بیت بازی سے لطف اٹھائیں (5)

[شمشاد]

اک بار اس نے مجھ کو دیکھا تھا مسکرا کر
اتنی تو ہے حقیقت باقی کہانیاں ہیں
میلہ رام وفاؔ

 

[ڈاکٹر عظیم سہارنپوری]

نیند آجائے تو کیا محفلیں برپا دیکھوں
آنکھ کھل جائے تو تنہائی کا صحرا دیکھوں

پروین شاکر

 

[ڈاکٹر عظیم سہارنپوری]

نہیں نگاہ میں منزل تو جستجو ہی سہی

نہیں وصال میسر تو آرزو ہی سہی

فیض

 

[شمشاد]

نیند آجائے تو کیا محفلیں برپا دیکھوں
آنکھ کھل جائے تو تنہائی کا صحرا دیکھوں

پروین شاکر

نہ بہلاوا نہ سمجھوتا جدائی سی جدائی ہے
اداؔ سوچو تو خوشبو کا سفر آساں نہیں ہوتا
(ادا جعفری)

 

[ڈاکٹر عظیم سہارنپوری]

الجھا ہے پاؤں یار کا زلف دراز میں
لو آپ اپنے دام میں صیاد آگیا

مومن

 

[شمشاد]

اگر سچ اتنا ظالم ہے تو ہم سے جھوٹ ہی بولو
ہمیں آتا ہے پت جھڑ کے دنوں گل بار ہو جانا
(ادا جعفری)

 

[ڈاکٹر عظیم سہارنپوری]

اک بے وفا وفا کا صلہ دے گیا مجھے
خوشیاں چرا کے غم کا مزا دے گیا مجھے

عظیم سہارن پوری

 

[شمشاد]

یہ اداسی یہ پھیلتے سائے
ہم تجھے یاد کر کے پچھتائے
(زہرا نگاہ)

 

[سیما علی]

یوں تو دریا میں قطرے ہوتے ہیں بہت
قطرہ وہی ہے جس میں دریا دکھائی دے

نہیں معلوم

 

[سیما علی]

یاروئے یا رُلایا، اپنی تو یوں ہی گزری
کیا ذکر ہم صفیراں ، یارانِ شادماں کا

میر

 

[سیما علی]

ابھی تو پر بھی نہیں تولتا اڑان کو میں
بلا جواز کھٹکتا ہوں آسمان کو میں

اختر عثمان

 

[سیما علی]

نوکِ مژگاں پر دل مژمردہ ہے یوں سرنگوں
شاخ پر جھک آے ہے جوں پھول مرجھایا ہوا


شیخ قلندر بخش جرات

 

[سیما علی]

آہ وہ ياديں کہ اس ياد کو ہو کر مجبور
دل مايوس نے مدت سے بہلا رکھا ہے


حسرت موہانی

 

[سیما علی]

یوں بعدِ ضبطِ اشک پھروں گرد یار کے
پانی پیے کسو پہ کوئی جیسے وارکے


غالب

 

[سیما علی]

یوں سجا چاند کہ جھلکا تیرے انداز کا رنگ
یوں فضا مہکی کہ بدلا میرے ہمراز کا رنگ


فیض احمد فیض

 

[سیما علی]

گزرے ہیں عشق نام کے دنیا میں اک بزرگ
ہم بھی فقیر ایک اسی سلسلے کے ہیں
(میر)

 

[شمشاد]

اور کوئی نہیں ہے اس کے سوا
سکھ دیے دکھ دیے اسی نے دیے
(فاطمہ حسن)

 

[شمشاد]

گزرے ہیں عشق نام کے دنیا میں اک بزرگ
ہم بھی فقیر ایک اسی سلسلے کے ہیں
(میر)

نہیں پائے گا نشاں کوئی ہمارا ہرگز
ہم جہاں سے روش تیر نظر جائیں گے
(شیخ ابراہیم ذوق)

 

[سیما علی]

یہ بزم مئے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں وہ جام اسی کا ہے
(شاد عظیم آبادی)

 

[شمشاد]

یہ بھی نیا ستم ہے حنا تو لگائیں غیر
اور اس کی داد چاہیں وہ مجھ کو دکھا کے ہاتھ
(نظام رامپوری)