بیت بازی سے لطف اٹھائیں (4)

[سید زبیر]

یہ آرزو تھی کہ ہم اس کے ساتھ ساتھ چلیں
مگر وہ شخص تو رستہ بدلتا جاتا ہے

یہ کس مقام پہ پہنچا ہے کاروان وفا
ہے اک زہر سا پھیلا ہوا فضاوں میں

 

[عمر سیف]

نہ دیکھوں تیرا چہرہ تو یوں محسوس ہوتا ہے
کہ اس دنیا میں جیسے چاندنی راتیں نہیں ہوتیں

 

[فرحت کیانی]

نہیں نہیں یہ خبر دشمنوں نے دی ہو گی
وہ آئے آ کے چلے گئے ملے بھی نہیں

 

[عمر سیف]

اُس سے اُس تک پہنچنے کا راستہ پوچھا بہت
جان پائے نہ اُسے ہم کہ وہ مشکل تھا بہت

 

[سید زبیر]

اُس سے اُس تک پہنچنے کا راستہ پوچھا بہت
جان پائے نہ اُسے ہم کہ وہ مشکل تھا بہت

تو کہ انجان ہے اس شہر کے آداب سمجھ
پھول روئے تو اس خندہ شاداب سمجھ
فراز

 

[عمر سیف]

ہر ایک بات پہ کہتے ہو تم کہ تو کیا ہے
تمھیں کہو کہ یہ اندازِ گفتگو کیا ہے

 

[سید زبیر]

ہر ایک بات پہ کہتے ہو تم کہ تو کیا ہے
تمھیں کہو کہ یہ اندازِ گفتگو کیا ہے

یہ کس نے آج جگائی ہے عہد رفتہ کی یاد
یہ کون دل کے قریں آج نوحہ خواں سا ہے

 

[عمر سیف]

یوں بھی ہوتا ہے کہ جب لمبے سفر پر نکلوں
ہر قدم پر کوئی سمجھاتا ہے دروازے تک

 

[سید زبیر]

یوں بھی ہوتا ہے کہ جب لمبے سفر پر نکلوں
ہر قدم پر کوئی سمجھاتا ہے دروازے تک

کیا جانے کس کو کس سے ہے اب داد کی طلب
وہ غم جو مرے دل میں ہے تری نظر میں ہے
فیض

 

[شمشاد]

یوں مٹا جیسے کہ دہلی سے گمانِ دہلی​

تھا مِرا نام و نشاں، نام و نشانِ دہلی​

(داغ دہلوی)​

 

[سید زبیر]

یوں مٹا جیسے کہ دہلی سے گمانِ دہلی​

تھا مِرا نام و نشاں، نام و نشانِ دہلی​

(داغ دہلوی)​

یہ کشمکش الگ ہے کہ کس کشمکش میں ہوں
آتا نہیں سمجھ بہت سوچتا ہوں میں

 

[فرحت کیانی]

نہ تُو زمیں کے لئے ہے نہ آسماں کے لئے
جہاں ہے تیرے لیے تُو نہیں جہاں کے لئے

 

[شمشاد]

یہ سمجھ کر تجھے اے موت لگا رکھا ہے​

کام آتا ہے برے وقت میں آنا تیرا​

(داغ دہلوی)​

 

[فرخ منظور]

آئے کچھ ابر کچھ شراب آئے
اس کے بعد آئے جو عذاب آئے
فیض

 

[شمشاد]

یہ جو ہے حکم میرے پاس نہ آئے کوئی​

اس لئے روٹھ رہے ہیں کہ منائے کوئی​

(داغ دہلوی)​

 

[عمر سیف]

یہ قرب کیا ہے کہ تو سامنے ہے اور ہمیں
شمار ابھی سے جدائی کی ساعتیں کرنی

 

[ندیم حفی]

بیت بازی کا نیا دھاگہ

تہمت چند اپنے ذمے دھر چلے
کس لئے آئے تھے ہم کیا کر چلے
(خواجہ میر درد)

مستند ہے آپ کا فرمایا ہوا۔۔مگر مجھے یوں لگتا ہے جیسے تہمت ایک نہیں تھی۔جبھی تو خواجہ صاحب کو درد تھا۔

 

[شمشاد]

یہ مزہ تھا دل لگی کا، کہ برابر آگ لگتی​

نہ تجھے قرار ہوتا، نہ مجھے قرار ہوتا​

(داغ دہلوی)​

 

[عمر سیف]

ایسی چپ سی لگی ہے جیسے
ہم تجھے حال سنانے آئے​

 

[شمشاد]

یہ وہ دردِ دل نہیں ہے کہ ہو چارہ ساز کوئی​

اگر ایک بار مٹتا تو ہزار بار ہوتا​

(داغ دہلوی)​