اشعار کا سلسلہ،حروف ِ تہجی سے

[عمر سیف]

ہو غرض کوئی اگر پیشِ نظر
اہتمام دوستی کرتے ہیں لوگ

 

[شمشاد]

یہ ٹھیک ہے نہیں مرتا کوئی جدائی میں
خدا کسی سے کسی کو مگر جدا نہ کرئے
(قتیل شفائی)

 

[عمر سیف]

دوبارہ الف سے

اب تیری ضرورت بھی بہت کم ہے میری جاں
اب شوق کا کچھ اور ہی عالم ہے میری جاں

 

[شمشاد]

باقی نہ رہی ساکھ ‘ ادا ‘ دشتِ جنوں کی
دل میں اگر اندیشہء انجام ہی آئے
(ادا بدایونی)

 

[عمر سیف]

پاؤں پھیلائے تو دیکھی نہ چادر ہم نے
تجھ کو چاہا تو پھر اوقات سے بڑھ کر چاہا

 

[شمشاد]

تمام رات وہ زخما کے اپنی پوروں کو
میرے وجود کے ریزے تلاش کرتی تھی
(وصی)

 

[عمر سیف]

ٹوٹ جائیں نہ کہیں پیار کے نازک رشتے
وقت ظالم ہے ہر اک موڑ پہ ٹکڑائے گا

 

[شمشاد]

جب میری حقیقت جا جا کر ان کو سنائی لوگوں نے
کچھ سچ بھی کہا کچھ جھوٹ کہا کچھ بات بنائی لوگوں نے
(ابراہیم اشک)

 

[عمر سیف]

چاند کی آنکھیں، پھول کی خوشبو، بہتی رات
قربت کا ہر ایک وسیلہ تیرے نام

 

[شمشاد]

حیرت سے تک رہا ہے جہاںِ وفا مجھے
تم نے بنا دیا ہے محبت میں کیا مجھے
(ساغر نظامی)

 

[عمر سیف]

خیر سے اب اہلِ ستم کو دیوانوں سے کام پڑا ہے
دیکھیں کتنی زنجیریں ہیں دیکھیں کتنے زنداں ہیں

 

[شمشاد]

درد جب تیری عطا ہے تو گلہ کس سے کریں
ہجر جب تو نے دیا ہے تو گلہ کس سے کریں

 

[الف عین]

ڈال سے ٹوٹ کے بکھرے ہوئے پتوں سے کہو
دل شکستہ نہ بنو، پھر سے بہار آئے گی

 

[شمشاد]

ذہنوں میں خیال جل رہے ہیں
سوچوں کے الاؤ جل رہے ہیں
(احمد ندیم قاسمی)

 

[عمر سیف]

رات بھر خوف سے چٹخے تھے سحر کی خاطر
صبح دم خود کو بکھرتے ہوئے در پر دیکھا

 

[شمشاد]

زمانے میں وہ کون تھا زہرہ وش
کہ سینے سے جس نے لگایا نہ تھا
(اختر شیرانی)

 

[سارہ خان]

ستارہ اپنا گردش میں ہے آتش اس کی گردش سے
فلک کی تنگ چشمی سے ہماری تنگ دستی ہے
(حیدر علی آتش)

 

[شمشاد]

شب اترتی ہے تو یادیں بھی اتر آتی ہیں
جس طرح چڑیاں کہیں دور سے گھر آتی ہیں

 

[سارہ خان]

صحرا کی طرح رہتے ہوئے تھک گئی آنکھیں
دکھ کہتا ہے اب میں کوئی دریا بھی تو دیکھوں !
(پروین شاکر)

 

[شمشاد]

ضدی، وحشی، الہڑ، چنچل، میٹھے لوگ، رسیلے لوگ
ہونٹ ان کے غزل کے مصرعے، آنکھوں میں افسانے تھے