اشعار کا سلسلہ،حروف ِ تہجی سے

[شمشاد]

خاموشی کہہ رہی ہے کان میں کیا
آ رہا ہے میرے گمان میں کیا
(جون ایلیا)

 

[الف عین]

دلِ ناداں تجھے ہوا کیا ہے
آخر اس درد کی دوا کیا ہے
اسد اللہ خاں غالب

 

[عمر سیف]

ڈھانپے جو نفرتوں کے برہنہ وجود کو
ایسی بھی کوئی پیار کی چادر تلاش کر

 

[شمشاد]

ذکر جہلم کا ہے ، بات ہے دینے کی
چاند پکھراج کا ، رات پشمینے کی
(گلزار)

 

[عمر سیف]

روز وہ عہدِ وفا کرتے ہیں
روز وعدے سے مُکر جاتے ہیں

 

[شمشاد]

زندگی یوں ہوئی بسر تنہا
قافلہ ساتھ اور سفر تنہا
(گلزار)

 

[الف عین]

سکوں محال ہے دنیا کے کارخانے میں
بس اک ثبات تغیر کو ہے زمانے میں

 

[شمشاد]

شہر کو کچُھ اور عنواں دے دیے
میری نعزش اور ترے انداز نے
(نوشی گیلانی)

 

[عمر سیف]

صبح دم اپنی اپنی راہ لگے
شمع کے جان نثار پروانے

 

[شمشاد]

ضبط تھا جب تئیں چاہت نہ ہوئی تھی ظاہر
اشک نے بہہ کر میرے چہرے پہ طوفان کیا

 

[الف عین]

طوئے کے اشعار ختم ہو گئے کیا؟ یہاں خاموشی ہے کل سے۔ افسوس کہ مجھے بھی ط سے شعر یاد نہیں آ رہا۔
شمشاد اور ضبط، لاؤ بھئ۔

 

[عمر سیف]

لیں جی۔

طاری ہے تمناؤں پہ سکرات کا عالم
ہر سانس رفاقت کی تمنائی تو اب ہے

 

[شمشاد]

ظلمت کدے میں میرے شبِ غم کا جوش ہے
اک شمع ہے دلیلِ سحر سو خاموش ہے
(غالب)

 

[عمر سیف]

عجیب سوچ ہے اس شہر کے مکینوں کی
مکاں نئے ہیں مگر کھڑکیاں پرانی ہیں

 

[شمشاد]

غمِ عاشقی سے کہہ دو راہِ عام تک نہ پہنچے
مجھے خوف ہے یہ تہمت میرے نام تک نہ پہنچے
(شکیل بدایونی)

 

[عمر سیف]

فقیرانہ آئے صدا کر چلے
صدا خوش رہو ہم دعا کر چلے

 

[شمشاد]

ضبط دوسرے مصرعے میں “ میاں خوش رہو۔۔۔۔“ ہے نہ کہ “ صدا خوش رہو ۔۔۔۔

 

[شمشاد]

قدم انساں کا راہِ دہر میں تھرا ہی جاتا ہے
چلے کتنا ہی کوئی سنمبھل کے ٹھوکر کھا ہی جاتا ہے
(جوش ملیح آبادی)

 

[عمر سیف]

ضبط دوسرے مصرعے میں “ میاں خوش رہو۔۔۔۔“ ہے نہ کہ “ صدا خوش رہو ۔۔۔۔

میں نے صدا خوش رہو پڑھا ویسے ہی پوسٹ کر دیا۔ کوئی اور ممبر بھی تصدیق کر دے۔

 

[عمر سیف]

کون سمجھے کہ بےغرض جذبے
کتنے اوچھے ہیں اپنی فطرت میں