بس

[شمشاد]

اور تو کوئی بس نہ چلے گا ہجر کے درد کے ماروں کا
صبح کا ہونا دوبھر کر دیں راستہ روک ستاروں کا
(ابن انشاء)

 

[عمر سیف]

اظہار محبت نہ کیا بس اسی ڈر سے
ایسا نہ ہو گر جاؤں کہیں ان کی نظر سے

 

[شمشاد]

تو جو روٹھی میری پلکوں پہ نمی رہ جائے گی
زندگی بس نام ہی کی زندگی رہ جائے گی

 

[عمر سیف]

اتر گیا ہے وہ دریا جو تھا چڑھاؤ پر
بس اب جماؤ کناروں پہ پتھروں کا ہے

 

[شمشاد]

کتابِ دہر پر بس اک نگاہ ڈالی تھی
ذرا سا قرض تھا، اک عمر اُسکو بھرتے رہے!
(سرور عالم راز سرور)

 

[عمر سیف]

کہاں کہ مکتب وملا ، کہا ں کے درس و نصاب
بس اک کتاب ِمحبت رہی ہے بستے میں

 

[شمشاد]

فرض کرو یہ جوگ بجوگ کا ہم نے ڈھونگ رچایا ہو
فرض کرو بس یہی حقیقت باقی سب کچھ مایا ہو
(ابن انشاء)

 

[نوید صادق]

بیٹھ جاتا ہے وہ جب محفل میں آ کے سامنے
میں ہی بس ہوتا ہوں اُس کی ہر ادا کے سامنے


شاعر: منیر نیازی

 

[شمشاد]

بس اک رسوائیِ دنیا بری ہے
وگرنہ کیا بری یہ عاشقی ہے؟
(سرور)

 

[زینب]

خو شبو کے جزیرے سے ستاروں کی حدوں تک

اس شہر میں سب کچھ ہے بس اک تیری کمی ہے۔۔۔۔

 

[شمشاد]

وہ منظر، منظرِ حسن و محبت
وہی بس چار سو ہے اور میں ہوں
(سرور)

 

[نوید صادق]

مرے فسانے کا وہ مرکزی خیال ہے بس
تعارف اس سے مرا گرچہ غائبانہ ہوا

شاعر: نوید صادق

 

[شمشاد]

کس رتبے میں باریکی و نرمی ہے کہ جوں گل
آتی نہیں پنجے میں بس اس کے نظر انگشت
(چچا)

 

[نوید صادق]

گرفتاری پہ میری بس کہ آہن گریہ کرتا ہے
رواں ہوتا ہے چشمِ حلقہء زنجیر سے پانی

شاعر: مصحفی

 

[شمشاد]

دل ہے میرا ناہید عجب آئینہ خانہ
موسم ہے ہر اک بس ترے دیدار کا موسم
(ناہید ورک)

 

[عیشل]

بڑھا کے اس سے راہ و رسم اب یہ سوچتے ہیں
وہ بہت تھا جو رشتہ دعا سلام کا تھا
ہر اک کے بس میں کہاں تھا کہ سو رہے سرِ شام
یہ کام بھی تیرے آوارگان ِ شام کا تھا

 

[شمشاد]

تیری آنکھیں مسکراتی ہی رہیں
بس یہی میری دُعا رب سے ہے
(ناہید ورک)

 

[عمر سیف]

بس یہی بات کہ لوگوں کو نہ چاہو دل سے
تجربے اس کے سوا عمر کو کیا دیتے ہیں ؟

 

[شمشاد]

ترا ہی نام ہے جو بس گیا ہے سانسوں میں
کسی کو تیرے سِوا اور کیا خدا کرتے
(ناہید ورک)

 

[عمر سیف]

اب تو بس ایک ہی خواہش ہے کسی موڑ پر تم
ہم کو بکھرے ہوئے مل جاؤ، سنبھالیں تم کو