بیت بازی سے لطف اٹھائیں

[شعیب خالق]

یہ جو ہم ہجر میں، دیوار ودر کو دیکھتے ہیں
کبھی صبا کو، کبھی نامہ بر کو دیکھتے ہیں
غالب

 

[فیصل عظیم فیصل]

ناکامی ، افسوس ، مقدر ، موقع
ان چاروں پر بات کہاں تک‌ڈالیں

 

[جاویداقبال]

السلام علیکم ورحمۃ وبرکاتہ،

یہ مسئلہ اب اہل محبت کاہے اپنا
مرتے ہیں توکچھ آپ پر احسان نہیں کرتے

والسلام
جاویداقبال

 

[فیصل عظیم فیصل]

یہ آغاز کس حرف سے کیا ہے آپ نے ۔ جہاں تک میرا خیال ہے یہ محفل تو بیت بازی کی ہے ۔ کیا میں غلط ہوں ۔۔؟ کہ آپ کو آغاز میرے شعر کے آخری حرف سے کرنا تھا ۔

 

[شمشاد]

یہ اصل میں بہت ہی زیادہ عرصہ کے بعد آئے ہیں ناں تو ہو سکتا ہے اصول بھول گئے ہوں۔

 

[شمشاد]

نفرت کی آگ لگائے ہوئے ہیں لوگ
مہرو وفا کا درس بُھلا ئے ہوئے ہیں لوگ
(جمیل عظیم آبادی)

 

[الف عین]

گرمئی کوچہ و بازار نظر میں رکھنا
اپنے گھر کے در و دیوار نظر میں رکھنا

 

[جیا راؤ]

اب راز یہ کوئی راز نہیں سب اہلِ گلستاں جان گئے
ہر شاخ پہ الوّ بیٹھا ہے انجامِ گلستاں کیا ہوگا

 

[محمد وارث]

اک لحظہ بہے آنسو، اک لحظہ ہنسی آئی
سیکھے ہیں نئے دل نے اندازِ شکیبائی

(صوفی تبسیم)

 

[جیا راؤ]

یہ سوچ سوچ کر اکثر اداس رہتا ہوں
میں کس کے پاس ہوں اور کس کے پاس رہتا ہوں

 

[شمشاد]

نہ آتے ہمیں تکرار کیا تھی
مگر وعدہ کرنے میں عار کیا تھی

 

[فیصل عظیم فیصل]

یہ زرداری کا وعدہ بے وفا کیوں ہے
یہ تحریک عدل سے پھر جفا کیوں ہے
مانا کہ ایک شخص جو ملعون ہے قومی
اس شخص کے جانے پہ تو خفا کیوں ہے




ی

 

[محمد وارث]

یہ اور بات ہے کہ تم آئے ہو تو کوئی نہیں
وگرنہ غم تو یہاں بے شمار رہتے ہیں

جہانِ قدس بھی میری نظر سے گذرا ہے
وہاں بھی تیری نظر کے شکار رہتے ہیں

(ساغر صدیقی)

 

[شمشاد]

یہ حادثات جو ہیں اضطراب کا پیغام
یہ حادثات ہی آئیں گے سازگار مجھے
(عزیز وارثی)

 

[فیصل عظیم فیصل]

یہی حرکت ہے پیجے کی تو پھر امید کیسے ہو
نئی جو صبح ہو روشن تو اس کی دید کیسے ہو
جہاں پرویز جیسا شخص مقرر ہو خباثت کو
وہاں اصلی عدالت سے تری تائید کیسے ہو

 

[شمشاد]

وہ بے حساب جو پی کے کل شراب آیا
اگرچہ مست تھا میں پر مجھے حجاب آیا
(بہادر شاہ ظفر)

 

[محمد وارث]

ابتدا ہی میں مر گئے سب یار
عشق کی کون انتہا لایا

اب تو جاتے ہیں بتکدے سے میر
پھر ملیں گے اگر خدا لایا

(میر تقی میر)

 

[شمشاد]

اس کے عشق میں بھیگ کے واثق ہم کو یہ احساس ہوا
دل کی بات میں آنے والے کچھ کچھ پاگل ہوتے ہیں
(سعید واثق)

 

[سیما فرحت]

ریت پر تھک کے گرا ہوں تو ہوا پوچھتی ہے
آپ کیوں آئے تھے اس دشت میں وحشت کے بغیر
عرفان صدیقی

 

[سیما فرحت]

رضی اختر شوق کے تین شعر!
رنگ ہوں نقش گہہِ سنگ میں ہوں
اپنے چھرے کے لئے جنگ میں ہوں
تم تماشائی ہو دیکھے جاؤ
رنگ مجھ میں ہے کہ میں رنگ میں ہوں
اپنی وسعت سے پریشاں خاطر
یعنی اک پیرہنِ تنگ میں ہوں