ا۔ب۔پ ۔۔۔۔۔ کھیل نمبر 62

شکیل احمد خان23 · جمعہ بوقت 7:20 صبح

شاباش! ۔۔مل کے بولیں ہیّازور لگاکے بھیّا۔۔۔۔۔۔

عظیم · جمعہ بوقت 10:06 صبح

صبر کرتا ہوں میں تو شکیل احمد خان23 کہ اس لڑی میں بھی ص صاحب ہی سامنے آئے ہیں

الف عین · جمعہ بوقت 9:02 شام

ضروری ہے کہ صبر کا پھل میٹھا ہی ہو؟ کبھی کبھی تو کڑوا یا کھٹا بھی نکل سکتا ہے

شکیل احمد خان23 · ہفتہ بوقت 3:35 صبح

طاق ہو اگر آدمی پھل کی شناخت میں جو کے تجربہ سے ہو ہی جاتاہے تو نقصان کا احتمال نہیں رہتا۔ چنانچہ تربوز کو خریدنے سے پہلے کان کے قریب لاکرہاتھ سے بجاکے دیکھ لیاجائے ۔اگر جھنجھنا رہا ہے تو سرخ بھی ہے ، میٹھا بھی ہے اور تیار بھی ہے ۔خربوزہ لینے سے پہلے پیندے یا سر سے سونگھ کر دیکھیں اگر تیزخوشبوہے تو بس وہ صرف خوشبو ہے اور اگر ہلکی اور اتنی ہلکی کے قوت لگا کر سونگھنا پڑے تو یہ خرید لیں ۔انگوروں پر ہلکا سا بھورا پن ہے تویہ اِ س کی لذّت کے دوچند ہونے کااشارہ ہے اور نری ہریالی ہے تو یہی وہ انگور ہیں جن کے کھٹے ہونے کا عندیہ بی لومڑی دے گئی ہیں۔
آم شروع شروع میں دکانداروں کے پیسے بٹورنے کا ذریعہ ہوتے ہیں کہ انہیں زبردستی پیلا کرکے بازار میں رکھ دیا جاتا ہے ۔لہٰذا شروع کا آم خریدناٹھیک نہیں ہے۔ویسے پھل جب آپ اُسے دیکھتے ہیں تو یہ بھی آپ کو دیکھتا ہے اور سچ سچ کہہ دیتا ہے من کی بات،اس کی بات غور سے سُنیں اور اُسی پر عمل کریں ۔۔۔۔۔۔۔۔۔۔۔۔۔دکاندار کے بہکاوے میں نہ آئیں ۔۔۔

شکیل احمد خان23 · ہفتہ بوقت 4:17 صبح

ظالم تاجر کل بھی تھے اب بھی ہیں ۔۔۔۔۔اب مگر زیادہ ظالم ہوگئے ہیں ۔پیسہ کمانا مقصدِ اولیں ہے ، خرید وفروخت میں خریدار کی بھلائی اِن کا مطمح ِ نظر نہیں رہا۔انٹر نیٹ پر اشتہاروں کا طومار ہے ،ترغیبات کےشوروہنگام میں کان پڑی آواز سنائی نہیں دیتی۔بازارِ تجارت میں وہ غُل، اُدّھم اور ہاہاکارمچی ہے جس سے دل ڈرتا ہے اور کلیجہ کانپتا ہے کہ کہیں آسمان ہی نہ گر پڑے۔۔۔۔

سیما علی · ہفتہ بوقت 5:24 صبح

شکیل احمد خان23 نے کہا:
طاق ہو اگر آدمی پھل کی شناخت میں جو کے تجربہ سے ہو ہی جاتاہے تو نقصان کا احتمال نہیں رہتا۔ چنانچہ تربوز کو خریدنے سے پہلے کان کے قریب لاکرہاتھ سے بجاکے دیکھ لیاجائے ۔اگر جھنجھنا رہا ہے تو سرخ بھی ہے ، میٹھا بھی ہے اور تیار بھی ہے ۔خربوزہ لینے سے پہلے پیندے یا سر سے سونگھ کر دیکھیں اگر تیزخوشبوہے تو بس وہ صرف خوشبو ہے اور اگر ہلکی اور اتنی ہلکی کے قوت لگا کر سونگھنا پڑے تو یہ خرید لیں ۔انگوروں پر ہلکا سا بھورا پن ہے تویہ اِ س کی لذّت کے دوچند ہونے کااشارہ ہے اور نری ہریالی ہے تو یہی وہ انگور ہیں جن کے کھٹے ہونے کا عندیہ بی لومڑی دے گئی ہیں۔
آم شروع شروع میں دکانداروں کے پیسے بٹورنے کا ذریعہ ہوتے ہیں کہ انہیں زبردستی پیلا کرکے بازار میں رکھ دیا جاتا ہے ۔لہٰذا شروع کا آم خریدناٹھیک نہیں ہے۔ویسے پھل جب آپ اُسے دیکھتے ہیں تو یہ بھی آپ کو دیکھتا ہے اور سچ سچ کہہ دیتا ہے من کی بات،اس کی بات غور سے سُنیں اور اُسی پر عمل کریں ۔۔۔۔۔۔۔۔۔۔۔۔۔دکاندار کے بہکاوے میں نہ آئیں ۔۔۔

عام طور پر مردوں کو سودا خریدنے کا یہ تجربہ نہیں ہوتا بھیا آپ تو اس کام میں خوب طاق ہیں ماشاء اللہ بھابھی خوب خوش ہوتیں ہونگیں ۔۔۔ ایکدن ہم سبزیاں چھانٹ کے لے رہے تھے تو ایک صاحب ہمارے ساتھ ہی سبزیاں خرید رہے تھے پوچھنے لگے بہن ٹماٹر خوب پکے ہوئے لے لوں تو یقیناً آپکی بھابھی خوش ہونگیں ہم نے کہا بھائی ویسے تو بہت پکے ٹماٹر جلدی خراب ہوجائیں گے سارے نہ لیں پکے آدھے کچے پکے لیں اور کچھ تیار لے لیں ۔.بہت خوش ہوئے اور
دعائیں دینے لگے بہن بہت شکریہ ۔۔

عظیم · اتوار بوقت 9:13 صبح

غور کریں تو سب مرد حضرات سودا خریدنے سے ناواقف نہیں ہو سکتے؟ کچھ کچھ تو اس چیز میں بھی ماہر ہوتے ہیں

سیما علی · اتوار بوقت 12:16 شام

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص
ض ط‌ ظ ع غ ف ق ک گ ل م ن و ہ ھ ء ی ے