اشعار کا سلسلہ،حروف ِ تہجی سے

[شمشاد]

ضبط دوسرے مصرعے میں “ میاں خوش رہو۔۔۔۔“ ہے نہ کہ “ صدا خوش رہو ۔۔۔۔

میں نے صدا خوش رہو پڑھا ویسے ہی پوسٹ کر دیا۔ کوئی اور ممبر بھی تصدیق کر دے۔

جب بھی موقع ملے اپنے چاچو سے پوچھ لیجیئے گا۔

 

[شمشاد]

گھر کو بنانے والا تو کوئی مٹی میں سو گیا
حصّے جو بٹ گئے تو کوئی یاد آگیا
(فاخرہ بتول)

 

[الف عین]

لو آج ہم نے توڑ دیا رشتۂ امید
لو اب کبھی گلہ نہ کریں گے کسی سے ہم
ساحر

 

[شمشاد]

میں نظر سے پی رہا تھا تو یہ دل نے بد دعا دی
تیرا ہاتھ زندگی بھر کبھی جام تک نہ پہنچے
(شکیل بدایونی)

 

[عمر سیف]

نہ سہہ سکوں گا غمِ ذات کو اکیلا میں
کہاں تک اور کسی پر کروں بھروسہ میں

 

[شمشاد]

وہ نوائے مضمحل کیا نہ ہو جس میں دل کی دھڑکن
وہ صدائے اہلِ دل کیا جو عوام تک نہ پہنچے
(شکیل بدایونی)

 

[عمر سیف]

ہم کو پوچھا ہمارے بعد سلیم
جیسے سوتے کو کوئی دے پیار

 

[شمشاد]

یہ مِرا ہُنر تیری خوشبوؤں سے وابستہ
میرے سارے لفظوں پر تیری حکمرانی ہے
(نوشی گیلانی)

 

[امیداورمحبت]

ان دنوں کچھ عجب ہے میرا حال
دیکھتا کچھ ہوں ،دھیان میں کچھ ہے

(درد)

 

[شمشاد]

بعد مدت انہیں دیکھ کے یوں لگا
جیسے بیتاب دل کو قرار آ گیا
(روشن نندا)

 

[سارہ خان]

پاسِ ناموس محبت ہے کچھ اتنا کہ یہ دل
خود لہو ہوتا ہے آنسو نہیں بہنے دیتا

 

[محمد وارث]

تمھارے خط میں‌ نیا اک سلام کس کا تھا
نہ تھا رقیب تو آخر وہ نام کس کا تھا

داغ

 

[شمشاد]

ٹھہر جاؤ کہ حیرانی تو جائے
تمہاری شکل پہچانی تو جائے
(محسن نقوی)

 

[عمر سیف]

ث سے بہت کم اشعار ہیں شاید۔۔۔اس لیے معذرت

اب ج سے

جل جل کے بجھ گئے ہیں آفاق کے ستارے
لیکن دیا وفا کا اب تک نہیں بجھا ہے

 

[شمشاد]

چاہت کا اک میٹھا میٹھا درد جگانے شام ڈھلے
تیری یادیں آ جاتی ہیں مجھ کو رلانے شام ڈھلے
(حسن امام)

 

[عمر سیف]

حیات و موت پہ ہوتی جو دسترس اس کی
تو میرے دوستو میں کب کا مر چکا ہوتا

 

[شمشاد]

خود تمہیں چاکِ گریباں کا شعور آ جائے گا
تم وہاں تک آ تو جاؤ ہم جہاں تک آ گئے
(قابل اجمیری)

 

[عمر سیف]

دُنیا سے اس قدر نہ مراسم بڑھا مجاز
اک روز یہ دیکھنا تمھیں بھول جائے گی

 

[شمشاد]

ڈھل گیا آفتاب اے ساقی
لا پلا دے شراب اے ساقی
(سدرشن فاخر)

 

[فرحت کیانی]

ذوقِ سفر نہ اپنی کوئی منزلِ مُراد!!!
ہم عہدِ نو کے لوگ ہیں گویا کٹی پتنگ