اشعار کا سلسلہ،حروف ِ تہجی سے

[شمشاد]

یہ زندگی جو پکارے تو شک سا ہوتا ہے
کہیں ابھی تو مجھے خود کشی نہیں کرنی
سوپنل تیواری

 

[طاہر شیخ]

اپنا زمانہ آپ بناتے ہیں اہل دل
ہم وہ نہیں کہ جن کو زمانہ بنا گیا

جگر مراد آبادی

 

[سیما علی]

بدلتا وقت یہ کہتا ہے ہر گھڑی ناصر
کہ یادگار ہے یہ وقت انقلابوں میں

 

[طاہر شیخ]

پاکی دامان گل کی کھا نہ اے بلبل قسم
رات بھر سرشار کیفیت میں شبنم سے رہا

مرزا علی لطف

 

[سیما علی]

تیری صورت سے ہے عالم میں بہاروں‌کو ثبات
تیری آنکھوں کے سوا اس دنیا میں‌رکھا ہی کیا ہے

 

[سیما علی]

ٹھوکروں کا سلسلہ بھی ختم ہو گا ایک دن
کیا ہوا اے دل اگر منزل کا پتھر دور ہے


مرغوب اثر فاطمی

 

[سیما علی]

ثبوت مانگ رہے ہیں میری تباہی کا
مجھے تباہ کیا جن کی کج ادائی نے
صہبا اختر

 

[طاہر شیخ]

جنہیں گلے ہوں وہ آئیں اور آ کے بات کریں
دلوں کی میز پہ بیٹھیں مذاکرات کریں
نیلوفر افضل

 

[سیما علی]

چشمِ نظارہ کو شاید یہ نہیں معلوم تھا
روشنی جاتی ہے آنکھوں میں اندھیرا چھوڑ کر

 

[طاہر شیخ]

حصار ریگ میں برسوں جلا تھا میرا وجود
سو ایک دشت مرا ہم خیال ہوگیا ہے

نامعلوم

 

[سیما علی]

خمارِ اوّلینِ ذات ٹوٹا
سو اب کیفیّتِ ثانی میں ہوں مَیں

لیاقت علی عاصم​

 

[سیما علی]

دَرد کے معجزے ہوتے ہیں لُغت سے آزاد
میرؔ نے حسنِ معانی کی نمائش نہیں کی
محمد مختار علی

 

[طاہر شیخ]

ذلت کے گھڑوں میں گر چکے ہیں ہم
اے خدا اب تو ہم پہ رحم فرما دے

 

[سیما علی]

ڈوبتے ڈوبتے کشتی کو اچھالا دے دوں
میں نہیں کوئی تو ساحل پہ اتر جائے گا
احمد فراز

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے۔

 

[سیما علی]

رہِ طلب میں کسی کو کسی کا دھیان نہیں
ہجومِ ہم سفراں ہے قریب آ جاؤ

 

[طاہر شیخ]

زلف کلمونہی کو پیارے اتنا بھی سر مت چڑھا
بے محابا منہ پہ تیرے پاؤں کرتی ہے دراز
حسرت عظیم آبادی

 

[سیما علی]

ژولیدگی مجھے بھاہ گئی مجھے شعر کہنا سکھا گئی
تیری یار کی وہ حسیں ضیا میرے دل کو ہی نہ ملی فقط

 

[شمشاد]

سن تو سہی جہاں میں ہے تیرا فسانہ کیا
کہتی ہے تجھ کو خلق خدا غائبانہ کیا
حیدر علی آتش

 

[طاہر شیخ]

شعر لوگوں کے بہت یاد ہیں اوروں کے لئے
توں ملے تو میں تجھے شعر سناؤں اپنے

انور مسعود

 

[شمشاد]

صبح دم چھوڑ گیا نکہت گل کی صورت
رات کو غنچۂ دل میں سمٹ آنے والا
احمد فراز