ا۔ب۔پ ۔۔۔۔۔ کھیل نمبر 62

[یاسر شاہ]

مگر یہ تو بتائیں کہ کتنی گندی باتیں؟

یاسر کہتا ہے جو کراچی میں عام رائج ہیں۔

 

[سیما علی]

"گندی باتیں اچھے سبق" ایک لڑی کا آغاز کرنا چاہتا ہوں ۔مشورہ دیں کیسی رہے گی

یہ تو بتائیں بھانجے یہ باتیں آتیں کہاں سے ہیں دماغ میں!!!!بٹیا تو ہماری بالکل سادہ ہیں یہ کن کی صحبت کا اثر ہے 🤓🤓🤓🤓

 

[یاسر شاہ]

ارے خالہ کراچی والوں نے ہمیں خراب کر دیا ہے۔

 

[سید عاطف علی]

اچھی صحبت رکھو بھئی ! میرے سارے پیارے لوگو!!!

 

[محمد عبدالرؤوف]

ارے خالہ کراچی والوں نے ہمیں خراب کر دیا ہے۔

بھائی! یہ بھی بتائیں کہ کَراچی والوں نے یا کِراچی والوں نے؟

 

[سید عاطف علی]

ارے خالہ کراچی والوں نے ہمیں خراب کر دیا ہے۔

بہت احتیاط رکھو بھئی ۔ ۔ ۔
یک زمانہ صحبتے با اولیاء
بہتر از صد سالہ طاعت بے ریا

 

[سیما علی]

ارے خالہ کراچی والوں نے ہمیں خراب کر دیا ہے۔

برنس روڈ والوں میں اُٹھنا بیٹھنا ہے کیا 🤣

 

[سید عاطف علی]

بھائی! یہ بھی بتائیں کہ کَراچی والوں نے یا کِراچی والوں نے؟

پیش زیر زبر کا معاملہ نازک ہوتا ہے ۔
اگر کراچی کے ک کو زیر لگائیں گے تو چ سے پہلے نون غنہ واجب ہو گا۔

 

[محمد عبدالرؤوف]

برنس روڈ والوں میں اُٹھنا بیٹھنا ہے کیا 🤣

تشریح فرمائیے

 

[یاسر شاہ]

تر دامنی پہ شیخ ہماری نہ جائیو

 

[سید عاطف علی]

تر دامنی پہ شیخ ہماری نہ جائیو

ٹُر جائیں گے پنجابی سمجھنے والے ۔

 

[محمد عبدالرؤوف]

تر دامنی پہ شیخ ہماری نہ جائیو

ثمرین سے اس کی تشریح کرا لیں یا آپ ہی کر دیں گے؟؟؟

 

[سید عاطف علی]

جب چائے پیو تو ثمرین بٹیا کو بلاؤ ۔ خوہ مخواہ کی چیزوں میں بچی کو تنگ نہ کرو۔

 

[یاسر شاہ]

جلد کرتا ہوں ۔اس شعر کا مطلب مجھے خود مولانا یوسف لدھیانوی شہید کی کتاب پڑھ کے معلوم ہوا۔ انھوں نے شاعر کی مراد لکھی ہے۔میں عش عش کر اٹھا۔

 

[محمد عبدالرؤوف]

چائے کی ڈیوٹی تو اب گُلِ یاسمیں بہنا کے ذمے لگ گئی ہے۔

 

[سید عاطف علی]

چائے پر ہی بے چاری کو کیا کیا باتیں سننی پڑتی ہیں ۔

 

[سید عاطف علی]

چائے کی ڈیوٹی تو اب گُلِ یاسمیں بہنا کے ذمے لگ گئی ہے۔

حضور وہ چائے پینے کی ڈیوٹی ہے، بنانے کی نہیں ۔ کیوں بھئی گُلِ یاسمیں بیٹا بتاؤ ۔

 

[یاسر شاہ]

حل یہ نکلا کہ لڑی نہ بنائی جائے۔جزاک اللہ خیر۔ہم کونسا اڑیل ٹٹو ہیں کہ اڑ جائیں۔

 

[یاسر شاہ]

خر اڑیل ہو تو کہتے ہیں ،اسے نیچے لے جانا ہو تو اوپر چڑھاؤ،نیچے جائے گا اور اوپر چڑھانا ہو تو نیچے کو کھینچو اوپر جائے گا۔

 

[سیما علی]

تشریح فرمائیں

خالص کرخنداری زبان ہے بھیا ۔ وہاں، واں بن جاتا ہے، اس نے وسنے اور اچانک، اچانچک بن جاتا ہے اور کبھی، کبھوں۔