اشعار کا سلسلہ،حروف ِ تہجی سے

[عیشل]

عشرت قطرہ ہے دریا میں فنا ہو جانا
درد کا حد سے گذرنا ہے دوا ہو جانا

 

[شمشاد]

غم کی بارش نے بھی تیرے نقش کو دھویا نہیں
تُو نے مجھکو کھو دیا میں نے تجھے کھویا نہیں
(منیر نیازی)

 

[برادر]

فیضان یہ دنیا تو ہے بازار کی صورت
ہے کسے خبر کل کس کو نیلام کیاجائے

(فیضان عارف)​

 

[شمشاد]

قدم انساں کا راہِ دہر میں تھرا ہی جاتا ہے
چلے کتنا ہی کوئی بچ کے ٹھوکر کھا ہی جاتا ہے
(جوش ملیح آبادی)

 

[عمر سیف]

اس دھاگے کو میں نے سب سے زیادہ مِس کیا۔

کوئی لیتا ہے تیرا نام تو رُک جاتا ہوں
اب تیرا ذکر بھی صدیوں کا سفر لگتا ہے

 

[شمشاد]

اور ہم نے آپ کو بہت مِس کیا

گاؤں مٹ جائے گا شہر جل جائے گا
زندگی تیرا چہرہ بدل جائے گا
(بشیر بدر)

 

[عمر سیف]

مہربانی

لائی ہے اس مقام پہ آوارگی مجھے
جس کی‌صدا تلاش تھی، بیٹھا ہے سامنے

 

[شمشاد]

میں چاہتا بھی یہی تھا وہ بے وفا نکلے
اسے سمجھنے کا کوئی تو سلسلہ نکلے
(وسیم بریلوی)

 

[عمر سیف]

نہیں یہ زندگی اک دو قدم کی
پڑا ہے راہ میں صحرا کا صحرا

 

[سارہ خان]

وہ دل جو خاک ہوئے آج تک دھڑکتے ہیں
رہ وفا ،تیری معجز رقم کو پہچانے
(ادا جعفری)

 

[عمر سیف]

ہیں تری آنکھوں میں کچھ عہدِ بہاراں کے نشان
ورنہ دُنیا کی ہر اک چیز خزاں دیدہ لگے

 

[سارہ خان]

یہ اندھیرے بھی ہمارے لئے آئینہ ہیں
روبرو کرتے ہیں کردار کے کتنے پہلو ۔۔

اب ا

 

[عمر سیف]

اب دوبارہ الف سے ۔۔

اب کے وہ درد دے کہ میں روؤں تمام عمر
اب کے لگا وہ زخم کہ جینا محال ہو

 

[امیداورمحبت]

بھلاتا لاکھ ہوں لیکن وہ اکثر یاد آتے ہیں
الہی ترک الفت پر وہ کیوں کر یادآتے ہیں ؟

(حسرت)

 

[شمشاد]

پہلے مزاجِ رہگذر جان جائیے
پھر گردِ راہ جو بھی کہے مان جائیے
(قتیل شفائی)

 

[عمر سیف]

تمھاری یاد کے جب زخم بھرنے لگتے ہیں
کسی بہانے تمھیں یاد کرنے لگتے ہیں

 

[شمشاد]

ٹکرا ہی گئی میری نظر ان کی نظر سے
دھونا ہی پڑا ہاتھ مجھے قلب و جگر سے
(فیاض ہاشمی)

 

[عمر سیف]

ث سے معذرت

جب دوریوں کی آگ دلوں کو جلائے گی
جسموں کو چاندنی میں بھگویا کریں گے ہم

 

[شمشاد]

لگتا ہے ضبط بھائی آجکل آڈیو غزلوں پر زور ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چاند تنہا ہے آسمان تنہا
دل ملا ہے کہاں کہاں تنہا
(مینا کماری)

 

[عمر سیف]

نہیں شمشاد ایسی بات نہیں۔

حال کھل جائے گا بےتابیِ دل کا حسرت
بار بار آپ انہیں شوق سے دیکھا نہ کریں