پندرہویں سالگرہ برصغیر کی معدوم ہوتی اشیاء

[فہد اشرف]

اٹک میں ہماری پھوپھی مرحومہ کے گھر شہتیر والی چھت تھی۔ چند سال قبل گھر دوبارہ تعمیر کروایا ہے، تو یہ لکڑی اتنی مضبوط تھی کہ یہی لکڑی نئے گھر میں بھی دروازوں کے لیے استعمال ہوئی۔

ہمارے گھر کے دروازے پرانے کھپریل کے گھر کی لکڑیوں کے بنے ہوئے ہیں۔

 

[فہد اشرف]

یہ تو بہت خطرناک لگ رہا ہے ۔ اس طرح کی ہمارے یہاں ہَنسِیا ہوتی ہے۔

 

[فہد اشرف]

چارپائی ہماری ثقافت کا اہم ورثہ ہے جسکی افادیت نت نئے ڈائزائن کے بیڈ کم نہیں کرسکے ایک وقت تھا جب شام کے وقت ہر صحن چارپائیوں سے بھرا ہوتا تھا اب نہ ایسی چارپائیاں ملتیں ہیں نہ ہیں اور نہ انکو بننے والی عورتیں موجودہ دور میں اگر کوئی لڑکی یہ دعویٰ کرئے کہ وہ چارپائی بن سکتیں ہیں تو میرے نزدیک وہ واقعی قابل فہم ہے اپ میں سے ہے کوئی یہ کارنامہ سر انجام دے سکے

چارپائیاں تو اب بھی عام ہیں گاؤں میں ہاں پٹ سن کی رسیوں والی نہیں دکھتیں اب، اس کی جگہ بازار میں ملنے والی سوت والی رسیوں نے لے لی ہے۔

 

[فہد اشرف]

اردو میں درانتی

درانتی وہ ہے جو اشتراکیوں کے جھنڈے میں ہوتی ہے۔

 

[فہد اشرف]

پھونکنی۔۔۔
لوہے کا قریباً گز بھر لمبا پائپ۔۔۔
اس سے پھونکیں مار کر چولہے میں موجود لکڑی کوئلہ کی آگ تیز کی جاتی تھی!!!

سرگوشی

اس کی تصویر کسی کے پاس ہو تو شئیر کردے!!!

گز بھر، زیادہ لمبا کر دیا آپ نے۔ ہمارے گھر میں المییونیم کی قریب ڈیڑھ فیٹ لمبی پھونکنی ہے سردیوں میں الاؤ جلانے میں اب بھی کام آتی ہے۔

 

[فہد اشرف]

پرانے پنجاب میں حقہ خاص اہمیت کا حامل تھا آج بڑھتی ھوئی سگریٹ نوشی اور شیشے نے حقہ کی اہمیت کم کر دیا ھے

حقہ تو پھر چلن میں آ گیا ہے شہروں میں با قاعدہ حقہ بار بھی کھل رہے ہیں۔ ہاسٹلز میں لڑکے روم پہ رکھتے ہیں، جس کے پاس نہیں ہوتا پے وہ کرائے پہ لے آتا ہے۔

 

[فہد اشرف]

۔۔۔

 

[سید شہزاد ناصر]

حقہ تو پھر چلن میں آ گیا ہے شہروں میں با قاعدہ حقہ بار بھی کھل رہے ہیں۔ ہاسٹلز میں لڑکے روم پہ رکھتے ہیں، جس کے پاس نہیں ہوتا پے وہ کرائے پہ لے آتا ہے۔

وہ حقہ نہیں شیشہ کہلاتا ہے

 

[جاسمن]

مجھے یہ اچھا لگتا ہے میرا نواسہ ہے

اللہ زندگی والا کرے۔ قسمت اچھی ہو۔ آپ کی آنکھوں کی ٹھنڈک بنے۔ آمین!
ویسے میں نے جو اوتار چنا تھا اس میں بھی دو نواسے ہی ہیں۔

 

[فہد اشرف]

وہ حقہ نہیں شیشہ کہلاتا ہے

اس طرح کا ہوتا ہے۔ کیا اسے اس لیے شیشہ کہتے ہیں کیونکہ یہ شیشے کا بنا ہے؟ بہر حال اکثر لوگ اسے حقے ہی کہتے ہیں اور پھر زیادہ تر بار کا نام بھی حقہ بار ہی ہتا ہے۔

 

[فہد اشرف]

ہمارے گھر کا سل لوڑھا (سل بٹہ)

دریتی۔ کیونکہ یہ دال دلنے کے کام آتا ہے اور دلنے کو گاؤں میں درنا کہتے ہیں اسی مناسبت سے اس کا نام دریتی پڑا پے۔

 

[فہد اشرف]

