اشعار کا سلسلہ،حروف ِ تہجی سے

[عمر سیف]

زباں پہ حرفِ شکایت نہ آہ سینے میں
محبتوں کو نبھایا بڑے قرینے سے

 

[نوید صادق]

سیلابِ ہوس امڈ رہا ہے
اک تشنہ نظر نہ مل سکے گی

شاعر: اطہر نفیس

 

[عمر سیف]

شام ہونے کو ہے اور آنکھ میں اک خواب نہیں
کوئی اس گھر میں نہیں روشنی کرنے والا

 

[نوید صادق]

صبح میں شام کے آثار بھی ہیں
حادثے کچھ پسِ دیوار بھی ہیں

شاعر: باقی صدیقی

 

[عمر سیف]

ضبط کرتا ہوں تو چُبھتی ہیں قفس کی تیلیاں
قید بڑھتی ہے تو کہتا ہوں رہائی کے لیے

 

[نوید صادق]

طلوعِ نغمہ سہی نغمہ ور کے مدِ نظر
جنونِ زخمہ فقط تار کی تلاش میں ہے

شاعر: محب عارفی

 

[عمر سیف]

ظالم یہ خموشی بےجا ہے، اقرار نہیں، انکار تو ہے
اک آہ نکلے توڑ کے دل، نغمے نہ سہی جھنکار تو ہے

 

[نوید صادق]

عشق تو میرا برا تھا بھلا، اپنی جگہ
تم بتاو، تم نے آخر کیا کیا اپنی جگہ

شاعر: ذکاء صدیقی

 

[عمر سیف]

غیر کا ذکر ہی کیا، مفت میں الزام نہ دو
دُنیا میں بات بھی نہ کریں کیا کسی سے ہم

 

[نوید صادق]

فقرہ ہائے ناصوابِ رفتگاں کے ساتھ ساتھ
بابِ زنداں پر رقم حرفِ دعا میرا بھی ہے

شاعر: محشر بدایونی

 

[عمر سیف]

قصور ہو تو ہمارے حساب میں لکھ جائے
محبتوں میں جو احسان ہو تمھارا ہو

 

[نوید صادق]

کہیں کہیں تو یونہی ذائقہ بدلنے کو
میں داستاں میں ترا ذکر چھیڑ دیتا ہوں

شاعر: نوید صادق

 

[عمر سیف]

نوید بہت خوب۔

گھنے درخت کا سایہ تلاش کرتے ہیں
یہ بھول جاتے ہیں شاخوں سے کیا کیا ہم نے

 

[نوید صادق]

لاکھ مسمار کئے جائیں زمانے والے
آ ہی جاتے ہیں نیا شہر بسانے والے

شاعر: سلیم کوثر

 

[عمر سیف]

مخلص ہوں میں دشمن پہ بھی کرتا ہو بھروسہ
تا عمر مجھے جینے کے آداب نہ آئے

 

[نوید صادق]

نوید ایک ہمیں تو نہیں ہیں دیوانے
تمام شہر ہوا ہے فدائے خالِ دوست!

شاعر: نوید صادق

 

[عمر سیف]

وقت کے پاس ہیں کچھ تصویریں
کوئی ڈوبا ہے کہ ابھرا دیکھو!

 

[نوید صادق]

ہر ایک جھوٹ کی بنیاد سچ پہ ہوتی ہے
ترا جواب غلط تھا، مرا سوال غلط

شاعر: نوید صادق

 

[عمر سیف]

یہ کہہ کر اس نے شجر کو تنے سے کاٹ دیا
کہ اس درخت میں کچھ ٹہنیاں پُرانی ہیں

 

[نوید صادق]

آج نوید اور اس کے الٹے سیدھے خواب
ایک دلاسہ، ایک ٹھکانا چاہتے ہیں

شاعر: نوید صادق

اور اس کے ساتھ ہی اللہ حافظ ۔ صبح نوکری بھی کرنی ہے۔