بیت بازی سے لطف اٹھائیں (5)

[سیما علی]

دستِ رنگیں پہ ترے کس کا لہو چمکے گا
رنگ لانے سے رہا ، رنگِ حنا میرے بعد
نصیر الدین نصیر

 

[سیما علی]

دیکھتے دیکھتے ہی ماند پڑے شمس و قمر
خود سے بیزار ہوئے صبح مسا میرے بعد


ہمدم کاشمیری

 

[عمار نقوی]

دل کی ویرانی کا کیا مذکور ہے
یہ نگر سو مرتبہ لوٹا گیا

 

[عمار نقوی]

اب بھی دماغ رفتہ ہمارا ہے عرش پر
گو آسماں نے خاک میں ہم کو ملا دیا

 

[سیما علی]

اب بھی دماغ رفتہ ہمارا ہے عرش پر
گو آسماں نے خاک میں ہم کو ملا دیا

اب ہے اپنا سامنا درپیش
ہر کسی سے گزر گیا ہوں میں

جون ایلیا

 

[سیما علی]

نظر سے قتل کر دو نہ ہو تکلیف دونوں کو
تمہیں خنجر اٹھانے کی مجھے سر جھکانے کی‏‎‎

 

[مومن فرحین]

یہ پیام میرا کہنا تو صبا مودبانہ
کہ گزر گیا پیارے تجھے دیکھے اک زمانہ

 

[فہد اشرف]

ہزار شکر کی مایوس کر دیا تو نے
یہ اور بات کی تجھ سے بھی کچھ امیدیں تھیں
فراق گورکھپوری

 

[سیما علی]

نہ گئی تیرے غم کی سرداری
دل میں یوں روز انقلاب آئے

فیض صاحب

 

[سیما علی]

یہ پھول مجھے کوئی وراثت میں ملے ہیں
تم نے مرا کانٹوں بھرا بستر نہیں دیکھا

بشیر بدر

 

[فہد اشرف]

آج بھی ہے لکھی ہوئی سرخ حروف میں مجاز
دفتر شہر یار میں میرے جنوں کی داستاں
مجاز لکھنوی

 

[سیما علی]

نازکی اس کے لب کی کیا کہیے
پنکھڑی اک گلاب کی سی ہے
میرتقی میر

 

[شمشاد]

یہ سردیوں کا اداس موسم کہ دھڑکنیں برف ہو گئی ہیں
جب ان کی یخ بستگی پرکھنا تمازتیں بھی شمار کرنا
نوشی گیلانی

 

[سیما علی]

اس کا پتہ کسی سے نہ پوچھو بڑھے چلو
فتنہ کسی گلی میں تو ہوگا اٹھا ہوا

 

[سیما علی]

اس تشنہ لب کی نیند نہ ٹوٹے دعا کرو
جس تشنہ لب کو نیند میں دریا دکھائے

 

[سیما علی]

یہ عشق و محبت کی روایت بھی عجب ہے
پانا بھی نہیں ہے،اُسے کھونا بھی نہیں ہے

 

[سیما علی]

یہ کیا سزا ہے کہ لب تشنہ عمر بھر ساجد
میں اپنی ذات کے میدا نِ کربلا میں رہوں

 

[شمشاد]

نہ اب وہ یادوں کا چڑھتا دریا نہ فرصتوں کی اداس برکھا
یوں ہی ذرا سی کسک ہے دل میں جو زخم گہرا تھا بھر گیا وہ
ناصر کاظمی

 

[سیما علی]

ہم فقیروں سے بے ادائی کیا
آن بیٹھے جو تم نے پیار کیا
میر تقی میر

 

[سیما علی]

آسماں پر کوئی تصویر بناتا ہوں، ظفر
کہ رہے ایک طرف اور لگے چاروں طرف

ظفر اقبال