اشعار کا سلسلہ،حروف ِ تہجی سے

[شمشاد]

رشتہ تھا تبھی تو کسی بیدرد نے توڑا
اپنا تھا تبھی تو کوئی بیگانہ ہوا ہے

 

[عمر سیف]

زمیں سفر میں ہے اپنی جگہ ہے کون یہاں
سہارا مانگنا کیا، بے اساس لوگوں سے

 

[شمشاد]

سر کاٹتے تھے کبھی شہشناہ
اب لوگ زبان کاٹتے ہیں
(احمد ندیم قاسمی)

 

[الف عین]

شامِ فراق اب نہ پوچھ آئ اور آ کے ڈھل گئ
دل تھا کہ پھر بہل گیا، جاں تھی کہ پھر سنبھل گئ

 

[شمشاد]

صاف چھپتے بھی نہیں سامنے آتے بھی نہیں
خوب پردہ ہے چلمن سے لگے بیٹھے ہیں

 

[عمر سیف]

ضبط اتنا بھی نہ کر احساس مرجھا جائے گا
سُرخ گالوں کا چمکتا رنگ زردا جائے گا

 

[شمشاد]

طبیعت ان دنوں بیگانہِ غم ہوتی جاتی ہے
میرے حصے کی گویا ہر خوشی کم ہوتی جاتی ہے
(جگر مراد آبادی)

 

[عمر سیف]

ظرف ایذا طلبی ہم بھی پرکھ لیں اے گوہر
اس سے اک روز نہ ملنے کا ارادہ تو ہو

 

[شمشاد]

عقائد وہم ہے مذہب خیالِ خام ہے ساقی
ازل سے ذہنِ انساں بستےِ اوہام ہے ساقی
(ساحر لدھیانوی)

 

[عمر سیف]

غم کی تشریح بہت مشکل ہے
اپنی تصویر دِکھا دی ہم نے

 

[شمشاد]

‘فراز‘ ایسے بھی لمحے کبھی کبھی آئے
کہ دل گرفتہ رہا دلربا کے ہوتے ہوئے
(احمد فراز)

 

[الف عین]

قدم زمیں پہ نہ تھے راہ ہم بدلتے کیا
ہوا بندھی تھی یہاں پیٹھ پر۔۔ سنبھلتے کیا
بانی

 

[عمر سیف]

کیوں کہتے ہو قیس اکیلا تھا جب قریہِ ناپرساں سے گیا
ساتھ اس کے، روائےِ لیلٰی کی خوشبو بھی اور ہوا بھی گئی

 

[شمشاد]

گر مرض ہو دوا کرئے کوئی
مرنے والے کا کیا کرئے کوئی
(داغ دہلوی)

 

[عمر سیف]

لمحہ، لمحہ وقت کی جھیل میں ڈوب گیا
اب پانی میں اُتریں بھی تو کیا پائیں

 

[شمشاد]

مہمان بن کے آئے کسی روز اگر وہ شخص
اس روز بن سجائے میرا گھر سجا لگے
(قتیل شفائی)

 

[عمر سیف]

نہ جانے کون سے چشمے ہیں ماورائےِ بدن
کہ پا چکا ہوں جسے، مجھ کو اس کی پیاس بھی ہے

 

[شمشاد]

وہ مستِ ناز جو گلشن میں جا نکلتی ہے
کلی کلی کی زباں سے دعا نکلتی ہے
(علامہ)

 

[الف عین]

ہر ایک بات پہ کہتے ہو تم کہ تو کیا ہے
تمھیں کہو کہ یہ اندازِ گفتگو کیا ہے

 

[شمشاد]

یہ سحر جو کبھی فردا ہے کبھی ہے امروز
نہیں معلوم کہ ہوتی ہے کہاں سے پیدا