بیت بازی سے لطف اٹھائیں

[فیصل عظیم فیصل]

نفَس نہ انجمنِ آرزو سے باہر کھینچ
اگر شراب نہیں انتظارِ ساغر کھینچ

چلو کہ پھر سے محبت کی بات کرتے ہیں
اسی کی یاد میں کالی یہ ر ا ت کرتے ہیں
(فیصل)



اب آخری شعر کے مطابق بھی حاضر خدمت ہے


یہی تو دھوکہ دہی ہے کہ حرف آخر سے
وہ اگلی بات کے کرنے میں دیر کر بیٹھے


(مگر باجیاں تو ایسی ہی ہوتی ہیں لہذا انہیں غصہ نہیں کیا کرتے شمشاد دلشاہ بھائی)

اب براہ کرم ی سے

 

[نوید صادق]

یہاں بھی اس کے سوا اور کیا نصیب ہمیں
ختن میں رہ کے بھی چشمِ غزال ہی کے تو ہیں

شاعر: عرفان صدیقی

 

[فیصل عظیم فیصل]

نوید آج بھی ہم کو ملے تو پھر دیکھو
بنائیں ہم بھی وطن کو حسین تر پھر سے

 

[شمشاد]

یہ نہیں دیکھا کسی نے رنج و غم ہے کس لیے!
اہلِ دنیا صرف اندازِ فغاں دیکھا کیے!
(سرور)

 

[شعیب خالق]

یادیں ہیں اپنے شہر کی ، اہلِ سفر کے ساتھ
صحرا میں لوگ آئے ہیں دیوار ودر کے ساتھ

 

[عندلیب]

ہزار بار جو مانگا تو کیا حاصل
دعا وہی ہے جو دل سے کبھی نکلتی ہے

 

[فیصل عظیم فیصل]

ہم ، تم اور اپنا زمانہ
دیکھو تو اب بیت گئے
اپنے سر میں چاندی آئی
بھول وہ سارے گیت گئے
لیکن اب تک اپنے دل سے
نہیں ہمارے میت گئے

 

[فیصل عظیم فیصل]

یہ دعائے دل کا ہے معجزہ
کہ ہمیں ملی نئی آگہی
(معذرت آپ نے پہلے پوسٹ کر دیا تھا لہذا جواب میں بے ربطگی ہو گی)

 

[عندلیب]

یہ کہہ کے دل نے مرے حوصلے بڑھائے ہیں
غموں کی دھوپ کے آگے خوشی کے سائے ہیں‌

 

[فیصل عظیم فیصل]

نہ حوصلوں سے فرار ہے نہ خوشی میں ہم کو قرار ہے
نہ ہے زندگی میں کوئی کمی نہ ہی راہ تیز و طرار ہے

 

[تیشہ]

یہ کھلی دھوکہ دہی ہے، آپ کو حرف " چ " سے شعر دینا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب انشاء جی کو بلانا کیا اب پیار کے دیپ جلانا کیا
جب دھوپ اور چھایا ایک سے ہوں جب دن رات برابر ہو

اچھا تو کیا ہوا غلطی سے لکھا گیا ہوگا ، مجھے بھی کون سا الف ب پوری آتی ہے اس لیے کبھی کبھی دھوکہ کھا جاتی ہوں جیسے ں ہو آخر میں تو نہیں سمجھ آتی کہ ں ہے یا یہ ہے ۔

 

[عندلیب]

دور حیات آئے گا قاتل قضا کے بعد
ہے ابتدا ہماری تری انتہا کے بعد

 

[فیصل عظیم فیصل]

دکھ تو اس بات کا ہم کو ہے کہ اس نے سمجھا
خود کو فیصل کا مقابل ہے مگر اس کی طرح

 

[عندلیب]

حقیقت خرافات میں کھو گئی
یہ امت روایات میں کھو گئی

 

[فیصل عظیم فیصل]

یہ کتابوں یا رسالوں یا جریدوں کا شغف
ان سے انسان کو پہچان خودی کی ہوگی

 

[عندلیب]

یہ شہادت گہہِ الفت میں‌ قدم رکھنا ہے
لوگ آسان سمجھتے ہیں مسلمان ہونا

 

[شمشاد]

اٹھتی تھیں دریچوں پہ ہماری نگاہیں
اپنا بھی کبھی شہر نگاراں میں گزر تھا
(احسان دانش)

 

[عندلیب]

اپنے بھی خفا مجھ سے ہیں بے گانے بھی نا خوش
میں زہر ہلاہل کو کبھی کہہ نہ سکا قند

 

[ظفری]

درد اپناتا ہے ، پرائے کون
کون سُنتا ہے ، اور سنائے کون

 

[فیصل عظیم فیصل]

نہ سنیں گے وہ ہمارے دل کی
اور ہم " خود" سنا نہیں سکتے