اشعار - حروف تہجی کے لحاظ سے

[سیما علی]

طالب کوئی میری نفی کا تھا
اور شرط یہ موت سے کڑی تھی
وہ ایک ہوائے تازہ میں تھا
میں خواب قدیم میں گڑی تھی

 

[شمشاد]

ظہور کشف و کرامات میں پڑا ہوا ہوں
ابھی میں اپنے حجابات میں پڑا ہوا ہوں
انجم سلیمی

 

[سیما علی]

عجیب لوگ ہیں کیا خوب منصفی کی ہے
ہمارے قتل کو کہتے ہیں، خودکشی کی ہے

حفیظ میرٹھی

 

[سیما علی]

غمِ عاشقی سے کہہ دو راہِ عام تک نہ پہنچے
مجھے خوف ہے یہ تہمت میرے نام تک نہ پہنچے
(شکیل بدایونی)

 

[سیما علی]

فکر ہي ٹھہری تو دل کو فکر ِ خوباں کيوں نہ ہو
خاک ہونا ہے تو خاک ِ کوئے جاناں کيوں نہ ہو

جوش ملیح آبادی

 

[شمشاد]

قتل کرنے کی ادا بھی حسیں قاتل بھی حسیں
نہ بھی مرنا ہو تو مر جانے کو جی چاہے ہے
کلیم عاجز

 

[سیما علی]

کروں نہ یاد مگر کس طرح بُھلاؤں اُسے
غزل بہانہ کروں اور گُنگُناؤں اُسے

(احمد فراز)

 

[سیما علی]

گو ہاتھ کو جنبش نہیں آنکھوں میں تو دم ہے
رہنے دو ابھی ساغر و مینا میرے آگے


اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے

 

[سیما علی]

لب پہ حرفِ غزل ، دل میں قندیلِ غم
اپنا غم تھا گواہی ترے حسن کی
دیکھ قائم رہے اس گواہی پہ ہم
ہم جو تاریک راہوں‌میں مارے گئے

 

[سیما علی]

مجھے سمجھاؤ مت محسنؔ کہ اب تو ہو چکی مجھ کو
محبت مشغلہ ہوتا تو تم سے پوچھ کر کرتے

 

[سیما علی]

نہ یہ خدمت،نہ عزت، نہ یہ رفعت اچھی
اس گھڑی بھر کے چمکنے سے تو ظلمت اچھی

علامہ اقبال

 

[سیما علی]

وہی کارواں، وہی راستے، وہی زندگی، وہی مرحلے
مگر اپنے اپنے مقام پر، کبھی تم نہیں کبھی ہم نہیں

 

[سیما علی]

یہ سبھی کیوں ہے یہ کیا ہے مجھے کچھ سوچنے دے
کون انساں کا خدا ہے مجھے کچھ سوچنے دے

 

[لاريب اخلاص]

اتنی بڑی دنیا میں کب سے میں اکیلا ہوں
اے رب کریم اپنے بندوں سے ملا مجھ کو
شجاع خاور

 

[شمشاد]

بات کرنے میں تو جاتی ہے ملاقات کی رات
کیا بری بات ہے رہ جاؤ یہیں رات کی رات
امیر مینائی

 

[سیما علی]

پھیلی ہوئی تھی روح میں یادوں کی چاندنی
کل رات ہم بھی محوِ سفر دیر تک رہے

 

[سیما علی]

تیز قدموں سے چلو اور تصادم سے بچو
بھیڑ میں سست چلو گے تو کچل جاؤ گے

 

[سیما علی]

ٹوٹنا یوں تو مقدر ہے مگر کچھ لمحے
پھول کی طرح میسر ہوں شجر میں رہنا

 

[سیما علی]

ثابت ہوا کہ تیز ہوائیں تھیں شہر کی!!!!!!!!!!!!!
اس شہر کے محل بھی تو بے چھت کے رہ گئے

 

[سیما علی]

جتنے ہمدرد ملے،دوست ملے،یار ملے
سبھی ابھرتے ہوئے سورج کے پرستار ملے


اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ؤ ہ ھ ء ی ے