اشعار کا سلسلہ،حروف ِ تہجی سے

[عمر سیف]

ضبطِ غم، ہاں وہی اشکوں کا تلاطم اکبار
اب تو سوکھا ہوا دریا نہیں دیکھا جاتا

 

[شمشاد]

طبیبِ عشق نے دیکھا مجھے تو فرمایا
ترا مرض ہے فقط آرزو کی بے نیشی
(علامہ)

 

[عمر سیف]

ظلم سے ہم ڈر گئے یہ تم سے کس نے کہہ دیا
ظلم قانونا روا ہو جائے تو ہم کیا کریں

 

[شمشاد]

عشق بھی ہو حجاب میں، حسن بھی ہو حجاب میں
یا تو خود آشکار ہو یا مجھے آشکار کر
(علامہ)

 

[عمر سیف]

غمگساروں کا سہارا کب تک
خود پہ بھی کرکے بھروسہ دیکھو

 

[شمشاد]

فارغ تو نہ بیٹھے گا محشر میں جنوں میرا
یا اپنا گریباں چاک، یا دامنِ یزداں چاک
(علامہ)

 

[عمر سیف]

قیس صاحب کا تو اس غم میں عجب حال ہوا
اپنے رستے میں نہ پڑتا ہوں بیاباں کوئی

 

[شمشاد]

کسے خبر کہ سفینے ڈبو چکی کتنے
فقیہہ و صوفی و شاعر کی ناخوش اندیشی
(علامہ)

 

[عمر سیف]

گلی کوچوں میں ہنگامہ بپا کرنا پڑے گا
جو دل میں ہے اب اُس کا تذکرہ کرنا پڑے گا
نتیجہ کربلا سے مُختلف ہو یا وہی ہو
مدینہ چھوڑنے کا فیصلہ کرنا پڑے گا

افتخار عارف

 

[شمشاد]

لب پہ آتی ہے دعا بن کے تمنا میری
زندگی شمع کی صورت ہو خدایا میری
(علامہ)

 

[عمر سیف]

مرتا بھی جو اس پر تو اُسے مار کے رکھتا
غالب کا چلن عشق کی تقصیر میں ہوتا

 

[شمشاد]

نگاہِ گرم کہ شیروں کے جس سے ہوش اُڑ جائیں
نہ آہ سرد کہ ہے گو سفندی و میشی
(علامہ)

 

[نوید صادق]

وفا کی بات الگ پر جسے جسے چاہا
کسی میں حسن کسی میں ادا زیادہ تھی

شاعر: احمد فراز

 

[عمر سیف]

يا تو آج ہميں اپنالے يا تو آج ہمارا بن
ديکھ کہ وقت گزرتا جائے، کون ابد تک جيتا ہے

 

[نوید صادق]

ارے!!!
وہ “ ہ““ کیا ہوا؟؟؟؟؟

 

[عمر سیف]

ہم بھول سکے ہیں نہ تجھے بھول سکیں گے
تو یاد رہے گا ہمیں، ہاں یاد رہے گا

لیں جی ہ سے لکھ دیا۔

اب الف سے شروع کر لیں۔

 

[نوید صادق]

آسماں کی ذرا سی گردش میں
کوئی ہلکان اور کوئی ہلاک

شاعر: یگانہ

 

[عمر سیف]

بھول جانے کا ارادہ بھی ارادہ ہی رہا
جان پر بن ہی تو جاتی جو ہم ایسا کرتے

 

[نوید صادق]

پاس آ کر ہونے والا ہی نہیں تھا سر بسر
دور سے جو جھلملاتا تھا ، ستارہ کام کا تھا

شاعر: ظفر اقبال

 

[عمر سیف]

تم نے پھولوں سے بھی اب چھین لیا ان کا مقام
خاک پر یہ نہیں، بالوں میں بھلے لگتے ہیں