اشعار کا سلسلہ،حروف ِ تہجی سے

[شمشاد]

خاطر سے یا لحاظ سے میں مان تو گیا
جھوٹی قسم سے آپ کا ایمان تو گیا
(داغ دہلوی)

 

[امیداورمحبت]

در بدر نا صیہ فرمائی سے کیا ہوتا ہے
وہی ہوتا ہے جو قسمت کا لکھا ہوتا ہے

(مومن)

 

[شمشاد]

ڈر کے کسی سے چھپ جاتا ہے جیسے سانپ خزانے میں
زر کے زور سے زندہ ہیں سب خاک کے اس ویرانے میں
(مینر نیازی)

 

[عمر سیف]

راہ میں بھیڑ بھی پڑتی ہے ابھی سے سُن لو
ہاتھ سے ہاتھ ملا ہے تو ملائے رکھنا

 

[عمر سیف]

اوہو۔ ذ کو بھول ہی گیا وہ بھی لکھ دیتا ہوں

ذکر آئے گا جہاں بھنوروں کا
بات ہوگی میرے ہرجائی کی

 

[شمشاد]

زندگی بھر نہیں بھولے گی وہ برسات کی رات
اک انجان حسینہ سے ملاقات کی رات

 

[الف عین]

یہ تو فلمی گیت ہو گیا شمشاد!!
سوچا تھا کسی شام سہانی کو ملیں گے
اور شام ہمیں کوئی سہانی نہیں ملتی

 

[شمشاد]

شام ہو جام ہو صبو بھی
تجھ کو پانے کی جستجو بھی ہو
(ضمیر کاظمی)

 

[عمر سیف]

صبا نے فاش کیا راز بوئے گیسوئےِ یار
یہ جرم اہلِ تمنا کے سر نہیں آیا

 

[سارہ خان]

صدیوں سے سفر میں ہے سمندر
ساحل پہ تھکن ٹپک رہا ہے ۔۔۔
پروین شاکر

 

[عمر سیف]

ض سے لکھنا تھا۔

 

[سارہ خان]

آپ کی پوسٹ پہلے چلی گئی ہوگی ۔۔

ضمیر عالم انسانیت خبر ہے تجھے
شرار و شعلہ کی زد میں ہے وادی کشمیر
نوشی گیلانی

 

[عمر سیف]

طوفانِ الم کیوں مجھے ساحل پہ اتارا
میں شورِ طلاطم سے ہراساں تو نہیں تھا

 

[شمشاد]

ظلم رہے اور امن بھی ہو
کیا ممکن ہے تم ہی کہو

 

[سارہ خان]

ّعدم اب دوستوں کی بے رخی کی ہے یہ کیفیت
کھٹکتی تو نہیں اتنی ، مگر محسوس ہوتی ہے
عبدالحمید عدم

 

[شمشاد]

غم کا وہ زور اب میرے اندر نہیں رہا
اس عمر میں میں اتنا ثمروار نہیں رہا
(منیر نیازی)

 

[عمر سیف]

فرض برسوں کی عبادت کا ادا ہو جیسے
بت کو یوں پوج رہے ہیں کہ خدا ہو جیسے

 

[شمشاد]

قدم اسی موڑ پر جمے ہیں
نظر سمیٹے ہوئے کھڑا ہوں
جنوں یہ مجبور کر رہا ہے پلٹ کر دیکھوں
خودی یہ کہتی ہے مڑ مڑ جا
(گلزار)

 

[عمر سیف]

کرتا رہا جو روز مجھے اس سے بدگمان
وہ شخص بھی اب اس کا تمنائی بن گیا

 

[شمشاد]

گھر چھوڑ کے بھی زندگی حیرانیوں میں ہے
شہروں کا شور دشت کی ویرانیوں میں ہے
(ممتاز راشد)