اشعار - حروف تہجی کے لحاظ سے

[سیما علی]

چشمِ قاتل میری دُشمن تھی ہمیشہ، لیکن
جیسی اب ہو گئی قاتل کبھی ایسی تو نہ تھی

 

[سیما علی]

حسابِ عمر کا اتنا سا گوشوارا ہے
تمھیں نکال کردیکھا تو سب خسارہ ہے

یہ ہم اپنے بیٹے رضا کی نذر کرتے ہیں

 

[سیما علی]

خیال قُرب اُسی کا سر پہ ابر سا جُھکا رہا
میانِ دشتِ روزگار، ہم جِدھر جِدھر گئے

 

[سیما علی]

دل سے تیروں کا اور کمانوں کا
خوف جاتا نہیں مچانوں کا
ماجد صدیقی

 

[سیما علی]

ڈھونڈنے نکلے ہیں تجھ کو ماوراء آب و گل
عمر گزری یم بہ یم ، صحرا بہ صحرا دیکھتے

 

[گُلِ یاسمیں]

چہرے بدل بدل کے مجھے مل رہے ہیں لوگ
اتنا بُرا سلوک میری سادگی کے ساتھ

 

[سیما علی]

ذکر اُس غیرتِ مریم کا جب آتا ہے فراز
گھنٹیاں بجتی ہیں لفظوں کے کلیساؤں میں

 

[سیما علی]

راس آنے لگی دنیا تو کہا دل نے کہ جا
اب تجھے درد کی دولت نہیں ملنے والی

 

[سیما علی]

زخم نے داد نہ دی تنگئ دل کی یارب
تیر بھی سینۂ بسمل سے پَرافشاں نکلا

 

[سیما علی]

سما کے ابر میں ، برسات کی اُمنگ میں ہُوں
ہَوا میں جذب ہوں ، خوشبو کے انگ انگ میں ہوں
پروین شاکر

 

[سیما علی]

شامِ غم کی نہیں سحر شاید
یونہی تڑپیں گے عُمر بھر شاید
حالِ دل سے مِرے ہیں سب واقف
صرف تُو ہی ہے بے خبر شاید

 

[سیما علی]

صیاد گلہ کرتا ہے میرا ہر صبح
نالہءمرغِ گرفتار نے سونے نہ دیا

 

[سیما علی]

ضبط سے نا آشنا ہم،صبر سے بیگانہ ہم
انجمن میں شریکِ قسمتِ پروانہ ہم

 

[سیما علی]

طلوعِ شمس و قمر سے پہلے، میں تجھ پہ آقاؐ درود بھیجوں
ہر ایک شام و سحر سے پہلے میں تجھ پہ آقاؐ درود بھیجوں

 

[سیما علی]

عُمر بھر جس کے تعاقب میں رہیں گے ہم لوگ
مار ڈالیں گے تو پھر اس کو خُدا مانیں گے
احمد ندیم قاسمی

 

[سیما علی]

غمِ دوراں نے بھی سیکھ لیے غمِ جاناں کے چلن
وہی سوچی ہوئی چالیں ،وہی بے ساختہ پن

 

[سیما علی]

فاصلے ایسے بھی ہوں‌گے یہ کبھی سوچا نہ تھا
سامنے بیٹھا تھا میرے، اور وہ میرا نہ تھا

 

[سیما علی]

قِصّہ ہی جس سے کشتِ تمنّا کا ہو تمام
خرمن کے واسطے وہ شرر لے کے آ گیا

 

[سیما علی]

کرنی کرتے ، راہیں تکتے، ہم نے عمر گنوائی ہے
خوبی قسمت ڈھونڈ کے ہاری ،ہم ایسے ناکام کہاں

 

[سیما علی]

گماں کی اِک پریشاں منظری ہے
بس اِک دیوار ہے اور بے دَری ہے