ہو نگاہ میں شوخی تو دلبری کیا ہے

 

[سیما علی]

قانعِ رنجِ عشق تھا حسرتؔ
عیشِ دنیا سے آشنا نہ ہوا

 

[سیما علی]

کب میرا نشیمن اہلِ چمن گلشن میں گوارہ کرتے ہیں
غنچے اپنی آوازوں میں بجلی کو پکارا کرتے ہیں

 

[سیما علی]

گرفتہ دل تھے ، مگر حوصلہ ن ہارا تھا
گرفتہ دل ہیں ،مگر حوصلے بھی اب کے گئے

 

[سیما علی]

لیا جو نامِ خدا اور نام کیا آئے
میری نصرت کو چیز اور کام کیا آئے

 

[سیما علی]

میری طرح سے مہ و مہر بھی ہیں آوارہ
کسی حبیب کی یہ بھی ہیں جستجو کرتے

 

[سیما علی]

نیتِ شوق بھر نہ جائے کہیں
تو بھی دل سے اتر نہ جائے کہیں

 

[سیما علی]

وابستہ میری یاد سے کچھ تلخیاں بھی تھیں
اچھا کیا جو مجھ کو فراموش کردیا

 

[سیما علی]

ہم نہ ہوں گے تو کسی اور کے چرچے ہوں گے
خلقتِ شہر تو کہنے کو فسانے مانگے

 

[سیما علی]

یوں اگر ہوتا نصیبا میرا خوش تر ہوتا
میں تیرے گنبد خضرا کا کبوتر ہوتا

 

[سیما علی]

اک سادہ دل ، دیارِ کرشمہ گراں میں گم
اک قریہ ءطلسم میں حیرت کے رات دن

 

[سیما علی]

بے درد سننی ہو تو چل، کہتا ہے کیا اچھی غزل
عاشق تیرا, رسوا تیرا, شاعر تیرا, انشاء تیرا

 

[سیما علی]

پروردگار عالم تیرا ہی سہارا
تیرے سوا جہاں میں کوئی نہیں ہمارا

 

[سیما علی]

تم میرے پاس ہوتے ہو گویا
جب کوئی دوسرا نہیں ہوتا

 

[سیما علی]

ٹوٹ جانے سے ستاروں نے بھی وقعت کھوئی
میرے آنسوؤ ! میری آنکھوں میں سنبھلے رہنا

 

[سیما علی]

ثبوت محبت کے لیے اگر کم تھا تجھے بھلا دینا
جان بھی حاضر تھی تو لب تو ہلائے ہوتے

 

[گُلِ یاسمیں]

جسے عشق کا تیر کاری لگے
اسے زندگی کیوں نہ بھاری لگے

 

[گُلِ یاسمیں]

چلو مخمور تنہائی میں شغلِ مے کشی ہوگا
چُھپا کر لے چلو پینے کا ساماں کون دیکھے گا

مخمور دہلوی