6) پسندیدہ کارٹون کیریکٹر اور پسندیدہ فیری ٹیل
کارٹون کریکٹرز :
ٹوییٹی ،
پنک پینتھر اور
گارفیلڈ
فیری ٹیل:
ہینسل اینڈ گریٹیل۔
ویسے مجھے فینٹسی پر مبنی کہانیاں بھی بہت اچھی لگتی ہیں خصوصاً پیٹر پین ، اور ایلس اِن ونڈر لینڈ تو ہینسل اور گریٹیل سے بھی زیادہ پسند ہیں۔
7) کوئی ایسا گانا جس سے کوئی یاد وابسطہ ہوں یا اسے سنتے ہی بےساختہ کچھ یاد آجائے۔
we had joy we had fun we had seasons in the sun
اس گانے کو سنتے ہی مجھے اپنی پکی والی چار سہیلیاں یاد آ جاتی ہیں کیونکہ ہم لوگ اکثر مل کر یہ گانا گنگنایا کرتی تھیں۔
اور نصرت فتح علی خان کا گانا ' چل میرے دل کُھلا ہے مے خانہ' کہیں سُن لوں تو مجھے اپنی کانونٹ کی ایک ٹیچر مس وکٹوریہ بہت یاد آتی ہیں جن کی آواز بہت اچھی تھی اور سکول کے ہر فنکشن میں چاہے وہ کوئی بھی ملی نغمہ یا گانا گائیں ، آخر میں ان کے لئے ایک فرمائشی پروگرام چلا کرتا تھا اور کوئی نہ کوئی ان سے اس گانے کی فرمائش ضرور کرتا تھا۔
8 ) فرض کریں اگر آپ مرد ہوتے تو محفل کی کس فی میل خاتون یا لڑکی کو اپنی شریک حیات کے روپ میں دیکھنا پسند کرتیں اور کیوں ؟
(اب اسکا جواب ٹپیکل مردوں والا نا ہو کہ اٹھا کر چار نام پیش کر دیں)
یہ سوال
۔
ایک ؟
۔
بالفرض ایسا ہوتا تو حقیقی زندگی میں کسی ایسی خاتون کو ڈھونڈا جاتا جن میں
مہ جبین آنٹی جیسی پختہ سوچ،
تعبیر جیسا بے ساختہ پن ،
سیدہ شگفتہ جیسا بے لوث انداز ،
امیداورمحبت جیسا ذوق ،
مقدس اور
عینی شاہ جیسی ببلی سی خوش مزاج شخصیت ،
عائشہ عزیز جیسا سب کا خیال رکھنے والا مزاج اور
امن ایمان کی طرح دوسروں کو قائل کر لینے والے اوصاف پائے جاتے۔ ویسے کافی آسانی سے مل جاتی ناں؟ آخر کو مرد صاحبان کو ایسی ہی مرقع خوبیاں کی تلاش ہوتی ہے ناں
۔
9) خاندان میں کوئی نا کوئی کریکٹر یا نام بہت مشہور ہوتا ہے اور ہمارےمزاج ،کارناموں اور عقل کے مطابق ہمیں اس خاص نام سے پکارا یا چھیڑا جاتا ہے تو آپ کا کوئی ایسا نام ہے اور آپ کو یہ لقب کیوں اور کس بنا پر دیا گیا؟
خاندان میں تو ایسے کسی کردار سے نہیں جوڑا جاتا لیکن میرے بھائی مجھے کافی باتیں لگاتے رہتے ہیں۔
بچپن میں کبھی کبھی جب ہماری سکول بس نہیں آتی تھی تو ایک چھوٹی کیری وین ہمیں لینے آتی تھی۔ مجھے وہ اچھی لگتی تھی اور میں نے گھر اعلان کیا کہ مجھے یہ گاڑی چاہئیے۔ ابا نے کہا کہ آپ اپنا جیب خرچ جمع کریں اور خرید لیں۔ میرے بھائی میرا خوب ریکارڈ لگاتے تھے۔ کیری کی تصویریں اخبار اور رسالوں سے کاٹ کر مجھے گفٹ کرتے کہ اپنا البم بنا لو اور جب ایسی گاڑی سڑک پر نظر آتی تو کہتے کہ آپکی گاڑی جا رہی ہے۔ انہوں نے ایک money box لیکر اس پر 'donation for carry van ' لکھ دیا اور اس میں سب سے کچھ نہ کچھ ڈلواتے۔ پھر بعد میں جب میں بھول بھال گئی تب بھی ایک عرصے تک وہ لوگ مجھے کبھی ایک روپیہ کبھی پانچ دس روپے دے کر دیتے کہ یہ آپکی کیری وین خریدنے کے لئے ہماری طرف سے ڈونیشن ہے۔
۔
اور ایک بار شاید میں کوئی بات بتاتے بتاتے بھول گئی کہ کیا بات بتانی تھی۔ اس کا ریکارڈ تو ابھی بھی لگتا ہے جب میں کوئی بات سُنانے لگوں تو کوئی نہ کوئی پہلے ہی کہہ دیتا ہے کہ ان کی بات سُنیے۔ یہ ابھی کہیں گی ' پتہ کون تھا ، اس نے پتہ نہیں کس سے پتہ نہیں کیا کہا۔'
تعبیر کتنی مزے کی باتیں یاد کروا دیں آپ نے۔
10) پاکستان کی ایسی تین باتیں جو بہت پسند ہیں اور تین ہی ایسی باتیں جو سخت ناپسند ہیں؟
1۔ اذان کی آواز
2۔ رشتے ناتے اور خاندان میں قربتیں
3۔ چاروں موسم۔ اس تنوع کی قدر تب ہوتی ہے جب آپ ایسی جگہ جائیں جہاں بارہ مہینے ایک سے موسم میں گزارنے پڑیں۔
اور کچھ باتیں جن پر افسوس ہوتا ہے۔
1۔ ٹریفک کا نظام
2۔ طبقاتی فرق اور اس کی بنیاد پر قائم دوہرے معیار۔
3۔ عمومی زندگی میں نظم و ضبط کی عدم موجودگی۔ جیسے مجھے لوگوں کا قطار میں کھڑے نہ ہونے کی عادت پر افسوس ہوتا ہے۔ دھکم پیل برداشت کر لیں گے لیکن مجال ہے کہ قطار میں کھڑے ہو کر آرام سے اپنی باری کا انتظار کر لیں۔
یہ صرف آپ سے محفلین کی محبت اور اپنائیت ہے۔۔۔مجھے خود پڑھ کے بہت ہی مزا آرہا ہے 
عینی اب بتاؤ منے کیا کرنا ہے 
تعبیر نے چار نام نہ بتانے کی شرط رکھی تھی ناں آنٹی۔۔ 
