ا۔ب۔پ ۔۔۔۔۔ کھیل نمبر 62

[شمشاد]

پر اسراریت تو کوئی اتنی خاص نہیں البتہ تجسس ضرور ہے کہ وہ کہاں ہیں؟

 

[الف عین]

تو وجی کو پیغام بھیجا جائے

 

[طارق شاہ]

جی ضرور بھیجا جائے ، بلکہ دل یا کلیجہ جائے اور انھیں لے کر آئے

 

[جیہ]

چہرہ دکھلا جا وجی جی

 

[شمشاد]

حیرت ہے شاہ جی ایک نہیں دو دو حروف کھا گئے۔

 

[طارق شاہ]

خیریت رہی کہ اس عمل میں ہم پر

ٹماٹر نہیں پڑے ورنہ
ثابت اور گلے سڑے ٹماٹروں نے
جنج نکال کر ہماری کیا سب کی آنکھوں کو
چکاچوند کردینا تھا ، یعنی ٹماٹروں نے ہمارا
حال وہ کرنا تھا کہ ۔۔ بس مت پوچھیں
خُدا سے دعا ہے کہ ہمارا حافظہ اور معیارِ
خوردنی بہتر کرے ، ہم لفظ کھانے کے بجائے
دماغ اور انواع اقسام کی نعمتیں کھائیں

 

[عندلیب]

دعائیں ڈھیر ساری آپ کے لیے

 

[شمشاد]

ڈاکٹر سے رجوع نہیں کرنا پڑا۔ اس بات پر شاہ جی شکر کریں۔

 

[الف عین]

ذرا بوجھیں تو کہ عندلیب نے اوتار می کیا ڈش لگا رکھی ہے؟

 

[شمشاد]

رنگ برنگ کی سلاد بنا رکھی ہے۔ بقول عندلیب کے یہ سلاد ان کے میاں جی نے بنا کر پیش کی تھی۔ میں ٹھیک کہہ رہا ہوں ناں۔

 

[طارق شاہ]

زحمت نہ ہو تو یہ بھی بتادیا جائے کہ مِیاں اور ٹِنڈے میں کیا فرق ہے ؟
کیا دونوں کا ذائقہ کدو ( یا لوکی) کی طرح ہی ہے ؟
ایک متجسّس

 

[عندلیب]

سب ایسی باتیں کیوں کرنے لگے ہیں ہیں یہاں ؟

 

[شمشاد]

شاہ جی یہ کون سے میاں کو ٹنڈے سے ملا رہے ہیں۔

 

[طارق شاہ]

صاحب ہم نے سنا تھا کہ میاں شاید ٹنڈے سے ملتی جلتی کوئی سبزی ہے
ہے یا نہیں ہے جاننا مقصود تھا بس

 

[شمشاد]

ضرور جانیں لیکن ہم نے تو آج تک میاں نام کی کوئی سبزی نہیں سُنی۔

البتہ میاں اور ایک مشہور چوپائے میں قدر مشترک پائی جاتی ہے کہ دن رات کام کرتے ہیں۔

 

[الف عین]

طوطے کا ذکرِ خیر نہیں ہوا بہت دیر سے

 

[طارق شاہ]

ظہرانہ، عصرانہ اور عشائیہ کے علاوہ بھی معینہ وقت کی نسبت سے
کوئی نام ہے جوکسی تقریب طعام، یا کوئی اہتمام کے لئے مقرر ہو

 

[شمشاد]

عین ممکن ہو اور یہ بھی ہو سکتا ہے کہ نہ ہو، مجھے تو علم نہیں۔

 

[طارق شاہ]

غور کرنے پر بھی ذہن میں نہیں آتا ، سحری صرف رمضان میں مستعمل ہے
اسی طرح نہاری، صبح نہار منہ کھائی جانے والی ایک ڈش ایجاد ہوئی تھی
جو اب زیادہ تر شام یا رات کو ہی کھائی جاتی ہے ۔ (کہیں کہیں اب بھی صبح کو)

 

[شمشاد]

فکر نہ کریں، کھانے والے نہ صبح دیکھتے ہیں نہ رات، ان کو تو بس کھانے سے غرض ہوتی ہے۔