اشعار کا سلسلہ،حروف ِ تہجی سے

[سارہ خان]

کیا مقدر سے شکوہ کرتے رہیں
جو قسمت میں تھا وہ ہی کچھ تو پایا

 

[عمر سیف]

گر پھول نہیں دیتے تو کاٹتے بھی تو مت دو
مُسکان نہ دینی ہو تو آہیں نہیں دیتے

 

[شمشاد]

لبِ خاموش سے اظہارِ تمنا چاہے
بات کرنے کو بھی تصویر کا لہجہ چاہے
(مظفر وارثی)

 

[سارہ خان]

مشغلہ خُوب ملا ہے میری تنہائی کو
!ہاتھ سے ناپتا ہوں ذخم کی گہرائی کو

 

[عمر سیف]

نہ ملے زہر تو اپنا ہی لہو پیتے ہیں
جام خالی نہیں رہتے کبھی سقراطوں کے

 

[شمشاد]

وہ دل نصیب ہوا جس کو داغ بھی نہ ملا
ملا تو غم کدہ جس میں چراغ بھی نہ ملا
(جلال لکھنوی)

 

[عمر سیف]

ہر اک بچھڑ کے خوش تھا چلو جان بچ گئی
یہ اپنے عہد، اپنی وفا کا زوال تھا

 

[شمشاد]

یاد اتنا ہے کہ پہنچا درِ میخانے تک
کیا کہوں آگے کی آگے کا مجھے ہوش نہیں

 

[عمر سیف]

اب دوبارہ الف سے ۔۔۔


آپ کو دیکھ کر دیکھتا رہ گیا
کیا کہوں اور کہنے کو کیا رہ گیا

 

[شمشاد]

بس اک نگاہِ کرم ہے کافی اگر انہیں پس و پیش نہیں ہے
زہے تمنا کہ میری فطرت اسیرِ حرص و ہوس نہیں ہے
(شکیل بدایونی)

 

[عیشل]

پیار جنہیں ہو جائے ان کو چین بھلا کب مل پاتا ہے
شب بھر اشک بہانے والے کچھ کچھ پاگل ہوتے ہیں
اسکے عشق میں بھیگ کے واثق ہم کو یہ احساس ہوا
دل کی بات میں آنے والے کچھ کچھ پاگل ہوتے ہیں

 

[شمشاد]

تُو اگر برا نہ مانے تو جہانِ رنگ و بُو میں
میں سکونِ دل کی خاطر کوئی ڈھونڈ لوں سہارا

 

[عمر سیف]

ٹوٹے ہوئے مکاں ہیں مگر چاند سے مکیں
اس شہرِ آرزو میں اک ایسی گلی بھی ہے

 

[شمشاد]

ث سے معذرت

جہانِ عشق میں سوہنی کہیں دکھائی دے
ہم اپنی آنکھ میں کتنے چناب رکھتے ہیں
(حسرت جےپوری)

 

[عمر سیف]

چھوٹ جاتی ہے پھول سے خوشبو
روٹھ جاتے ہیں یار چُپ ہو جا

 

[شمشاد]

حیرتوں کے سلسلے سوزِ نہاں تک آ گئے
ہم نظر تک چاہتے تھے تم تو جان تک آ گئے
(قابل اجمیری)

 

[عمر سیف]

خود کو یوں محصور کر بیٹھا ہوں اپنی ذات میں
منزلیں چاروں طرف ہیں راستہ کوئی نہیں

 

[عیشل]

دل کو آباد کیوں نہیں کرتا
وہ مجھے یاد کیوں نہیں کرتا
مجھ کو اپنا بنا نہیں سکتا
پھر وہ آزاد کیوں نہیں کرتا

 

[شمشاد]

ڈر لگے آنے میں تم کو شکر ہے پھر بھی آئے تو
آس نے دل کو ساتھ نہ چھوڑا ویسے ہم گھبرائے تو
(عندلیب شادانی)

 

[الف عین]

ذوق کہتے ہیں دکن ہی کو چلیں
کوئی دلی میں کہاں ہے اپنا
ما بدولت، ذوق استاد نہیں