اشعار - حروف تہجی کے لحاظ سے

[سیما علی]

لب و دہن بھی ملا ، گفتگو کا فن بھی ملا
مگر جو دل پہ گزرتی ہے کہہ سکوں بھی نہیں

 

[سیما علی]

میرے حصے میں کوئی جام نہ آئے، نہ سہی
تیری محفل میں میرے نام کوئی شام تو ہے

 

[سیما علی]

نہ ربط ہے نہ معانی ، کہیں تو کس سے کہیں!
ہم اپنے غم کی کہانی ، کہیں تو کس سے کہیں!

 

[سیما علی]

وہ نفرتوں کے بھنور میں بھی مُسکرا کے ملا
اب اس سے بڑھ کے بھلا ہو کمال کیا اُس کا

 

[سیما علی]

ہاں تازہ سانحوں کا کرے کون انتظار
ہاں دل کی واردات پرانی، کوئی لکھو

 

[سیما علی]

یہ میری شاعری ان کی ہی اک ادا سمجھو
کہ میری سوچ کے در کھولتے ہیں سناٹے

 

[سیما علی]

اشکوں سے بھیگ بھیگ گئی ان کی چشمِ ناز
ہم عرضِ حال کر کے گناہگار ہوگئے

 

[سیما علی]

بہارِ گُلستاں کی ہے آمد آمد
خُوش پِھرتے ہیں باغباں کیسے کیسے

 

[سیما علی]

پتّا گرے شجر سے تو لرزہ ہمیں ہو کیوں
گرتوں کے ساتھ گرنے کا کھٹکا ہمیں ہو کیوں

 

[سیما علی]

تمام اگلے زمانوں کو یہ اجازت ہے
ہمارے عہدِ گذشتہ سے اِستفادہ کریں

 

[سیما علی]

ٹوٹ کر جو کف مژگاں پہ بکھر جاتا ہے
وہ تعلق تو رگ جاں میں اتر جاتا ہے

خالد علیم

 

[سیما علی]

ثابت ہوا ہے گردنِ مینا پہ خونِ خلق
لرزے ہے موجِ مے تری رفتار دیکھ کر

 

[سیما علی]

جب بہ تقریبِ سفر یار نے محمل باندھا
تپشِ شوق نے ہر ذرّے پہ اک دل باندھا
غالب

 

[سیما علی]

چاندنی شب بھی نہ تھی آج، نہ رُت پُھولوں کی
کیوں چلی ایسی ہوا، یاد تِری آئی بہت

اعجازؔ عبید صاحب

 

[سیما علی]

حبسِ ہجومِ خلق سے گھُٹ کے الگ ہوا تو میں
قطرہ بہ سطحِ بحر تھا، چاٹ گئی ہوا مجھے

 

[سیما علی]

خدا تجھے کسی طوفاں سے آشنا کر دے
کہ تیرے بحر کی موجوں میں اضطراب نہیں

 

[سیما علی]

دن کا اپنا بھی شور تھا، لیکن
شب کی آواز بھی، صدا بھی تھی

 

[سیما علی]

ڈس لیں تو ان کے زہر کا آسان ہے اُتار
یہ سانپ آستین کے پالے ہوئے نہیں

 

[سیما علی]

ذکر کرتے ہیں ترا مجھ سے بعنوانِ جفا
چارہ گر پھول پرو لائے ہیں تلواروں میں

 

[سیما علی]

روش میں گردشِ سیّارگاں سے اچھی ہے
زمین کہیں کی بھی ہو آسماں سے اچھی ہے