اشعار کا سلسلہ،حروف ِ تہجی سے

[سارہ خان]

چمن میں صبح یہ کہتی تھی ہو کر چشم تر شبنم
بہار باغ گو یونہی رہی لیکن کدھر شبنم
(میر درد دہلوی)

 

[شمشاد]

حادثے کیا کیا تمہاری بے رخی سے ہو گئے
ساری دنیا کے لیے ہم اجنبی ہو گئے
(ساغر نظامی)

 

[عمر سیف]

خود کو پایا نہ تجھ کو ڈھنونڈ سے
زندگی اپنی رائیگاں گزری

 

[شمشاد]

خود کو پایا نہ تجھ کو ڈھنونڈ سے

“ خود کا پایا نہ تجھ کو ڈھونڈ سکے “ ہو گا

 

[شمشاد]

دنیا کی گرفت میں ہیں سائے
ہم اپنا وجود ڈھونڈتے ہیں
(احمد ندیم قاسمی)

 

[عمر سیف]

ڈوبا ہوا ہے دل میں خوابوب کی جھیل میں
آنکھوں میں خواہشوں کی تھکن کا خمار ہے

 

[شمشاد]

ذہنوں میں خیال جل رہے ہیں
سوچوں کے الاؤ جل رہے ہیں
(احمد ندیم قاسمی)

 

[عمر سیف]

راہ چلتے ہوئے اکثر یہ گماں ہوتا ہے
وہ نظر چھپ کے مجھے دیکھ رہی ہو جیسے

 

[شمشاد]

زناخی نوج کسی کو میں آج کل دل دے دوں
موئے نفاختی دو دن کو چاہ کرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نفاختی نفع وقتی کا بگڑا ہوا لفظ ہے، عورتیں اسے ابن الوقت کے معنوں میں بولتی ہیں

 

[عمر سیف]

سمجھا ہے کون وقت کی رفتار کا مزاج
لمحوں میں کٹ گئیں کئی صدیاں شباب کی

 

[الف عین]

شام سے کچھ بجھا سا رہتا ہے
دل ہوا ہے چراغ مفلس کا
میر

 

[شمشاد]

سبو کو دور میں لاؤ بہار کے دن ہیں
ہمیں شراب پلاؤ بہار کے دن ہیں
(عبدالحمید عدم)

 

[عمر سیف]

ضبط ِ غم آساں نہیں ہے عالی
آگ ہوتے ہیں وہ آنسو جو پیئے جاتے ہیں

 

[عیشل]

طبیعت جب اپنی گھبراتی ہے سنسان راتوں میں
ہم ایسے میں تری یادوں کی چادر تان لیتے ہیں

 

[شمشاد]

ظلمتِ شب میں اجالوں کی تمنا نہ کرو
خواب دیکھا ہے تو اب خواب کو رسوا نہ کرو
(کامران نجمی)

 

[الف عین]

صبو کو دور میں لاؤ بہار کے دن ہیں
ہمیں شراب پلاؤ بہار کے دن ہیں
(عبدالحمید عدم)

یار شمشاد سبو س سے ہوتا ہے، تم نے ص سے شعر بنا دیا!!
عشق میں مانع ہے غالب کی طرفداری مجھے
رعب جب چلتا نہیں تو پاؤں پڑ جاتا ہوں میں

 

[شمشاد]

تصحیح کا شکریہ اعجاز بھائی اور وہاں بھی تصحیح کر دیتا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غمِ عاشقی سے کہہ دو راہِ عام تک نہ پہنچے
مجھے خوف ہے یہ تہمت میرے نام تک نہ پہنچے
(شکیل بدایونی)

 

[نوید صادق]

فرصت ملے تو اس کو ہر اک زاوئے سے پڑھ
وہ صرف ایک جسم نہیں، اک کتاب ہے

شاعر: سید آلِ احمد

 

[شمشاد]

شکر ہے نوید بھائی آپ ادھر آئے تو۔

ویسے آج تو آپ نے کمال ہی کر دیا شاعری پوسٹ کرتے کرتے۔ میں تو اتنی پڑھ بھی نہیں سکتا جتنی آپ نے پوسٹ کر دی۔

 

[شمشاد]

قصے تیری نظر نے سنائے نہ پھر کبھی
ہم نے بھی دل کے داغ دکھائے نہ پھر کبھی
(ناصر کاظمی)