اُردو محفل کا اسکول - 6

[غ۔ن۔غ]

جولوگ فائدے میں کسی کوشریک نہیں کرتے،نقصان میں بھی ان کاکوئی شریک نہیں ہوتا۔​

کمزور انسان موقعوں کی تلاش میں رہتے ہیں اور باہمت انسان خود موقع پیداکرتے ہیں۔​

جواونچی جگہ کھڑے ہوتے ہیں،ان کو زیادہ طوفان اور آندھیوں کا سامناکرنا پڑتاہے۔​

​

 

[غ۔ن۔غ]

"اگرتوکل سیکھناہے تو پرندوں سے سیکھو کہ جب وہ گھرلوٹتے ہیں تو ان کی چونچ میں کل کےلیے کوئی دانہ نہیں ہوتا"​

 

[غ۔ن۔غ]

دل میں اترنے کےلیے سیڑھیوں کی نہیں بلکہ اچھے اخلاق کی ضرورت ہوتی ہے۔​

پرخلوص اور سچاشخص کبھی سچائی اور خلوص کی قسمیں نہیں کھاتا۔​

 

[غ۔ن۔غ]

وہ ایک انگلی جو مشکل وقت میں آپ کے آنسو پونچھتی ہےان دس انگلیوں سے بہتر ہےجو آپ کی کامیابی پرتالیاں بجاتی ہیں۔

 

[غ۔ن۔غ]

خون کی ندیاں بہانے سے وہ شہرت حاصل نہیں ہوتی جو ایک آنسو پونچھنے سے ہوتی ہے۔​

 

[سیدہ شگفتہ]

عقلمند انسان اپنے آپ کو پست کر کے بلندی حاصل کرتا ہے اور نادان اپنے آپ کو بڑھا کر ذلت اٹھاتا ہے ۔

(خیال : حضرت علی ابن ابی طالب)

 

[سارہ خان]

مولانا رومی ایک دن خرید و فروخت کے سلسلے میں بازار تشریف لے گئے۔ایک دکان پر جا کر رک گئے۔دیکھا کہ ایک عورت کچھ سودا سلف لے رہی ہے۔سودا خریدنے کے بعد اس عورت نے جب رقم ادا کرنی چاہی تو دکان دار نے کہا،“عشق میں حساب کتاب کہاں ہوتا ہے،چھوڑو پیسے اور جاؤ۔“
مولانا رومی یہ سن کر غش کھا کر گر پڑے۔دکان دار سخت گھبرایا اس دوران وہ عورت وہاں سے چلی گئی۔خاصی دیر بعد جب مولانا رومی کو ہوش آیا تو دکاندار نے پوچھا،
“مولانا صاحب آپ کیوں‌بے ہوش ہو ئے؟“
مولانا رومی نے جواب دیا،
“میں اس بات پر بے ہوش ہوا کے تم دونوں میں‌اتنا قوی اور مضبوط عشق ہے کہ آپس میں کوئی حساب کتاب نہیں‌جب کہ اللہ کے ساتھ میرا عشق کتنا کمزور ہے کہ میں‌تسبیح کے دانے گن گن کر گراتا ہوں۔“

 

[سیدہ شگفتہ]

ظالم کو معاف کرنا مظلوموں پر ظلم کرنے کے برابر ہے ۔

(خیال : ٹیپو سلطان)

 

[سارہ خان]

دیانتداری اور محنت کی کمائی سے سنگ مرمر کے محل نہیں کھڑے کیے جا سکتے ہیں۔

 

[سیدہ شگفتہ]

کفایت شعاری ایک قومی خدمت ہے ۔

(خیال : قائد اعظم محمد علی جناح)

 

[شمشاد]

دیانتداری اور محنت کی کمائی سے سنگ مرمر کے محل نہیں کھڑے کیے جا سکتے ہیں۔

سنگ مرمر کے محل تو کُجا، آجکل تو اینٹ اور سیمنٹ کے مکان بھی نہیں بن سکتے۔

 

[سارہ خان]

سنگ مرمر کے محل تو کُجا، آجکل تو اینٹ اور سیمنٹ کے مکان بھی نہیں بن سکتے۔

بالکل صحیح کہا اس ہی لئے تو کرپشن بے ایمانی بڑھتی جا رہی ہے ۔۔

" مفلسی کفر تک لے جاتی ہے "

 

[سیدہ شگفتہ]

بھوک سے کم کھاؤ تاکہ خوف عبادت اور صحت میسر آئے ۔

 

[ناعمہ عزیز]

رفاقتوں کے فیض اعتماد کے دم سے ہیں۔ بداعتماد انسان نہ کسی کا رفیق ہوتا ہے اور نہ کوئی اسکا کوئی حبیب۔ بداعتمادی کی سب سے بڑی سزا یہ ہے کہ انسان کو ایسا کوئی انسان نظر نہیں آتا جس کی تقریب کی وہ خواہش کرے اور نہ ہی وہ خود کو کسی کے تقرب کا اہل سمجھتا ہے۔

واصف علی واصف

 

[نیلم]

دنیا ایک سائے کی طرح ہے، اگر اس کے پیچھے بھاگو گے تو کبھی بھی پکڑ نہ پاؤ گے. اس سے اپنا منہ پھیر لو، تو اس کے پاس تمہارے پیچھے چلنے کے علاوہ کوئی اور چارہ نہ ہو گا

 

[شمشاد]

یہ مس نیلم اتنے دن غیر حاضر رہیں، خیریت سے تو ہیں۔

 

[ناعمہ عزیز]

یہ مس نیلم اتنے دن غیر حاضر رہیں، خیریت سے تو ہیں۔

ہاں جی چاچو وہ میرے کام سے گئی ہوئیں تھی ، داتا دربار میں چاول مفت مل رہے تھے نا وہ لینے ۔

 

[نیلم]

یہ مس نیلم اتنے دن غیر حاضر رہیں، خیریت سے تو ہیں۔

جی خیریت سے ہوں اللہ کاشکر ہے۔آپ کیسے ہیں ۔گھر میں سب ٹھیک ہیں۔

 

[نیلم]

ہاں جی چاچو وہ میرے کام سے گئی ہوئیں تھی ، داتا دربار میں چاول مفت مل رہے تھے نا وہ لینے ۔

چلی تو جاتی لیکن بہت دور ہیں داتا دربار۔گھر میں بنا دیتی ہوں پلاو میں بہت اچھابناتی ہوں

 

[نیلم]

جب تک آسمان میں کوئی (یعنی اللہ) تمہاری حفاظت کے لئے ہے تب تک یقین رکھو کہ زمین پر تمہیں کوئی نقصان نہیں پہنچا سکتا