کھونٹی۔ اب اس کی جگہ ہینگر نے لے لی ہے۔ جب ہمارا گھر بنا تھا اس وقت دسیوں کھونٹیاں لگوائی گئی تھیں اب بس ایک بچی ہے۔

 

[محمد وارث]

شاید آپ کُونڈے کی بات کررہے ہیں ۔ مٹی کا وہ کونڈا کہ جس میں عموماً دودھ فروش دہی جماتے ہیں اس سے نسبتاً چھوٹا مٹی کا برتن سندھیوں کے ہاں دعوتوں میں "بھَت" یعنی چاول کھِلانے کے لئے استعمال ہوتا ہے ۔

جی بالکل،ہم اسے کونڈا بھی کہتے ہیں اور کنالی بھی۔

 

[سید شہزاد ناصر]

اس طرح کا ہوتا ہے۔ کیا اسے اس لیے شیشہ کہتے ہیں کیونکہ یہ شیشے کا بنا ہے؟ بہر حال اکثر لوگ اسے حقے ہی کہتے ہیں اور پھر زیادہ تر بار کا نام بھی حقہ بار ہی رکھتے۔

اس میں امپورٹڈ فلیورڈ تمباکو استعمال ہوتا ہے جو صحت کے لئے انتہائی مضر ہے دیسی حقے میں دیسی تمباکو اور گڑ استعمال ہوتا ہے

 

[سیما علی]

پاندان۔۔۔
نانی اماں اور دادی جان کی جان۔۔۔
اس میں موجود ڈبیاں کُلیاں کہلاتی تھیں۔۔۔
کبھی گھر والوں کی نگاہوں سے بچا کر کلیوں کے نیچے پیسے، ٹافی یا اسی نوع کی وہ اشیاء چھپا دی جاتی تھیں جو بچوں کی خواہشات نفس کو مہمیز دینے کے کام آسکتی ہوں۔۔۔
لیکن بچےہوں یا بڑے، شک ہونے کی صورت میں سیدھا اسی جگہ کی تلاشی لے کر گوہرِ مراد پالیتے تھے!!!

میرے پاس اب تک ہے میری پیاری اماں جان کی نشانی ، انکی زندگی تک اسی طرح سجتا تھا۔۔۔۔۔

 

[فہد اشرف]

بَدنا یا بَدنی مٹی کے اس چھوٹے سے لوٹے نما برتن کو کہا جاتا تھا جو عام طور پر مسجد کے استنجا خانے میں طہارت کے لئے استعمال کیا جاتاتھا ۔

ٹونٹی دار لوٹا؟ بدنی کہتے ہمارے یہاں۔

 

[الشفاء]

چنگیر یا چنگیر ی کے لئے ایک اور لفظ "ڈَلیا" بھی مستعمل ہے جو ڈالی کی تصغیر ہے ۔

ہمارے ہاں اسے چھنگیر کہتے تھے۔ پچھی بھی کہا جاتا تھا، چ مشدد کے ساتھ۔

 

[الشفاء]

ہم نے سندھ میں رہنے کی وجہ سے اس کا تلفظ زیر سے ہی کیا ہے۔ لیکن ہم نے اسے کبھی اوڑھا نہیں۔ گو کہ اچھا خیال ہے یہ بھی۔
اب میری رلیاں پرانی ہو چکی ہیں تو میں نے کچھ تو دے دیں۔ ایک آدھ جو ہیں وہ میں باہر بیٹھ کے کرنے والے کاموں کے لیے استعمال کرتی ہوں۔ بچوں کو بٹھاکر تیل لگانا، سبزی بنانا،سلائی مشین سے سینے پرونے کے کام وغیرہ۔

پنجاب میں بھی زیر کے ساتھ رلّی کہا جاتا تھا۔ لیکن ہم نے عموماً یہ سادہ کپڑوں کی بنی ہوئی دیکھی جو چھوٹے بچوں کے نیچے ڈالی جاتی تھی تاکہ بستر خراب نہ ہو۔ اسی سے یاد آیا کہ بچوں کا ایک لنگوٹ بھی ہوتا تھا موٹے سے کپڑے کا بنا ہوا تکونی شکل کا، جس کی جگہ اب ڈائپر نے لے لی ہے۔

 

[الشفاء]

مٹی کی بنی ہوئی ایک بڑی ٹرے ہوتی تھی جس کو سہنڑک کہتے تھے۔ جس میں آٹا گوندھا جاتا تھا۔ اب سٹیل کی بنی ہوئی استعمال ہوتی ہے جس کو پرات کہتے ہیں۔۔۔

 

[الشفاء]

بزرگ قمیص کے نیچے کُڑتی پہنتے تھے جو کپڑے کی سلی ہوئی بنیان تھی لیکن آگے سے کھلی ہوتی تھی اور سامنے چار جیبیں لگی ہوتی تھیں۔