بیت بازی سے لطف اٹھائیں

[عمر سیف]

وہ آئے بزم میں اتنا تو میر نے دیکھا
اس کے بعد چراغوں میں روشنی نہ رہی

 

[شمشاد]

یوں ہاتھ دھوئے بیٹھے ہیں دل اور جگر سے ہم
گویا کہ نا امید سے ہیں چارہ گر سے ہم
(سرور)

 

[محمد وارث]

میر ان نیم باز آنکھوں میں
ساری مستی شراب کی سی ہے

 

[شمشاد]

یہ بھی اِک خواب کا جاگا ہوا منظر ہی نہ ہو
ترے ہاتھوں میں مرا ہاتھ کہاں ممکن ہے
(فاخرہ بتول)

 

[امیداورمحبت]

یہی بہت ہے کہ دل اس کو ڈھونڈ لایا ہے
کسی کے ساتھ سہی وہ نظر تو آیا ہے

(امجد اسلام امجد)​

 

[عمر سیف]

یہ معجزہ بھی محبت دکھائے مجھے
کہ سنگ تجھ پہ گرے اور زخم آئے مجھے

 

[شمشاد]

یوں بھی ہوا ہے دوست، سرِِ بزمِ آرزو
احساس تھا اگر تو وہ خود میں کمی کا تھا
(سرور)

 

[عمر سیف]

اک بار جسے چاٹ گئی دھوپ کی خواہش
پھر شاخ پہ اس پھول کو کھلتے نہیں دیکھا

 

[شمشاد]

اگر نہ ہو ترجمانِ ہستی، تو اس میں حسنِ بیاں نہیں ہے
جو ہو نہ خونِ جگر سے رنگیں وہ داستاں داستاں نہیں ہے
(سرور)

 

[عمر سیف]

یہ خاموشی تو میرے دل کی دیواریں گرا دے گی
محبت ہو نہ ہو، پر لب ہلا آہستہ آہستہ

 

[شمشاد]

ہمیں کیا کیا ملا اس آستاں سے
دیارِ درد سے کوئے فغاں سے
(سرور)

 

[عمر سیف]

یقیں رکھتا نہیں ہوں میں کسی کچے تعلق پر
جو دھاگہ ٹوٹنے والا ہو اس کو توڑ دیتا ہوں

 

[شمشاد]

نظر اُٹھی تو ہے اس کی مقامِ خود شناسی میں
تعجب کیا کہ سرور آشنائے راز ہوجائے
(سرور)

 

[محمد وارث]

یہ بزمِ محبت ہے اس بزمِ محبت میں
دیوانے بھی شیدائی، فرزانے بھی شیدائی

دیکھے ہیں بہت ہم نے ہنگامے محبت کے
آغاز بھی رسوائی، انجام بھی رسوائی

(صوفی تبسم)

 

[شمشاد]

یوں تو سرور کو سمجھتے ہیں سبھی دیوانہ
دیکھئے کیا یہ فقیہانِ حرم کہتے ہیں
(سرور)

 

[precious_pearl]

یوں میرے خط کا جواب آیا
لفافے میں ایک گلاب آیا

 

[precious_pearl]

آنکھوں نے بنا ڈالے ہیں اک بات پر دھیرے سے
خشکی کے سمندر میں پانی کے جزیرے سے

 

[شمشاد]

یہ حسن کی طرزِدلنوازی، یہ عشق کی سب کرشمہ سازی
بجز فریبِ نظر نہیں کچھ، بھلا متاعِ حباب کیا ہے
(سرور)

 

[شمشاد]

precious_pearl میں آپ کو اردو محفل میں خوش آمدید کہتا ہوں۔

برائے مہربانی آپ تعارف کے زمرے میں جا کر اپنا مختصر سا تعارف تو دیں تا کہ بات چیت میں آسانی رہے۔

امید ہے آپ یہاں آ کر بہت لطف اندوز ہوں گے۔

 

[precious_pearl]

یہ کیسا ابر دل پر چھا گیا ہے
اداسی روح تک برسا گیا ہے

ذرا یہ برف کا کہسار دیکھو
کہ جیسے آئنیہ پتھرا گیا ہے

ذرا یہ سوختہ اشجار دیکھو
کوئی غم ہے جو ان کو کھا گیا ہے

بس اب یہ دوستی ہے عمر بھر کی
وہ مجھ سے ہی مجھے ملواگیاہے