اشعار کا سلسلہ،حروف ِ تہجی سے

[عمر سیف]

کھینچ لیں خود ہی لکیریں ہم نے اپنے ہاتھ پر
کس کو فرصت تھی کہ ہاتھوں کا مقدر دیکھتے

 

[شمشاد]

گردشِ دوراں، زمانے کی نظر، آنکھوں کی نیند
کتنے دشمن اک رسمِ دوستی سے ہو گئے
(ساغر نظامی)

 

[عمر سیف]

لے گیا ساتھ اڑا کر باقی
ایک سوکھا ہوا پتا ہم کو

 

[شمشاد]

میں تو اخلاق کے ہاتھوں ہی بکا کرتا ہوں
اور ہوں گے تیرے بازار میں بکنے والے
(سعید راہی)

 

[عمر سیف]

نہیں میرے لیے کیا اور کوئی
اسی کا راستہ کیوں دیکھتا ہوں

 

[شمشاد]

وہ نوائے مضمہل کیا نہ ہو جس میں دل کی دھڑکن
وہ صدائے اہل دل کیا جو عوام تک نہ پہنچے
(شکیل بدایونی)

 

[علمدار]

ہم چھین لیں گے تم سے یہ شانِ بے نیاز
تم مانگتے پھرو گے اپنا غرور ہم سے

 

[شمشاد]

یہ حقیقت ہے کہ احباب کو ہم
یاد ہی کب تھی کہ اب یاد نہیں
(ناصر کاظمی)

 

[سارہ خان]

اٹھے ہیں اس کی طرف کس لیئے یہ ہاتھ میرے
کوئی تو ربط میرا آسمان سے ہو گا

 

[نوید صادق]

بالغ نظری وقت سے پہلے نہیں آتی
انساں کی ابھی عمر ہی کیا ہے دو جہاں میں

شاعر: انور شعور

 

[سارہ خان]

پھر یُوں ہوا کہ ساون، آنکھوں میں آ بسے تھے
پھر یوں ہوا کہ جیسے، دل بھی تھا آبلہ سا

 

[شمشاد]

تاروں سے سجا لیں گے راہِ شہرِ تمنا
مقدور نہیں صبح چلو شام ہی آئے
(ادا بدایونی)

 

[سارہ خان]

ٹوٹتی کلیوں کے ماتم میں ہَوا روتی رہی
پُھول کے چہرے پہ لکھی ہے کہانی رات کی

(امجد اسلام امجد)

 

[شمشاد]

جب حقیقت ہے کہ ہر ذرہ میں تُو رہتا ہے
پھر زمین پر کہیں مسجد کہیں مندر کیوں ہے
(سدرشن فاخر)

 

[عمر سیف]

چلی ہے شہر میں اب کے ہوا ترکِ تعلق کی
کہیں ہم سے نہ ہو جائے خطا ترکِ تعلق کی

 

[عیشل]

حرف حرف رٹ کر بھی آگہی نہیں ملتی
آگ نام رکھنے سے روشنی نہیں ملتی

 

[عمر سیف]

خود کو سنتے ہیں اس طرح جیسے
وقت کی آخری صدا ہیں ہم

 

[عیشل]

درخت ِ جاں پہ عذاب رت تھی نہ برگ جاگے نہ پھول آئے
بہار وادی سے جتنے پنچھی اِدھر کو آئے ملول آئے
وہ ساری خوشیاں جو اس نے چاہیں اُٹھا کے جھولی میں اپنی رکھ لیں
ہمارے حصّے میں عذر آئے،جواز آئے،اُصول آئے

 

[عمر سیف]

ڈھیر ہوجائے گا سورج ایک دن جل جل کے آپ
چاند پتوں کی طرح آخر کو مرجھا جائے گا

 

[عیشل]

ذکرِ شب ِ فراق سے وحشت اسے بھی تھی
میری طرح کسی سے محبت اسے بھی تھی
مجھ کو بھی شوق تھا نئے چہروں کی دید کا
رستہ بدل کے چلنے کی عادت اسے بھی تھی